Hechos 13:49 - El Nuevo Testamento en matsés

⁴⁹ Adec Esus tantiaquid dadpen yanshun aid nidaid pauequid shubu utsi utsiec yacno nidshun aidontsen Esus chuibanuapanëdash.

Hechos 13:49 ပူးပေါင်းရင်းမြစ်များ

Mateo 9:31

Adoboqui aid nidaid cuëshën icquidotedishun Esusën naid chuiben chuibempanëdash.

Hechos 12:24

Adnubien Esus chuibennequidon nidaid utsi utsiec yacno nidanneshun Nuquin Papan Chiaid chuiban chuibanac Esus tantiaquid utsi utsiec dadpen yampanëdash.

Hechos 13:12

Aden Edimas bëshu uacsho isec tantiadempambo ictanec: Nuquin Icbon chiaid abimbo iquec, quiash chuiquid tapa Sedquio Paudo Esus tantiaquid yampanëdash.

Hechos 19:10

Adec seta daëd matanmequin Pabadon Nuquin Papan Chiaid chuibampanëdash. Aden nidaid Asia caidën icquidtedishun isadaidbobëtan isadaidpembon Nuquin Icbo Esusën Chiaid chuibansho tantiapanëdash.

Hechos 19:26

Aden nanubi nidaid utsi yacnouësh Pabado cuëmëdquid nëmbo choshon cumapenen naden chuibanec: Adtemisabimbuecnuc nacnenaid tiboquesa iquec. Adquid matsesën tantiaid abimbo ictiapimbo iqueque. Aid tantienda, quequin chuibanac Epeso yacnocquidobëtan nidaid cuëshë Asia yacnocquid matses dadpenshun Adtemisa tantienquio yanac.

Hechos 6:7

Adshun Edusaden yacnoshon Esus chuibennequidon Nuquin Papan Chiaid chuibennesho tantiash utsi utsiec Esus tantiaquid dadpen yampanëdash. Adecbidi isadaidbo nëish iua cuessunneshun pichicaquido dadpen bëdambuen tantiash Esus tantiaquido yampanëdash.

Hechos 9:42

Adoac issun Dodcas uincuenmiaid chuibanac Ope yacnocquido dadpen Esus tantiaquid yampanëdash.