Hechos 11:26 - El Nuevo Testamento en matsés

²⁶ Saudo istuidash Antioquia yacno aidbëdi Bednabe chopanëdash. Ambo choash seta abentsëc matanmec ambocquid Esus tantiaquidobëd iccuededquin Esusën naid chuibanquin aid daëdshun tantiamepanëdash. Aden chuiban chuibanac Esus tantiaquid dadpen yansho issun: Quidistubo nec, quequin tauaquin Antioquia yacnoshon cuëmbempanëdash.

Hechos 11:26 ပူးပေါင်းရင်းမြစ်များ

Mateo 28:19

Nidaid utsi utsiec yacno nidshun ubi tantiaquido icmenuen matses abitedi Umbi Chiaid chuibenneta. Adoac ubi tantiabensho acten mentoquin: Nëid Esus tantiabenshun Nuquin Papatsen tantiaquid nec. Nëidbëd Aton Mayan Bëda tabadec, quequin utsibo ismequin acten mentobanta.

Uanën dada uaid 2:2

Adecbidi abëd icquidobëd Esus puduedpondash.

Hechos 1:15

Aido 120ted iccuedednubi nënantanquio nidtoshon Petedon naden chuipanëdash:

Hechos 11:20

Adnubien Esus tantiaquid utsibo Chipide yacnocquidobëd Sidene yacnocquido shubu dadpen icquid Antioquia yacno chochopanëdash. Aidon isadaidpembotsen Nuquin Papan Chiaid Bëda chuibanquin Nuquin Icbo Esus tantiamenuen chuibampanëdash.

Hechos 11:22

Adec isadaidpembo Esus tantiaquid dadpen yanosh, quesho tantiashun Esus tantiaquid Edusaden yacnocquidon Antioquia yacno Bednabe nidmepanëdash.

Hechos 11:27

Bednabebëd Saudo Antioquia yacno tabadnubien Edusaden yacnouësh Antioquia yacno Nuquin Papan oncamiaido chochopanëdash.

Hechos 11:29

Adnuc: Udea yacnocquidon pete nibëdec, quesho tantiashun Antioquia yacnocquid Esus tantiaquidon: Aido nashunnuna, queshun aton piucquid menemenuen ambi tantiactedi Edusaden yacno buanmenu, quequin sambededpanëdash.

Hechos 14:20

Ambo netanan Esus tantiaquido nidanneshun istuidash dacuenadec databëdtuidnubi Pabado nidtopanëdash. Adash padpidec aidobëd Disteda yacnobidi choec shubun pudueduapanëdash. Adashic badiadash puduanec shubu dadpen icquid Dedbe yacno Pabadobëd Bednabe nidpanëdash.

Hechos 14:22

Aidtedi yacno chouaquin Esus tantiaquido naden chuibampanëdash: Natiamiantequid iquendac. Adquid icnuc Nuquin Papan namiacno tabadtequid nebi, quequin Esus tantiec chieshtoenquio yec tabadta, capanëdash Pabadon.

Hechos 14:23

Adembidi Esus tantiaquido yacno yacnombuen Pabadobëtan Bednaben: Bëdambuec tabadquin ismequin Esus tantiaquido chuibanquid icta, capanëdash. Adotanec ambi chuibuedobëd Nuquin Papauidtsëqui tantiaquin buna mëmunec tabadpanëdash. Adtanquimbic mamishbanquin: Nëido mibi tantiaquido neque. Bëdambuen dayun uata, Papa, quequin Pabadobëtan Bednaben chuipanëdash.

Hechos 14:27

Ambo choash tabadquin ambo icquid Esus tantiaquidobëd iccuededquin Nuquin Papan tantiamiacpaden abi capucuenniacnoshon ambi nabanaidtedi Pabadobëtan Bednaben chuibampanëdash. Isadaidpembo dadpen Esus tantiaquid yamposh, quequin chuibampanëdash.

Hechos 14:28

Adashic ambobi iuec Esus tantiaquidobëd Pabadobëd Bednabe tabadpanëdash.

Hechos 18:27

Adoac iuec tabadquin Epeso yacno chuibanashic: Nidaid Acaya caid yacno nidnu, quesho tantiashun Epeso yacnocquid Esus tantiaquidon naden dada uashun Apodo menepanëdash: Nëid dada uaid buanquid Apodo cuëmëdquid Esus tantiaquid nec. Umbi bëdambuen isaid neque. Iuedta, quequin dada uashun menepanëdash. Aden meniac puduanec nidec nidaid Acaya caid yacno nidash puduedshun Esus tantiaquido bëdambuen tantiamenuen chuibampanëdash.

