Hechos 15:39 - El Nuevo Testamento en matsés

³⁹ Adoaquien Bednaben aden tantienquio icquin: Aidi buannuna, quequin iuen chuibudaqui Pabadon adembidi: Padi, cauac Pabadobëd cuëshëdnanec Bednabe Madcosbëd cano dapa antabëdtoanec nidec acte nënantanquio nidaid nacnëdquid Chipide yacno nidpanëdash.

Hechos 15:39 ပူးပေါင်းရင်းမြစ်များ

Hechos 11:20

Adnubien Esus tantiaquid utsibo Chipide yacnocquidobëd Sidene yacnocquido shubu dadpen icquid Antioquia yacno chochopanëdash. Aidon isadaidpembotsen Nuquin Papan Chiaid Bëda chuibanquin Nuquin Icbo Esus tantiamenuen chuibampanëdash.

Hechos 12:12

Adec nidequi Uan cashumbic Madcos caidën titan shubu yacno Petedo chopanëdash. Aidën tita Madia nepanëdash. Ambobi Esus tantiaquid dadpen iccuededquin Nuquin Papa chiec tabadpanëdash.

Hechos 15:2

Adnubien Pabadobëd Bednabe ambo tabadquin aidon chuisho tantiash: Nuquin Papan aden chiambo iqueque. Aden chienda, quec aidobëd cumapenec cuëdcuededpanëdash. Adsho tantiashun Esus tantiaquido chuibanquidon: Edusaden yacno nidshun cumapenec cuëdcuededbued Esusën: Ubi chuibenneta, caidobëta Esus tantiaquidon chuiquid tapabo chuitanta, quequin Bednabebëta Pabado chuishumbic Esus tantiaquid utsibo chuiuaquin: Aidobëd nidta, quequin chuipanëdash.

Hechos 15:37

Adoaquien: Uan cashumbic Madcos cuënaid ma nuquibëd nidnu. Chuinuna, capanëdash Bednaben.

Hechos 27:4

Adashic Sidon yacnouësh puduanec nidquin potesho cunquequidën bëquedtuidac uëshë choacmi cuenadtanquin acte nënantan nidaid nacnëdquid Chipide caid datampondash.

Hechos 4:36

Adecbidi tsusedpa Debin tsiuecquid acte utsi nënantanquio nidaid nacnëdquid Chipide caid yacnoshon tishaid Edusaden yacno choash Ose tabadpanëdash. Aidi: Utsibo shubisho issun bëdambo icmequid nec, quequin Bednabe cuëmpanëdash Esus chuibennequidon.

Hechos 6:1

Adashic badiadquidën badiadquidënquiec Esus tantiaquid dadpenquio yannubi isadaidbo quidiecon onquetenuidi onquequido cumapenec nadec cuëdcuededec: Cun matses niantebo badiadquidën badiadquidënquien pete daëdpactsëc menequimbi min matsesën onquetenuidi onquequid chidobo pete dadpen mimbi menepacboc, quepanëdash.

Codosas 4:10

Adistadco ubëta quënën tsadunaid nec. Aidëmbi: Aido tantiec tsadebique. Chui, quesho tantiashun dada uaimbi. Adombuembidi Madcos Bednaben utsin chiaid dada uaimbi. Aidi iuecash mibi yacno nidsho issun bëdambuen isquin iuedta.

Santiaco 3:2

Nuquitedi icsa uatanquido nendac. ¿Tsutsi bëdambuecuidi onquequid icpatsiash? Utsi icsambuen chuishunesa icsambuen naisa ictsiash. Adquid abibi datantiadquin icsambuen chiec onquenquiocquid iquendac.

Petedo 1 5:13

Nuquin Papan tantiamiac nuquibëtan Esus tantiabenondaid Doma yacnocquido: Aido tantiembi, quiosh mibitedi caic. Adecbidi cun madobimbuecquid Madcostsen: Aido tantiembi, quiosh mibitedi caic.