Hechos 15:23 - El Nuevo Testamento en matsés

²³ Isadaidpembo chuiquin Edusaden yacnoshon Esus tantiaquidon naden dada uapanëdash: Esus chuibennequido yec Esus tantiaquidon chuiquid tapabo yec min utsibo Esus tantiaquido yec quec Edusaden yacnocquido nebi. Mibi cun utsibo nec. Isadaidpembo Esus tantiaquido Antioquia yacno tabadquido yec nidaid Sidia yacno tabadquido yec nidaid utsi Sidisia yacno tabadquido yec quesho mibitedi tantiembi, quequin chuiquin dada uaombique. Isec onqueta.

Hechos 15:23 ပူးပေါင်းရင်းမြစ်များ

Mateo 4:24

Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash.

Hechos 11:18

Aden Petedon nainquin chuibanac bëdambuen tantiash chushquec ënëdash isadaidbo shui dëbid dëtemequido: Isadaidpembon Esus tantiaquin ambi icsambuen naid ënsho issun Nuquin Papan aidotsen ënëdenquio yec abi yacno tabadtequid icmiac, quepanëdash Nuquin Papan naid chiec.

Hechos 11:20

Adnubien Esus tantiaquid utsibo Chipide yacnocquidobëd Sidene yacnocquido shubu dadpen icquid Antioquia yacno chochopanëdash. Aidon isadaidpembotsen Nuquin Papan Chiaid Bëda chuibanquin Nuquin Icbo Esus tantiamenuen chuibampanëdash.

Hechos 14:27

Ambo choash tabadquin ambo icquid Esus tantiaquidobëd iccuededquin Nuquin Papan tantiamiacpaden abi capucuenniacnoshon ambi nabanaidtedi Pabadobëtan Bednaben chuibampanëdash. Isadaidpembo dadpen Esus tantiaquid yamposh, quequin chuibampanëdash.

Hechos 15:1

Adnubien nidaid Udea caid yacnouësh choquido Esus tantiaquid utsibo Antioquia yacno chochoash tabadquin: Nuquin Papan: Naden nata, quequin Moises chuiquin dada uamiampicpaden shui dëbid dëtemesa Nuquin Papa yacno puduedtemaid nendac, quequin chuibampanëdash.

Hechos 15:2

Adnubien Pabadobëd Bednabe ambo tabadquin aidon chuisho tantiash: Nuquin Papan aden chiambo iqueque. Aden chienda, quec aidobëd cumapenec cuëdcuededpanëdash. Adsho tantiashun Esus tantiaquido chuibanquidon: Edusaden yacno nidshun cumapenec cuëdcuededbued Esusën: Ubi chuibenneta, caidobëta Esus tantiaquidon chuiquid tapabo chuitanta, quequin Bednabebëta Pabado chuishumbic Esus tantiaquid utsibo chuiuaquin: Aidobëd nidta, quequin chuipanëdash.

Hechos 15:22

Adashic Esus chuibennequido yec Esus tantiaquidon chuiquid tapabo yec Esus tantiaquido utsibo yec quec iccuededec onquec ënëdshun: Umbi aden chuibued dada uaid Antioquia yacno ma buannu, quequin Pabadobëta Bednabe nidmenuna. Aidobëd nëid daëd chuiquid icsho nidmenuna, quequin chiac abentsëc Udas cashumbic Badsabas caidbëta Sidas cuëmëdquid nidmenuna, quequin chuipanëdash.

Hechos 15:4

Auëshquio puduanec nidec Edusaden yacno choash tabadquin ashunquiotsen Nuquin Papan namiacpaden ambi capuquin nabanaidtedi Pabadobëtan Bednaben Esus tantiaquido yec Esus chuibennequido yec Esus tantiaquidon chuiquid tapabo yec quec tabadsho tantiamequin chuibanuapanëdash.

Hechos 15:41

Adec nidec nidaid Sidia caid yacno nidash capucuennequin Esus tantiaquido bëdambuen tantiamenuen chuibampanëdash. Aden chuibenneshumbic nidaid Sidisia yacnotsen nidshun Esus tantiaquido chuiquin: Adembidi Esus tantianuna, quequin Pabadon chuibanuapanëdash.

