Hechos 13:51 - El Nuevo Testamento en matsés

⁵¹ Adoac puduanquimbi: Esus umbi chuisho tantiesabo nëido nec, quequin nidaid putu tabesquequin ismiash nidannec shubu dadpen icquid Iconio caid yacno nidpanëdash.

Hechos 13:51 ပူးပေါင်းရင်းမြစ်များ

Mateo 10:14

Shubu dadpen icquid utsi yacno nidshun chuibanac tantiate bunesa icsho issun naden ismeta. Auëshquio puduanec nidnumbi: Nuquin Papa tantiesabo yec icsaquidombo icsho Nuquin Papan cuidtequidombo mibitedi nec, quequin ismec nidaid putu tabesqueta.

Madcos 6:11

Mibi iuedenquio icquin mimbi chuibansho tantiate bunenquiocsho isash nidanneta. Adec nidnumbi: Nëmbo icquido Nuquin Papa tantiesabo yec icsaquidombo icsho Nuquin Papan cuidtequidombo mibitedi nec, quequin ismec nidaid putu tabesqueta, capanëdash Esusën abëd icquido chuiquin.

Ducas 10:11

Nuquin Papan namiacno iuedanquid nëmbobi iquec, quequin mibitedi chuinuec chouidobi. Umbi chuisho tantiate bunesa mibitedi icsho isash mibi yacno capuec ubi tabitacquebued nidaid putu tabesquenu. Is. Mibitedi cuidtequido nendac, quequin ismeta, capanëdash Esusën.

Ducas 9:5

Mibi nidacnoshon mibi iuedenquiocsho isash auëshquio nidnun naden nata. Nëmbo icquido Nuquin Papa tantiesabo yec icsaquidombo icsho Nuquin Papan cuidtequidombo mibitedi nec, quequin ismec nidaid putu tabesqueta, capanëdash Esusën abëd icquido chuiquin.

Hechos 14:1

Adashic Pabadobëd Bednabe shubu dadpen icquid Iconio yacno choash tabadpanëdash. Ambo tabadec Nuquin Papan Chiaid chuibante shubu yacno nidash puduedshun Esusën naid chuibanac isadaidbobëd isadaidbopembo dadpen Esus tantiaquid yampanëdash.

Hechos 14:19

Adnubien isadaidbon chuiquido Antioquia yacnocquidobëd Iconio yacnocquido Disteda yacno chochoshon: Pabado icsambocquid nec, quequin chiac Disteda yacnocquido nëishcuededpanëdash. Adec nëishcuededshun Pabado cuënoten sesetanquin: Uënësosh, queshun nimbanquin buanshun shubu nibëdacno Pabado netampanëdash.

Hechos 14:21

Adec Dedbe yacno nidash tabadquimbi Pabadobëtan Bednaben Chiaid Bëda Esusën naid chuibanac Esus tantiaquid dadpen yampanëdash. Auëshquio padpidec puduanec chouaic shubu dadpen icquid Disteda yacnoba chopanëdash. Adashic Iconio yacnotsen chouashic Antioquia yacno chouapanëdash.

Hechos 16:2

Timoteo bëdambocquid nec, quequin Disteda yacnocquid Esus tantiaquidobëtan Iconio yacnocquid Esus tantiaquidon Pabado chuipanëdash.

Hechos 18:6

Aden chiac: Aid tantiatiapi, quequin isadaidbon icsambuen chuishunac abi dasiuidaid dashcute bëntsecquid chicshun sequecaquin nidaid putu idmequin Pabadon: Mibitedi Esus chuibanombi. Aid tantiesa yec uënësash Nuquin Papa yacno puduedenquio mibitedi iquendac. Adquid Nuquin Papan cuidquin nësecatequid nendac. Nëbi padpiden mibi chienquio icquin isadaidpembo chuibanec nidebi, quequin chuipanëdash.

Timoteo 2 3:11

Aden chuibennesho issun chieshënondashi. Nëidted shubu dadpen icquid yacnoshon ubi chieshënondaid mimbi tantiec. Antioquia yacnoshon. Adembidi Iconio yacnoshon. Adshobini shubu dadpen icquid utsi Disteda yacnoshonquio cuessunneuidquiopondash. Adshobi Nuquin Icbon nac uënësenquio icpondabi.