Hechos 15:11 - El Nuevo Testamento en matsés

¹¹ Aden chienquio icnuna. Matses abitedi icsaquid icsho cuidnushe, quiash Esusded cuidadpanëdash, quequin tantiaquiec uënësash abëdi tabadendac, quequin nuqui tantiacpadembidi Esus tantiaquido yanshun isadaidpembon tantiec, quepanëdash Petedo.

Hechos 15:11 ပူးပေါင်းရင်းမြစ်များ

Doma 3:24

Adquid bëdambuen istiapimbo icbuedëmbi Nuquin Papan: Ubi piucquid mene, quenquio icquin nëbi nuquitedi icsambuen naid bedshunec abided cuidadaid Esuquidistu tantiasho bëdambuen isec icsambuen naisabimbuecnuc.

Doma 5:15

Adanëmba Ambi Chiaid niacsho cuidquin aidba uënëstequid icmeshun aton tsiuecquido matses uënëstequidouidquio Nuquin Papan icmepampic. Padnuen Nuquin Papa matses bëdambuen ismequidquio abentsëc icnuc utsi adquid ictiapimbo iquec. Nuquin Papan: Piucquid ubi mene, quenquio icquin Esusuidtsëqui tantiameshun nuquitedi bëdambuen isec. Esuquidistun naid bëdamboshë icnuc Adanën naid icsamboshë icpampic.

Doma 6:23

Icsambuen naic tabadec uënësacsho Nuquin Papan ënenquio icquin cuidacno nësecaindac. Padnuen Nuquin Icbo Esuquidistubëd abentsëc yacbimbuec tabadquid icsho Nuquin Papan ënenquiocquin abëdi tabadmendac.

Codinto 1 16:23

Ma Nuquin Icbo Esusën mibitedi bëdambuen isquin bëdambo icmepanuna.

Codinto 2 13:14

Adembidi: Nuquin Papan tantiaidquio nebi, quequin tantiaquiota. Adembidi: Aton Mayan Bëda ubëd iquec, quequin tantiec mibitedi tantiananquiota. Amen. Aidted chuiquin dada uaombi.

Codinto 2 8:9

Nuquin Icbo Esuquidistu abuc tabadec abitedishun Icbombo icbuedi nuquitsen abuc abëdi tabadmenuec matsesash nidaidën tabadnuc atona nibëdpanëdash, quequin mibitedishun tantiec.

Cadasia 1:6

Tantienquio yanosh, quequin mimbi naid chuisho tantiash tantiadempambo ictanobi. Nuquin Papan mibi bëdambuen iste bunquin tantiamiac Esus tantiec mibitedi tabadanondac. Adondaidi utsibon icsambuen chuibanaquien mimbi Esus tantienquio yanchitac.

Cadasia 2:16

Adquid icnuc Nuquin Papan: Naden nata, quequin chuiquin Moises dada uamiampid tantiaquin nabansho Nuquin Papan icsaisabimbuecnuc nuqui bëdambuen isec, quetiapimbo nuquitedi iquec. Esuquidistu tantiashouidtsëqui Nuquin Papan nuqui bëdambuen isec, queshun nuqui Esuquidistu tantiabenondac. Adshun ambi: Naden nata, quequin chiampiduidi nainquio icsho icsaisabimbuecnuc Nuquin Papan bëdambuen istiapimbo iquec, quequin nuqui tantiec.

Tito 2:11

Matses abitedimbo bëdambuen iste bunquid icquin Nuquin Papan: Ubëd tabadtequid icmenu, quequin matsesën icsambuen naid bedshunash cuidadtequid icmenu, queshun Esuquidistu chomepanëdash.

Esusën Uan ismiaid 5:9

Adashic nadec cuëdënte chucan cuëdëncuededposh: Mimbiuidtsëqui Nuquin Papan sananaid dada uaid bedshun bitaccaid chicquin isbanquin Nuquin Papan chiacpadombuen namendac. Nuquin Papan chiacpadec matses cuidmenquio icnuec mibided cuidadec intac chididiquenuc uënës uaondaid mibi nec. Nëbi icsambo icbuedombi abi icsaid bedshunquid tantiasho Nuquin Papan bëdambuen isendac nëidtedi: Nëidic matses utsibo dadpenquio. Nëidic onquete utsin utsinquiec onquequido. Nëidic shubu daëdpactsëcquido utsi utsiec yacnocquido. Nëidic nidaid utsi utsiec yacno tabadquido. Aidtedishun abi tantiasho Nuquin Papan bëdambuen isendac.