Hechos 12:6 - El Nuevo Testamento en matsés

⁶ Adshumbic: Badiadshun isadaidbon isnubi Petedo chuimembi, quequin Edodesën tantianubi aid inchëshëmbi Petedobëta sondado daëd shocosh bucun aucbidaëdi mëtaniacchobi ushec uenubi sondado utsi daëd shëcuë cuëman tabadpanëdash.

Hechos 12:6 ပူးပေါင်းရင်းမြစ်များ

Mateo 28:4

Adec dacuëdampambo icsho istanequien chococaid isec tabadquido sondado dacuëdtanec uëdëquec padishash uënësacbimbuec samëdpanëdash.

Hechos 12:5

Adnubien Esus tantiaquido iccuededquin Petedo quënën tsadunmiaid tantiaquin Nuquin Papambo tantiaquin chuibededec tabadpanëdash.

Hechos 21:33

Adec choshon sondadon chuiquid comandante caidën: Bed, cac Pabado bedtanquin shocosh bucu daëdshun mëtanemepanëdash. Adotanquin ambo tabadquido chuiquin: ¿Tsutsi nëid nec? ¿Atotsi icsambuen naosh? capanëdash sondadon chuiquidën.

Hechos 28:20

Aden naoshi, quequin mibi chuinuen mibitedi chochomiombi. Uënësash uincuente iquec, quequin tantiaquin nuquin matses isadaidbon cainacpaden cainquid icsho bedshun mëtaniaid nebi, quepondash Pabado isadaidbon chuiquido chiec.

Hechos 5:23

Shëcuë bëdambuen bëtashquin quënën tsadunaid puduennushe. Ista, caido sondado shëcuë cuëman tabadsho istuidombi. Shëcuë bëcadoash puduedshun isaqui nibëdquio yec puduen puduenaccosh, quepanëdash sondadon chuiquid.

Epeso 6:20

Esuquidistun: Ubi chuibenneta, caid icquin aid chuibennesho mëtaneshun quënën tsadunaid nebi. Adoaid ubi icsho: Mimbi tantiacpaden dacuëdenquio icquin Esusën naid Chiaid Bëda chuibanquid Pabado icme, quequin Nuquin Papa chianneta.

Timoteo 2 1:16

Onesipodo caidëmbien ubi bëdambuen ispondash. Abëd icquidobëtan ubi quënën tsadunacsho issumbi dacuëdenquio icquin isuan isuanquin bëdambo icmioshi. Adsho issun: Aton shubun icquidobëta aid bëdambuen ista, Papa, quequin Nuquin Papa chiannembi.

Ebedeo 13:6

Aden chiaid abimbo caic, quequin tantiec: Cun Icbombo ubi nashunquid nec, quiash dacuëdenquio iquebi. Adec dacuëdenquio icsho matsesën ubi icsa uatiapimbo iquec, quequin chiampid nuqui tantiendac.