Hechos 13:2 - El Nuevo Testamento en matsés

² Aidtedshun Esusuidtsëqui tantiec tabadquin buna mëmunsho Nuquin Papan Mayan Bëdan: Saudobëtan Bednaben ma umbi chuibocpaden chuibennenu. Chui, quequin tantiamepanëdash.

Hechos 13:2 ပူးပေါင်းရင်းမြစ်များ

Mateo 6:16

Adshumbic buna mëmunte Esusën naden chuipanëdash: Tantia. Nuquin Papauidtsëqui tantianu, quequin buna mëmunquid chuinu. Muaquidën nacbimbuen ismenda. Muaquido: Buna mëmunquid nec, aton matses camenuec manimanictsëcquio yec nënquidbitsëcquiec mamënenquio iquec. Adec buna mëmunquid tanec muaic. Adsho issun matsesën bëdambocquid dannubi Nuquin Papan: Icsambo icquid nec, queshun bëdamboshëcquid menetiapimbo iquendac.

Mateo 9:38

Naden Nuquin Papa chianneta: Matses dadpenshunquio mimbi bëdambuen iste tantiabi iqueque. Ma tantiabennu, Mimbi Chiaid Bëda chuibanquido dadpen icmeta, Papa, quequin chianneta, quequin Esusën chuipondash.

Ducas 10:1

Adshumbic abi tsibanquido dadpen 72ted icquid Esusën chomepanëdash. Aido chiec: Daëd daëdquiec shubu dadpen icquid utsi utsiec yacno nidshun chuibennetan, quequin ambi bëyuc nidmetequid

Ducas 2:37

aton bënë uënëspanëdash. Adec uënësan aton seta 84ted iquequi abi niante icpanëdash. Aidëmbi Nuquin Papa tabadte shubu dapa yacno nidtednequin Nuquin Papauidi tantiaquin buna mëmundednequin Nuquin Papa chiannequidquio Ana nepanëdash.

Hechos 10:19

Aden chuinubi ambi isbued tantiec Petedo tsadsho Nuquin Papan Mayan Bëdan: Dada 3ted choshon mibi nibënec.

Hechos 10:30

Adoaquien Codnedio: Ënden 3tedec ushash cun matses mibi yacno nidmiabi yec cun shubu nuntan Nuquin Papa chiec onquec tsadobi. Adnubien uëshë budec 3 yannuc dada dashcute bëchamauanquiecquid dasiuidquid ubi yacno choec isadcuenash onquec:

Hechos 13:3

Adoaquien buna mëmunquin Nuquin Papa chiec onquequin nainshun abëd icquid utsibon mëdanten Saudobëta Bednabe mamishquin nadopanëdash: Nidaid utsi utsiec yacno nidshun Nuquin Papan chiacpaden Esus chuibennetan, capanëdash.

Hechos 13:4

Aden mamishquin chiacshobien Nuquin Papan Mayan Bëdan nidmiac Saudobëd Bednabe Antioquia yacnouësh puduanec nidpanëdash. Aid daëd nidsho isash Uan cashumbic Madcos caid nidpanëdash: Nëid daëd nashunquid icnu, quiash. Aidtedi nidannec acte cuëman shubu dadpen icquid Sedeusia caid yacno nidash cano dapa antabëdtoanec acte nënantanquio nidaid nacnëdquid Chipide caid yacno chopanëdash. Auëshquio puduanec nidequi shubu dadpen icquid Sadamina caid yacno chopanëdash. Adec choash tabadquin aton matses isadaidbo iccuededaid Nuquin Papan Chiaid chuibante shubun shubunquiec puduedshun Nuquin Papan Chiaid Bednabebëtan Saudon chuibampanëdash.

Hechos 14:26

Auëshquio cano dapa antabëdtoanec nidash pudundoanec shubu dadpen icquid Antioquia yacno chopanëdash. Ashunquio Nuquin Papan Mayan Bëdan tantiamiac: Nuquin Papan mibi bëdambuen isquin dayunuaique. Dacuëdenquio icquin chuibennetan, quequin abi chiondacnombo chouapanëdash.

Hechos 20:28

Nëbi nidebique. Ubi nidan chieshtoenquio icquin Esus tantiec bëdambuec tabadta. Adembidi mimbi chuibanaido Esus tantiaquido chuiquin: Chieshtoenda. Esus tantiec bëdambuec tabadta, cadednequin bëdambuen chuibanta. Nuquin Papan Mayan Bëdan aido chuibanquid mibitedi icmioshe. Adota. Aido Nuquin Papa yacno tabadmenuec Esuquidistu abided cuidadec intac mëyanec uënëspanëdash.

Hechos 22:21

Adshobini Nuquin Icbon: Nidec nid. Isadaidpembo yacno ënapen mibi nidmembique. Nidta, capondashi, quepanëdash Pabado ambi nabanaid iccuededquido chiec.

Hechos 4:36

Adecbidi tsusedpa Debin tsiuecquid acte utsi nënantanquio nidaid nacnëdquid Chipide caid yacnoshon tishaid Edusaden yacno choash Ose tabadpanëdash. Aidi: Utsibo shubisho issun bëdambo icmequid nec, quequin Bednabe cuëmpanëdash Esus chuibennequidon.

Hechos 6:4

Aidtedi niante nashunquid icnubi ubitedishun Nuquin Papa chiannendambi. Adembidi Nuquin Papan Chiaid chuibennendambi, quepanëdash Esus chuibennequido.

