Hechos 16:14 - El Nuevo Testamento en matsés

¹⁴ Pabadon chuibanacno chido Didia cuëmëdquid shubu dadpen icquid Tiatida yacnouësh choquid icpondash. Aidi dashcute umu umumbo bëdaidquio cuëshaid menequin piucquid bedquid nepondash. Aidi Nuquin Papa tantiaquid icquin Pabadon chuibansho tantiec tsadsho Nuquin Icbon tantiamiac Esus tantiaquid Didia yampondash.

Hechos 16:14 ပူးပေါင်းရင်းမြစ်များ

Ducas 24:45

Aden chuishumbic abëd icquido bëdambuen tantiamequioquin:

Uanën dada uaid 12:20

Edusaden yacnouësh cuëdënec chochobuedobëd matses utsibo Quedesia yacnocquido icpanëdash.

Hechos 10:2

Aidi aton shubun icquidobëd Nuquin Papa tantiaquid icquin isadaidbo atona nibëdquid icsho issun meniannequid nepanëdash. Adecbidi Nuquin Papa chiec onquiannequidquio nepanëdash.

Hechos 11:21

Aden chuibanshobi Nuquin Papan nadatiambocquin tantiamiac aidon chuibanaid tantiashun isadaidpembon: Cun matsesën icsambuen tantiaidbëta umbi icsambuen naid ënnu, quequin ënash Esus tantiaquid dadpen yampanëdash.

Hechos 13:43

Aden chiaqui Pabadobëd Bednabe nidsho issun isadaidbo utsibobëtan isadaidpembon isadaidbopadquid icnuequid utsin utsinquien tsibanampanëdash. Aden abi tsibanansho issun: Nuquin Papan bëdambuen tantiaid yec chieshtoenquio icquin Aid tantiec bëdambuec tabadta, quequin chuipanëdash Pabadobëtan Bednaben.

Hechos 13:50

Aden chuibansho tantiashumbien: Pabado icsambocquid nec, quequin isadaidbon chuiquidon nidaid Pisidia yacnocquid shubu dadpen icquid Antioquia yacnocquidon chido bëdambocquid yec Nuquin Papa tantiaquidobëta ambocquidon chuiquid tapabo nëishmeshun Pabadobëta Bednabe mëyanmetanquin ashunquio cuenmepanëdash.

Hechos 16:40

Adoac puduenanec nidequi Didian shubu yacno choash puduedshun Esus tantiaquido iccuededsho issun: Esus tantiec chieshtoenquio yec bëdambuec tabadta, quequin Pabadon chuibampanëdash. Aido chuibidanec Pabadobëd Sidas nidpanëdash.

Hechos 18:7

Aden chiashic Nuquin Papan Chiaid chuibante shubu yacnouësh puduenanec aid dayuntsëqui shubu icquidën Pabado puduedpanëdash. Aid shubu icbo Tisio Usto cuëmëdquid Nuquin Papa tantiaquidquio icpanëdash.

Hechos 8:27

Aden Nuquin Papabëd icquidën chuibocmi nidquin Etiopia caid yacnouësh choquid Uedipen chinuntuidpanëdash. Aton chuiquid tapabi chido Candase cuëmëdquidën piucquid dayun uaquid aid dada nepanëdash. Aidi Edusaden yacno nidash tabadquin Nuquin Papa tantiec cuëdënec tabadanec

Doma 9:16

¿Ambembi nasho Nuquin Papan ubi bëdambuen istsiash, quequin abi bunacpaden nashoda Nuquin Papan matses bëdambuen ispec? Padenquio. Nuquin Papan ambi tantiactedishun abi tantiasho Nuquin Papan uënësquio icquin bëdambuen isendac.

Pidipos 2:13

Nuquin Papan: Ma bëdambuec tabadnu, quequin ambi tantiacpaden bëdambuec tabadte bunmequin mibitedi bëdambuen namendac.

Esusën Uan ismiaid 1:11

Naden chuiposhi: Umbi ismiac mimbi isaidbëta Umbi Chiaidtedi dada uabanta. Adoshombic nidaid Asia caidën icquid shubu dadpen icquid 7ted icquid uanno uannombuec tabadquin Esus tantiaquidtedishun iste nëidtedi yacno dada uashun buanmeta. Nëidic Epeso yacno. Nëidic Esmidna yacno. Nëidic Pedcamo yacno. Nëidic Tiatida yacno. Nëidic Saddes yacno. Nëidic Pidadedpia yacno. Nëidic Daudisea yacno. Aidted yacnocquidon iste dada uashun buanmeta, quec cumapenec onquequin chuiposhi.

Esusën Uan ismiaid 3:20

Tantia. Mibi chuinu. Min shubu shëcuë cuëman nidtuidshun: Shëcuë shëcne, quec ubi cuënsho tantiashun: Pudued, quequin mimbi shëcuë shëcnesho isash min shubun puduedash mibëdi pec tabadendabi.

Esusën Uan ismiaid 3:7

Padpiden naden chuiuaposhi: Pidadedpia yacnoshon ubi chuibanquidën iste chuinu. Dada uata. Tantia, Pidadedpia yacnocquido. Icsaisambo yec abimbo chuiquidquio icquin Nuquin Papan Chomiaidën naden chuiposhi: Cun tsusedpa Dabid yampicpadquid matses namequidquio yec aid abentsëqui Nuquin Papa yacno puduedmianquid Mesias nec, utsibon: Padi, catiapimbo icnuc. Umbi shëcniaid utsin shëcnandotiapimbo iquec. Adembidi umbi shëcnandoaid utsin shëcnetiapimbo iquec.