Hechos 14:1 - El Nuevo Testamento en matsés

¹ Adashic Pabadobëd Bednabe shubu dadpen icquid Iconio yacno choash tabadpanëdash. Ambo tabadec Nuquin Papan Chiaid chuibante shubu yacno nidash puduedshun Esusën naid chuibanac isadaidbobëd isadaidbopembo dadpen Esus tantiaquid yampanëdash.

Hechos 14:1 ပူးပေါင်းရင်းမြစ်များ

Madcos 7:26

Chido isadaidpembo yec nidaid Sidopenisia caid yacnocquid nepanëdash. Aidi Esus chiec: Cun champi podobitsi icsa dapuduedaid iccoshe. Dapuduenme, Icbo, quequin chuipanëdash.

Uanën dada uaid 12:20

Edusaden yacnouësh cuëdënec chochobuedobëd matses utsibo Quedesia yacnocquido icpanëdash.

Uanën dada uaid 7:35

Adsho tantiash ambo tabadquido cun matses isadaidbon chuiquido: Nuqui istuidmenquio icnuec ¿mitsimbo nidpanuec nec? Matses utsi yacno tabadnuec nuquin matses nidanniondacno nidshun ¿Nuquin Papa tantiesabo quidieco caido chuibannuecta nepec?

Hechos 11:21

Aden chuibanshobi Nuquin Papan nadatiambocquin tantiamiac aidon chuibanaid tantiashun isadaidpembon: Cun matsesën icsambuen tantiaidbëta umbi icsambuen naid ënnu, quequin ënash Esus tantiaquid dadpen yampanëdash.

Hechos 13:43

Aden chiaqui Pabadobëd Bednabe nidsho issun isadaidbo utsibobëtan isadaidpembon isadaidbopadquid icnuequid utsin utsinquien tsibanampanëdash. Aden abi tsibanansho issun: Nuquin Papan bëdambuen tantiaid yec chieshtoenquio icquin Aid tantiec bëdambuec tabadta, quequin chuipanëdash Pabadobëtan Bednaben.

Hechos 13:46

Adoaquien dacuëdenquio yec Pabadobëd Bednabe: Mibitedi cun matses icsho Nuquin Papan Chiaid mibitediba chuibannu, quebuedëmbi tantiate bunenquio icsho issun mibitedi chuibanenquio iquembi. Tantiesabo yec Nuquin Papabëd ënëdenquio yec tabadte bunesabidi icnuc isadaidpembo yacno nidshun Esus chuibanembi.

Hechos 13:51

Adoac puduanquimbi: Esus umbi chuisho tantiesabo nëido nec, quequin nidaid putu tabesquequin ismiash nidannec shubu dadpen icquid Iconio caid yacno nidpanëdash.

Hechos 14:19

Adnubien isadaidbon chuiquido Antioquia yacnocquidobëd Iconio yacnocquido Disteda yacno chochoshon: Pabado icsambocquid nec, quequin chiac Disteda yacnocquido nëishcuededpanëdash. Adec nëishcuededshun Pabado cuënoten sesetanquin: Uënësosh, queshun nimbanquin buanshun shubu nibëdacno Pabado netampanëdash.

Hechos 14:2

Aido Esus tantiaquid yannubi isadaidbo utsibon Pabadon chuibanaid tantiatiapimbo icquin Esus tantiaquido muaquin chuiquin isadaidbopembotsen nëishmepanëdash.

Hechos 14:21

Adec Dedbe yacno nidash tabadquimbi Pabadobëtan Bednaben Chiaid Bëda Esusën naid chuibanac Esus tantiaquid dadpen yampanëdash. Auëshquio padpidec puduanec chouaic shubu dadpen icquid Disteda yacnoba chopanëdash. Adashic Iconio yacnotsen chouashic Antioquia yacno chouapanëdash.

Hechos 16:1

Adec shubu dadpen icquid Dedbe caid yacno choash tabadquin adombuembidi chuibanuash nidec shubu dadpen icquid Disteda caid yacno Pabadobëd Sidas niduapanëdash. Ambo Esus tantiaquid Timoteo cuëmëdquid icpanëdash. Aidën tita isadaidbo yec Esus tantiaquid icnubi aidën papa isadaidpembo quidieco matses nepanëdash.

Hechos 16:2

Timoteo bëdambocquid nec, quequin Disteda yacnocquid Esus tantiaquidobëtan Iconio yacnocquid Esus tantiaquidon Pabado chuipanëdash.

Hechos 17:12

Aden isbanash: Abimbo caic, quiash isadaidbo dadpen Esus tantiaquido yampanëdash. Adecbidi isadaidpembon chuiquido quidieco matses utsi utsiec aton chidobëdi Esus tantiaquid dadpen yampanëdash.

Hechos 17:17

Adec uënësquio yanec Nuquin Papan Chiaid chuibante shubu yacno nidshun Esus tantiamenuen Nuquin Papan Chiampid Pabadon isadaidbobëta Nuquin Papa tantiaquido utsibo chuibampanëdash. Adembidi ambocquidon piucquid bednuen menebanacno nidshun adombuembidi Pabadon chuibanuapanëdash.

Hechos 17:4

Aden chuibanac Esus tantiaquid nëidtedi yampanëdash. Nëidic isadaidbo utsi utsiec. Utsibic Nuquin Papa tantiaquido quidieco matses dadpen. Utsibic ambocquidon chuiquid tapabon chido utsi utsiec. Aidtedi Esus tantiaquid yampanëdash.