Hechos 8:29

Adnubien Nuquin Papan Mayan Bëdan: Nidaid cano anoentsëc nidta, cac

Hechos 9:15

Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Doma 1:1

Esuquidistun iuambo Pabado nebi. Aidën: Ubi chuibenneta, quequin tantiamiaidquio nebi. Adembidi Nuquin Papantsen: Umbi Chiaid Bëda tantiamequin chuibenneta, caidquio nebi. Adquid icquin mibitedi tantiembi.

Doma 10:15

¿Mitsipaden: Chuibenneta, cacmaidëmbi Esusën naid chuibennepec? Naden chuiquin Nuquin Papan dada uamepampid iquec: Nuquin Papan matses bëdambuen iste iquec, quequin Chiaid Bëda chuibennequid chosho isash cuishonquendac, quequin chuipampic.

Doma 15:16

Nuquin Papan adquid icmiac Esuquidistun naid chuibennequidquio icquin matses utsibo nashunquin aidën bëdambuen iste chuibenniombi. Adoac Nuquin Papa ismequin nuadte bëda pichicacbimbuecquido icsho Nuquin Papan Mayan Bëdan aido bëdambuen tabadmendac.

Codinto 1 12:11

Aden Nuquin Papan Mayan abentsëcshumbi nadatiambocquin namiaido aidotedi nec. Ambi tantiacpadembi matses abentse abentsen namequid Nuquin Papan Mayan nendac.

Codinto 1 7:5

Adquid icnuc min bënën: Chudnu, cac: Padi, cainda. Adembidi min chidon: Ubi chud, cac: Padi, cainda. Adbuedi: Nëidtedec ushquimbien Nuquin Papa chuitiad, queshun nainquio yec tabadta. Aidtedec ushquin padenquiocshon iuen mëmuntiapimbocsho issun Mayan Icsa Satanasën icsambuen namenushe, quiash min chidobëd padpidec icuata.

Codinto 2 11:27

Cuna bednuec iuec chonoadbudec uinmabudtedniondabi. Chieshtomenuen natiamededniondashi. Adecbidi ushenquio yec ushcasmadedniondabi. Adecbidi pete bunec acte bunquiondabi. Adecbidi dashcute utsi dasiuidte nibëdnuc iquenquiondabi.

Codinto 2 6:5

Utsin cueshcanten cacuesmiaqui bëdambo iquebi. Quënën tsadunmiaqui bëdambo iquebi. Nuquin Papan Chiaid chuibansho utsibo dadpenshun chushcabededaqui bëdambo iquebi. Cumapenec chonoadbudequi bëdambo iquebi. Utsi tantiaquin nabanec natia ushcasmashi bëdambo iquebi. Bunequi bëdambo iquebi.

Cadasia 1:15

Adshobini Nuquin Papan ubi tantiaquioquin tantiamiondash. Ubi tishabi icnubi ubi caic: Cun Mado Esus tantiameshun bëdambuen isquin:

Epeso 3:7

Aden Nuquin Papa nadatiambocquid icquin ambi cuidenquio yaid icshobi ubi tantiaquin bëdambuen isquin Esusën naid chuibanmequin Nuquin Papan nadatiambocquin namiaid nebi.

Codosas 4:17

Adembidi Adquipo cuëmëdquid naden chuita. Nuquin Icbo Esuquidistun: Naden nata, caid icquin bëdambuen tantiaquin nabanta, quequin chuita.

Timoteo 1 2:7

Aden Esus chuibanmenuen Nuquin Papan Ambi Chiaid chuibanquidquio icmepondashi. Adembidi Esusën: Isadaidpembo tantiamequin ubi chuibenneta, caondaidbidi nebi. Adoaid icquin: Ma Esus tantianu, queshun Nuquin Papan Chiaidquio muainquio icquin abimbo chuibennec nebi.

Timoteo 2 1:11

Aden tantiaquid icsho Nuquin Papan: Esus chuibennequid icta, capondashi. Adoac nidaid utsi utsiec yacno nidshun Nuquin Papabëta Esus chuibennequin tantiamebennequidquio nebi.

Timoteo 2 2:2

Matses dadpenshun tantianuc umbi chuibansho mimbi tantiondac. Umbi aden chiondaid utsibotsen chuiban. Adshun mimbi chuibanaido abentse abentsen: Aidon chieshtoenquio icquin Esus bëdambuen tantiamequin chuibantsiash, queshun: Mimbitsen chuiban, cata, mado.

Timoteo 2 4:11

Ducas abentsëqui ubëd iquec. Madcos bedbëtsenec cho, mado. Aidën ubi nashunquin ubëtan Nuquin Papan namiacpadombuen natsiashe.

Timoteo 2 4:5

Aidën nacpadombuen nainda. Nuquin Papan Chiaidquio bëdambuen tantiaquid yec bëdambuec tabadta. Adsho utsibon natiamequin chieshënaqui chieshtoenquio icquin Esusquio tantiata, mado. Adembidi Nuquin Papan Chiaid Bëda Esusën naid Esus tantiesabo chuibanta. Esus chuibanquidën nadoquid, caidtedi nabanta, mado.

Ebedeo 5:4

Abibi Nuquin Papa matses bëdambuen ismenuen nëish iua cuessunneshun pichicaquidon chuiquid tapa icnu, quesa icpampic. Nuquin Papambi: Min matses Ubi bëdambuen ismenuen nëish iua cuessunneshun pichicaquidon chuiquid tapa icta, caid icpampic. Nuquin Papan Adon cuëmëdquidba aden naquid icmepampic. Aid uënësan abi tsibanquid abi tsibanquidquien Nuquin Papan nëish iua cuessunneshun pichicaquidon chuiquid tapa icmedednepampic.