Hechos 12:21 - El Nuevo Testamento en matsés

²¹ Adoaquien Edodesën: Umbi chiaid uëshën ma chouanu, quiosh Edodes, quequin chuita, cac chochoquido Bedaston chuipanëdash. Aden chiac Edodes onquesho tantianuec ambi chiaid uëshën matses dadpen chochonobi Edodes dashcute nacnacquiocquid dasiuidash chuiquid tapan tsadten abuc tsadtoash onquiampanëdash.

Hechos 12:21 ပူးပေါင်းရင်းမြစ်များ

Mateo 27:19

Adashic matses icsaido cuidte chuinuec tsadte dapan abucquio tsadtopondash Pidato. Adshobien iuan naden chuituidpanëdash: Min chidon: Naden chuitan, cac chobi. Esus caic: Aid dada bëdambocquid neque. Uënës uamenda. Dacuëdampambo icsho ushquin isombique. Uënës uamenda, quiosh, quequin chuituidpanëdash.

Hechos 12:20

Adec nidash ambo tabadnubi Sesadea caid anoentsëc shubu dadpen icquid Tido caid yacnocquidobëta shubu dadpen icquid utsi Sidon caid yacnocquido Edodesën nëishëmpanëdash. Adash chushcananquido icbuedi padenquio yanec tabadpanëdash. Adec tabadquin: Sesadea yacno Edodes choash tabadosh, quesho tantiash Edodes nashunquid Bedasto cuëmëdquidbëd onquenuec chochopanëdash. Ambo chochoshon: Umbi pete nibëdsho issun Edodesën namiaidon menioshi. Nëbi aid chushcainquio iquembi, quequin chochoquidon chuituidpanëdash. Aden chiac adombuembidi Bedaston Edodes chuiuapanëdash.

Hechos 12:22

Aid onquesho tantiash: Nidaidënshun tishaid onquiac padpenquio onquec. Abuc tabadquid nuqui papa caidien Edodes nechitec, quec iccuededquido cumapenec cuëdcuededpanëdash.

Hechos 24:1

Adashic 4tedec ushash Nuquin Papa ismequin nëish iua cuessunneshun pichicaquidon chuiquid tapambo Ananiasbëd isadaidbon chuiquido tsësiobo utsi utsiec Pabadon icsambuen naid Uedis chuinuec Sesadea yacno chochopanëdash. Icsambocquid nec, quequin chuibanquid Tedtudo cuëmëdquidtsen bëpanëdash.

Hechos 25:23

Aden Ueston chiaquien badiadash dashcute bëdaidquio dasiuidash aton chu Bedenisebëd Aquidipa choash matses iccuededte quënën puduedash sondadon chuiquidobëd chuiquid utsibo tabadpanëdash. Aido tabadsho issun Ueston Pabado bëmepanëdash.