Hechos 15:10 - El Nuevo Testamento en matsés

¹⁰ Aden Nuquin Papan nasho issumbi: ¿Atotsi queshun: Nuquin tsusedpabon natiapimbo icpampidi nuquitsen natiapimbo ictequid caic isadaidpembo chuiquin: Moisesën chiampicpaden nabanta, cate mibitedi bumpe?

Hechos 15:10 ပူးပေါင်းရင်းမြစ်များ

Mateo 23:4

Adembidi Nuquin Papan ëndenquimbo: Naden nata, quequin chiaidbëta ambibi: Naden nata, quequin chiaid dadpen chuibanquin matses namec. Aden namequid icquimbi utsibouidtsëqui iuëmboshëcquid iuënmemiacbimbuen namequin ambi chiaid ambibi nabanenquio iquec.

Mateo 4:7

Adoaquien Esusën: Adembidi Nuquin Papan chuiquin dada uamiampid nad iquec: Icsambuen tantiaquimbi Min Icbo Nuquin Papa caquin: ¿Abimboda caoshe? Tannu, quequin cuidmenda, quequin chiampid iqueque. Padi, capanëdash Esusën Mayan Icsa Satanas chuiquin.

Hechos 5:9

Adsho tantiashumbien Petedon: ¿Atotsi queshun Nuquin Papan Mayan Bëdan ubi muasho tantiatsiash, quequin tantienquio icquin min bënëbëtambi min piucquid abitedi menianacbimbuec meniano? Nëbi min bënë chococatambued caniabon mibitsen buanendac, quenubi

Cadasia 4:9

Adquid icbuedëmbi nëbi mimbi Nuquin Papa tantiec, queshumbic: Aidëmbi mibitedi tantiec, caimbi. Aidën tantiaido icquin ¿atotsi quequin aid tantienquio yanuai? ¿Moisesën chiampid tantiaquin namequidon nacpaden nanu, queshoda Nuquin Papan mibitedi bëdambuen ispec? Padenquio.

Cadasia 5:1

Esuquidistun nuquitedi bëdambuen isquin iuapenquio icmiac. Adquid icmiac chieshtoenquio icquin aid tantiec mibitedi bëdambuec tabadendac. Adoaido yequi: Moisesën chiampicpadenuidi nasho Nuquin Papan nuqui bëdambuen istsiash, quec padpidembuec adquidën iuaid yanuainda.

Ebedeo 3:9

Shubu nibëdacno seta 40ted matanmec capucuennequin tsusedpabon umbi nadatiambocquin nadennesho isquimbi: ¿Ambi Chiaid niacshodabi Nuquin Papan ubitedi cuidnuc? queshun chieshquin min tsusedpabon umbi chiacpadombuen nate bunenquio icpampic.

Ebedeo 9:9

Aden chiaid issun nëbi naden nuqui bëdambuen tantiec. Matsesën icsambuen nasho ma Nuquin Papan cuidenquio icnu, quequin baded badedquien nëish iua pichicapadennec. Adembidi Nuquin Papa bëdambuen ismenuen nëish iua cuessunneshun pichicaquidën matsesën meniaid menepadennec. Adobuedi: Umbi icsambuen naid tantienquio yec Nuquin Papa umbi naid bëshunac, quetiapimbo icpampic.