Hechos 15:28 - El Nuevo Testamento en matsés

²⁸ Nuquin Papan Mayan Bëdan ubitedi tantiamiacpaden isadaidbon: Naden nata, quequin chiaidtedi nabanta, mibitedi cainquio iquembi. Nëidtedtsëqui ubitedishun: Nainda, caid nec.

Hechos 15:28 ပူးပေါင်းရင်းမြစ်များ

Mateo 11:30

Mibi ancainquio icquin dayacquio icmequin bëdambuen mibi tabadmembique. Cun Icbo, ubi cata, quequin Esusën chuipondash.

Mateo 23:4

Adembidi Nuquin Papan ëndenquimbo: Naden nata, quequin chiaidbëta ambibi: Naden nata, quequin chiaid dadpen chuibanquin matses namec. Aden namequid icquimbi utsibouidtsëqui iuëmboshëcquid iuënmemiacbimbuen namequin ambi chiaid ambibi nabanenquio iquec.

Uanën dada uaid 16:13

Nuquin Papan Mayan Bëda abimbo tantiamequid choshombien mibi abimbo chuiquin tantiamendac. Ambi tantiacpaden chienquio icquin Nuquin Papan Chiaiduidtsëqui chuiquin: Nadquio iquendac. Nadquid choendac, quequin mibi dadpen tantiamendac.

Hechos 15:19

Aden chuishumbic: Esus tantiaquid isadaidpembo icsho Nuquin tsusedpabon: Naden nata, quequin chiacpaden nabanta, cainquio icnuna. Esus tantiabenshun aton matsesën icsambuen tantiaquin nabanaid ma tantienquio icquin ëmpanu.

Hechos 15:25

Aden chiosh, quequin chuituidsho tantiash nëmbocquidobëd iccuededec onquequin: Naden chuiquin dada uanuna, queshun nëid dada uaombi. Aidi nëmbocquidobëtan nuqui tantiaidquio nuquin utsi Bednabebëta Pabado buantan, quequin chiombi.

Hechos 15:8

Umbi Esus chuibanac aid tantiaquid isadaidpembo yampondash. Adsho issun matsesën tantiaid tantiaquid icquin Nuquin Papan: Esus tantiaquid nec, quequin aton Mayan Bëda nuqui meniondacpadombuembidi isadaidpembo menepondash.

Hechos 16:4

Adotanec shubu dadpen icquid utsi utsiec yacno nidshun Esus tantiaquid utsibo yacno puduedcuennequin Esus chuibennequidobëtan Esus tantiaquidon chuiquid tapabo Edusaden yacnocquidon dada uaquin chiaid Pabadon chuibampanëdash.

Hechos 5:32

Esusën nabansho ubitedishun ispondambi. Adembidi uënësash uincuenacsho isondambi. Adembidi aton Mayan Bëdan tantiec. Esus tantiaquido icquin ambi chiacpadombuen nasho Nuquin Papan aton Mayan Bëda menendac, quepanëdash Petedo.

Codinto 1 14:37

Nuquin Papan oncamiaidquio nebi, quequidën naden tantiatsiash: Ma tantianu, queshun Nuquin Icbon tantiamiacpadombuen chuiquin Pabadon dada uaid nec, quequin tantiatsiash. Adembidi Nuquin Papan Mayanën namiaidën tantiauatsiash.

Codinto 1 7:25

Chidobotedi dadan bedabicquidobëta dada chido bedabi icquido tantiaquin naden chuita. Nuquin Icbon: Adquido aden chuita, quequin chiabi iccoshi. Adquid icshobi Nuquin Papan ubi bëdambuen isquin bëdambuen tantiamiaid icquin umbi tantiacpaden chuisho tantiashun: Abimbo chiec nec, quequin tantiata.

Codinto 1 7:40

Chido utsibic: Dada utsi bedmenquio iquembi, queshun bedmenquio icac bëdambo iquec, caimbi. Umbi chuibued Nuquin Papan Mayanën tantiamiacpaden chiaid nec, quequin tantiembi.

Tesadonica 1 4:8

Aden chuisho tantiashun umbi chuibambued niacquin matsesën chiaidpenquio mibitedishun niaquendac. Aton Mayan nuqui menequidën Nuquin Papan Chiaidquio mimbi niaquendac.

Petedo 1 1:12

Naden Nuquin Papan tantiamepampic: Mibitedi nibëdanan umbi chuibued umbi cun matses caid icsho utsibon isendac, quequin Esus chote chuipampic. Aden chiampicpadec choshon Esusën chuibampondash. Adembidi nëbi Nuquin Papan abucshun chomiac aton Mayan Bëdan nadatiambocquin tantiamiacpadombuen Esus chuibennequidon aidën naid mibitedi chuibampanëdash. Aden chuibanaid icnuc Nuquin Papabëd icquidotsen Esusën naid tantiate buncuededec.

Esusën Uan ismiaid 2:24

Tantia. Tiatida yacnocquidobëtabi ubi tantiaquidombotsen chuinu. Mayan Icsa Satanasën tantiamiac: Matsesën tantiatiapimbo yaid umbi tantiaid mimbi tantienquio iquec, quesho mimbi tantiashunenquio icpoc. Adshumbic aidën chuimiaidën chiacpadombuen mimbi nainquio icpoc. Aden bëdambuen nasho issun mimbi icsambuen naid utsi chienquio iquembi.