Hechos 18:4

Ambo tabadec chonoadtemaid uëshën uëshënquiec Nuquin Papan Chiaid isadaidbon chuibante shubuno nidshun: Esus Nuquin Papan Madombo nec, quequin isadaidbobëta isadaidpembo tantiamenuen Pabadon chuibampanëdash.

Hechos 18:8

Adnubien Quidispo cuëmëdquid Nuquin Papan Chiaid chuibante shubun iccuededquidon chuiquid tapa nepanëdash. Aidëmbi Pabadon chuibanac aton shubun icquidobëd Esus tantiaquido yampanëdash. Adecbidi Codinto yacnocquid utsi dadpen Esus tantiaquid yampanëdash. Adsho aidotedi acten mentobampanëdash.

Hechos 19:10

Adec seta daëd matanmequin Pabadon Nuquin Papan Chiaid chuibampanëdash. Aden nidaid Asia caidën icquidtedishun isadaidbobëtan isadaidpembon Nuquin Icbo Esusën Chiaid chuibansho tantiapanëdash.

Hechos 19:17

Adec cuensho isquidon chiac Epeso yacnocquid isadaidbobëd isadaidpembo dacuëdcuededpanëdash. Adec dacuëdquimbi: Esus nadatiambocquin nabanquid nec, quequin tantiabededpanëdash.

Hechos 19:8

Adashic Nuquin Papan Chiaid isadaidbon chuibante shubun puduedshun Pabadon: Nuquin Papan namiacno tabadte iquec, quequin Chiaid Bëda Esus nanëdaid chuibampanëdash. Cuembo tantiamenu, quequin uëshë choaid 3ted nidmequin chonoadtemaid uëshën uëshënquien dacuëdenquio icquin Nuquin Papan Chiaid isadaidbo Pabadon chuibampanëdash.

Hechos 2:47

Adec tabadquin Nuquin Papan naid chiec cuëdëncuededpanëdash. Adec tabadsho isash: Bëdambocquido nec, quec Nuquin Papan tantiacpadec badiadquidën badiadquidënquiec utsibotsen Esus tantiash abëd tabadtequid yanash aid tantiaquid utsibobëd dadpen iccuededpanëdash.

Hechos 20:21

Nuquin Papa tantiabenquin mimbi icsambuen nabanaid ënshun Nuquin Icbo Esuquidistu tantiaquid icta, quequin isadaidbobëta isadaidpembo chuibanondambi.

Hechos 21:28

Isadaidbotedishun tantiata. Nëid dada: Isadaidbon icsambuen naic, quequin: Nuquin Papan: Naden nata, quequin Moises chuiquin dada uamiampid icsambo icquid nec, caosh. Adembidi Nuquin Papa tabadte shubu dapa icsambo iquec, quequin chuiquid icquin Nuquin Papa tabadte shubu dapan puduedtemaid isadaidpembo iuedquin nëid shubu bëdamboshëcquid icsa uamebued neque. Bednu. Uidën uata, quec abimbo chiacbimbuec cuëdcuededpanëdash.

Hechos 9:20

Adec Damasco yacno tabadquin Nuquin Papan Chiaid chuibante shubun shubunquiec puduedcuennequin isadaidbo chiec: Esus Nuquin Papan Madombo nec, quequin chuibennequin Saudon tauapanëdash.

Doma 1:16

Esusën naid Chiaid Bëda nadatiambocquin Nuquin Papan tantiametequid nec, quequin chuibanac: Abimbo caic, quequin tantiaquido Nuquin Papa yacno tabadendac. Adquid icnuc Esusën naid dacuëdenquio icquin chuibennec nebi. Aden abia chuibanac: Abimbo caic, quequin tantiaquido isadaidbo icnuc adembidi tantiaquido matses utsibo icsho Nuquin Papan abëd tabadmendac.

Doma 10:12

Nuquin Papan: Isadaidbo nec. Matses utsibo nec, quenquio icquin abitedishun Icbombo icsho matsesën: Ubi nashun, Papa, quequin abi chuisho tantiashun: Nashuntiapibi, quenquio icquin nashunendac.

Cadasia 2:3

Ubëd icquid Tito isadaidpembo quidieco matses icshobi shui dëbid dëtemeta, cainquio icpondash chuiquid tapabon.

Cadasia 3:28

Isadaidbo yec isadaidpembo yec matses iuaido yec matses iuapenquio yec dada yec chido yec quequin Esus tantiaquid icsho bëdambuen isec. Nëbi mibëtan Esuquidistu tantiaquid utsibobëd abentsëc yacbimbuecquido nec.

Codosas 3:11

Adquid icmiac Esuquidistu tantiaquid utsibotedi Nuquin Papan bëdambuen tantiaquiec. Nëid isadaidbo nec. Nëid isadaidpembo nec. Nëid shui dëbid dëtemequid nec. Nëid shui dëbid dëtemesa nec. Nëid matses utsin dada uaid isec onquequin dadpen tantiaquido nec. Nëid matses utsin dada uaid isec onquequin daëdpactsëc tantiaquido nec. Nëid iua nec. Nëid iuapenquio nec, quenquio icquin aidtedishun Esuquidistu tantiasho Nuquin Papan bëdambuen isendac. Adecbidi abitedishun Icbombo abentsëcquiobi Esuquidistu nec. Aidi abi tantiaquidotedibëd icquidquio nec.

Timoteo 2 3:11

Aden chuibennesho issun chieshënondashi. Nëidted shubu dadpen icquid yacnoshon ubi chieshënondaid mimbi tantiec. Antioquia yacnoshon. Adembidi Iconio yacnoshon. Adshobini shubu dadpen icquid utsi Disteda yacnoshonquio cuessunneuidquiopondash. Adshobi Nuquin Icbon nac uënësenquio icpondabi.