Hechos 12:7 - El Nuevo Testamento en matsés

⁷ Adnubien Nuquin Papabëd icquid isadcuenec Petedon dayun chonoc quënë nuntan cumapenec chënquepanëdash. Adec choshon Petedo cuës cuëscaquin: Baded nidto, cac nidtonobi shocosh bucun mëtaniaid badedquio seccuduquec mëchiquidpanëdash.

Hechos 12:7 ပူးပေါင်းရင်းမြစ်များ

Mateo 2:13

Adec Esus isuambuedo uispa isquido nidambien Nuquin Papabëd icquidën Ose ushquin ismequin naden chuipanëdash: Isucunanec cuenta. Bacuëmpi aton titabëta buanec nidaid utsi Equipito yacno cuenta. Nuquin Papan: Cho, cabi choenda. Ambobi tabadta. Edodesën: Bacuëmpibo cuessun secatan, cac chochoeque. Cuenta, quequin Ose ushquin ismepanëdash Nuquin Papabëd icquidën.

Ducas 2:9

Adec tabadnubien Nuquin Papan budmiac abëd icquid abucuësh budec isadcuennubi Nuquin Papan icmiac abu bëchamauanquiec choquidën abitedi dachëncapanëdash. Adoac obeca pemequido dacuëdcuededquiopanëdash.

Ducas 24:4

Aden isash natiaquiec tabadnubien dada daëd dashcute ushumboshëcquid dasiuidash chënquec bëchamauanquiec tabadsho ispanëdash.

Hechos 10:30

Adoaquien Codnedio: Ënden 3tedec ushash cun matses mibi yacno nidmiabi yec cun shubu nuntan Nuquin Papa chiec onquec tsadobi. Adnubien uëshë budec 3 yannuc dada dashcute bëchamauanquiecquid dasiuidquid ubi yacno choec isadcuenash onquec:

Hechos 12:23

Aden chuisho tantiash: Mimbi Nuquin Papa caidpenquio nebique. Aid abia yampid abentsëcquiobi neque. Aidquio tantiata, quequin chuitiadquidëmbi chienquio icsho tantiashun Nuquin Papan abëd icquid budmiaidën badedquio chichan dadpen dapuduedmiaidën piac Edodes badedi uënëspanëdash.

Hechos 12:6

Adshumbic: Badiadshun isadaidbon isnubi Petedo chuimembi, quequin Edodesën tantianubi aid inchëshëmbi Petedobëta sondado daëd shocosh bucun aucbidaëdi mëtaniacchobi ushec uenubi sondado utsi daëd shëcuë cuëman tabadpanëdash.

Hechos 12:8

Adtanquimbien Nuquin Papabëd icquidën: Min dashcute dasiuidtanec min tapucudte tapucud, cac Petedo dasiuidtanec tapucudpanëdash. Adashic: Min dashcute bëntsecquid dasiuidtanquin ubi tsiban, quianec nidsho issun

Hechos 16:26

cumapenec nidaid ishcudnubi quënën tsadunacnotsen ishcudnuc shëcuë bëtashaidtedi shëcniadpanëdash. Adecbidi quënën tsadunquin shocosh bucun mëtaniaidtedi mënchiquidnubi adecbidi tataniaid tachiquidpanëdash.

Hechos 2:24

Aden mimbi aton dada paëmbo icmequin uënës uacshobien Nuquin Papan: Matsesën nibëdquiecnuc uënësmetiapimbo iquec, queshun Esus uincuenmepaccondash.

Hechos 5:19

Adnubien aid inchëshëmbi Nuquin Papan abëd icquid budmiaidquio choshon shëcuë bëtashaid bëcadoquin abitedi puduenmec:

Hechos 9:3

Aden chiac dada uashun meniac bedash Edusaden yacnouësh puduanec ënapen nidec shubu dadpen icquid Damasco anoentsëqui yanshobi abucuësh uëshëmboshë yec bedquec chënquequidën Saudo dachëncaquin dëcatepanëdash.

Epeso 5:14

Bëdambuec tabadquin ismedenniac icsambuen nabuedëmbi bëdambuen tantiendac. Adquid chuiquin naden dada uanëdaid iquec: Mibi usheque. Isucun. Uënësaidotedi nidtome. Adquid icsho Esuquidistun mibi bëdambuen tantiamendac, quequin chuipanëdash.

Ebedeo 1:14

Padnuen abëd icquido Nuquin Papa nashunquido nec. Adembidi Nuquin Papan: Esus tantiaquido ubëd tabadtequido neque. Nashuntan, quequin chometequido nec.

Esusën Uan ismiaid 18:1

Aden isboshombic Nuquin Papabëd icquid utsitsen abucuësh budsho ispombi. Nuquin Papan icmiacpadec chuiquid tapa yec bëchamauanquiec abichobimbo chënquec nidaidën budposh.