Hechos 11:29 - El Nuevo Testamento en matsés

²⁹ Adnuc: Udea yacnocquidon pete nibëdec, quesho tantiashun Antioquia yacnocquid Esus tantiaquidon: Aido nashunnuna, queshun aton piucquid menemenuen ambi tantiactedi Edusaden yacno buanmenu, quequin sambededpanëdash.

Hechos 11:29 ပူးပေါင်းရင်းမြစ်များ

Mateo 25:17

Adembidi piucquid 2midted meniondaidën 2midbidi daëd uaposh 4midted icnuc.

Uanën dada uaid 2:2

Adecbidi abëd icquidobëd Esus puduedpondash.

Hechos 1:15

Aido 120ted iccuedednubi nënantanquio nidtoshon Petedon naden chuipanëdash:

Hechos 11:1

Adnubien Udea yacnoshon Esus chuibennequidobëtan Esus tantiaquid utsibon naden chuisho tantiapanëdash: Isadaidpembobi Esus tantiaquido yanac caosh, quequin chuisho tantiapanëdash.

Hechos 11:26

Saudo istuidash Antioquia yacno aidbëdi Bednabe chopanëdash. Ambo choash seta abentsëc matanmec ambocquid Esus tantiaquidobëd iccuededquin Esusën naid chuibanquin aid daëdshun tantiamepanëdash. Aden chuiban chuibanac Esus tantiaquid dadpen yansho issun: Quidistubo nec, quequin tauaquin Antioquia yacnoshon cuëmbempanëdash.

Hechos 13:52

Bednabebëd Pabado Antioquia yacnouësh nidambien Antioquia yacnocquid Esus tantiaquido: Bëdambo iquebi, quecuededpanëdash. Adecbidi aidtedi aton Mayan Nuquin Papan menebanac aton Mayan Bëdan namiaidquio yec cuishonquecuededquiopanëdash.

Hechos 14:20

Ambo netanan Esus tantiaquido nidanneshun istuidash dacuenadec databëdtuidnubi Pabado nidtopanëdash. Adash padpidec aidobëd Disteda yacnobidi choec shubun pudueduapanëdash. Adashic badiadash puduanec shubu dadpen icquid Dedbe yacno Pabadobëd Bednabe nidpanëdash.

Hechos 14:22

Aidtedi yacno chouaquin Esus tantiaquido naden chuibampanëdash: Natiamiantequid iquendac. Adquid icnuc Nuquin Papan namiacno tabadtequid nebi, quequin Esus tantiec chieshtoenquio yec tabadta, capanëdash Pabadon.

Hechos 24:17

Adequi seta dadpen matanmec nidaid utsi utsiec yacno capucuennec tabadcuennequin: Edusaden yacnocquid isadaidbo bunec tabadec, quesho tantiash piucquid menenuec chopobi. Adembidi: Nuquin Papan bëdambuen dayun uabennioshi, quequin Nuquin Papa ismequin piucquid nibëdquido meneuanuec chopobi.

Hechos 4:34

Adembidi aton nidaid icquidën utsin utsinquien aton nidaid menequin piucquid bedshun Esus chuibennequido menepanëdash. Adembidi aton shubu icquidën utsin utsinquien aton shubu menequin piucquid bedshun ambi bedaidtedi menepanëdash.

Hechos 6:1

Adashic badiadquidën badiadquidënquiec Esus tantiaquid dadpenquio yannubi isadaidbo quidiecon onquetenuidi onquequido cumapenec nadec cuëdcuededec: Cun matses niantebo badiadquidën badiadquidënquien pete daëdpactsëc menequimbi min matsesën onquetenuidi onquequid chidobo pete dadpen mimbi menepacboc, quepanëdash.

Hechos 9:19

Adecbidi penquio yec padishacbuedi piash padpidec uidënquio yanuapanëdash. Adash shubu dadpen icquid Damasco yacno Esus tantiaquidobëd iuecpactsëc tabadpanëdash.

Hechos 9:25

Aden cainsho issun: Saudo cuessunnenushe, queshun aid inchëshëmbi tsitsan dapan antsaduntanquin tsicatiaid quënë uaid cachoc Saudo imbudpanëdash.

Codinto 1 13:5

Adecbidi utsi icsambuen tantiec icsambuec onquesa nec. Adecbidi: Umbiuidtsëqui tantiacpadombuen mibitedishun nabanta, quesa nec. Adecbidi badedquio nëishesa nec. Adecbidi: Ubi chieshënquid cuidte bunebi, quequin tantiabudesa nec.

Cadasia 2:10

Nadentsen chuipondashi: Atona nibëdquido tantiaquin nashunnuna, capondashi. Adsho tantiash adquid tantiaquin nashunquidquio yec: Ai, adonona, quepondabi.