Hechos 18:18

Adashien Pabado nidaid cuëshë Codinto yacno iuec tabadash Esus tantiaquido nianec nidaid cuëshë Sidia caid yacno nidec Pabado puduampanëdash. Aidbëdi Aquidabëd aton chido Pisida Codinto yacnouësh nidec Codinto nidaid cuëshën icquid shubu dadpen icquid Senquedeas yacno chopanëdash. Ambo tabadquin: Nuquin Papa tantiaquioquin aidtedec ushquin nainombi, queshun utsibo ismenu, quequin Pabadon aton manëdaid nibëdquiecnuc matasmepanëdash. Adashic auëshquio cano dapa antabëdtoanec nidpanëdash.

Hechos 21:25

Isadaidpembo Esus tantiaquid yanacsho ubëtan chuiquidon tantiaid dada uaquin naden chiondambi: Nuquin Papan: Naden nata, quequin Moises chuiquin dada uamiampid nëidtedtsëqui mimbi natequid nendac. Ambi papa canun nacnenaid ismequin pete sanaid penda. Adembidi min chidouidtsëqui chudquid icta. Adembidi min bënëuidtsëqui chudmequid icta. Adembidi nëish tëtaniaid penda. Adembidi tëshë codocaid intac icquid penda, quequin isadaidpembo chiondambi, quepanëdash Santiaco Pabado chiec.

Hechos 21:3

Adec nidquimbi acte nënantan nidaid nacnëdquid Chipide caid copiocquid datambidanec nidaid utsi Sidia caid yacnotsen choash shubu dadpen icquid Tido yacno chopondash. Ambo choshon ambi ansandoshon bëaid icbo yacno sambudmepondash.

Hechos 23:26

Cadaudio Disias nebi. Chuiquid tapa cobednadod caid Uedis bëdambocquid mibi icsho chuinu. Nëid dada Pabado umbi bedmebued mibi yacno buanmembi, quequin chuiquin dada uaimbique. Isec onqueta.

Hechos 6:9

Aden nadatiambocquin naquin ismiaqui bëdambuen tantienquio yec utsibo nëidtedi yacnocquido cumapenec cuëdcuededpanëdash. Nëidic Nuquin Papan Chiaid chuibante shubun puduedquido iua iccondaidi iuapenquio yanaido. Nëidic shubu dadpen icquid Sidene yacnouësh choquido. Utsibic shubu dadpen icquid Adejandedia caid yacnouësh choquido. Utsibic nidaid cuëshë Sidisia caid yacnouësh choquido. Utsibic nidaid cuëshë Asia caid yacnouësh choquido. Aidtedi Edusaden yacno chochoash tabadquin Esteban chiec: Icsambuen mimbi chiec, quequin chuibededpanëdash.

Cadasia 1:21

Aden Edusaden yacno istanec choashic iuec iuecpambo ictanec nidaid cuëshë utsi Sidiabëta nidaid cuëshë utsi Sidisia caid yacno isec nidondabi.

Santiaco 1:1

Santiaco nebi. Nuquin Papan namiaidquio yec Nuquin Icbo Esuquidistun namiaidquiobidi nebi. Adquid icquin nuquin tsusedpa Acobon mado docetedshun tsiuecquido yec uanno uannuec nidanniash tabadquin Esus tantiaquido icsho mibitedi tantiembi, quequin chiec nebique. Isec onqueta.

Uan 2 1:10

Mibi yacno nidshun Esusën chiaidpenquio chuibanquid icsho tantiashun min shubun iuedenda. Mibi yacno chosho isash bëdambo iquebi, cainda.

Uan 2 1:13

Mibitedi tantiec tabadebi, quequin chuita, quiosh nëmbocquido Nuquin Papan Esus tantiamiaido. Aidted chuiquin dada uaombi.

Uan 2 1:3

Mibitedi tantiaquin Nuquin Papabëtan aton Madombo Esuquidistun ma mibitedi bëdambuen ispanuna. Adembidi icsambuen naquido icshobi cuidte bunenquio icquin bëdambuen isquin bëdambuec tabadmequin abimbo tantiec tantiananmeta, quequin Nuquin Papa chiannembi.

Uan 3 1:14

Nëbi mibi yacno nidshun mibi bëisquioquimbi dadpen chuibanendambi.