Hechos 19:9

Aden chuibansho tantiash isadaidbo utsi utsiec pamumëdacbimbuec tabadquin: Tantiatiapibi, quequin Nuquin Papa yacno tabadmianquid chieshënquin icsambuen chuishumpanëdash. Adoac Esus tantiaquidobëd Pabado: Nidnunid, quianec Nuquin Papan Chiaid chuibante shubu yacnouësh puduenanec nidec Tidano cuëmëdquidën chuibanquin tantiamete shubu yacno nidshun adombuembidi tantiamenuen badiadquidën badiadquidënquien Nuquin Papan Chiaid chuibampanëdash.

Hechos 20:1

Natia cuëdcuededbuedo nidannian Esus tantiaquido chochomiash Pabado: Nidaid Masedonia caid yacno niduaibique. Esus tantiec bëdambuec tabadta, quequin chianec Epeso yacnouësh puduanec nidpanëdash.

Hechos 20:30

Adembidi mibëd iccuededquidëmbi utsin utsinquien Nuquin Papan Chiaid abimbo chiacbimbuen muaquin chuibanendac. Esus tantiaquidon chuiquidquio icnu, quequin adoendac.

Hechos 21:4

Ambo pudundoshon Esus tantiaquido istuidash aido yacno puduedash 6tedec ushec Pabadobëd ubitedi tabadpondac. Ambo tabadnubi: Edusaden yacno Pabado cuessunnenuequid iquec, quequin Nuquin Papan Mayan Bëdan tantiamiac aidon: Edusaden yacno nidenda, quequin Pabado chuipondash.

Hechos 26:28

Adoaquien Aquidipa: ¿Mimbi chuibuedtedtsëqui tantiashtabi badedquio Esus tantiaquid yampe? quepanëdash Pabado chiec.

Hechos 6:1

Adashic badiadquidën badiadquidënquiec Esus tantiaquid dadpenquio yannubi isadaidbo quidiecon onquetenuidi onquequido cumapenec nadec cuëdcuededec: Cun matses niantebo badiadquidën badiadquidënquien pete daëdpactsëc menequimbi min matsesën onquetenuidi onquequid chidobo pete dadpen mimbi menepacboc, quepanëdash.

Hechos 6:5

Adoaquien: Mimbi bëdambuen chioc, quepanëdash Esus tantiaquidotedi. Aidon chiacpadombuen nëidtedi niante nashunquid icmepanëdash. Nëidic Nuquin Papan Mayan Bëdan tantiamiaidquio icquin: Ambi chiacpadombuen Nuquin Papan naindac, quequin tantiaquidquio Esteban cuëmëdquid. Utsibic Uedipe. Utsibic Podocodo. Utsibic Nicanod. Utsibic Timon. Utsibic Padmenas. Utsibic isadaidpembo iquequi isadaidbo tanquid Antioquia yacnoshon tishaid Nicodas cuëmëdquid.

Hechos 9:19

Adecbidi penquio yec padishacbuedi piash padpidec uidënquio yanuapanëdash. Adash shubu dadpen icquid Damasco yacno Esus tantiaquidobëd iuecpactsëc tabadpanëdash.

Hechos 9:38

Aden nanshun: Ope anoentsëc icquid Dida caid yacno Petedo tabadec, quesho tantiashun Esus tantiaquidon: Aid chomenu, quequin dada daëd nidmiac nidshun Dodcas uënësbued Petedo chuituidquin: Ma badedquio chono, quiosh, cac

Codinto 1 11:18

Mibitedi caic: Esus tantiaquidobëd iccuedednu, quiashi cuësh cuëshëdosh, quequin chiaid tantiashun: Abimbuen cachitec, quequin tantiombi.

Codinto 1 12:12

Matsesën dadan icquid uidënuaid dadpen icnubi dada abentsëcquiobi iquec. Adquiobidi Esus tantiaquido dadpen icnubi ambi tantiaid abentsëcquiobi Esuquidistu iquec.

Codinto 1 14:23

Esus tantiaquidtedi iccuededec abitedi abi onquiacmaid onquete utsin onquequin chuibanec onquecuedednubi matses utsi Esus tantiesa puduedshun tantiatanec: Mibitedi tantienquio yec abembi onquequido nec, quetsiash.

Codinto 1 4:17

Umbi nabanaid ma chuibannu, queshun Timoteo mibi yacno nidmiombi. Aidi umbi chuibanac Nuquin Icbo Esus tantiaquidquio yanash cun madobimbuecquid nec. Aidëmbi umbi chiacpadombuen naquin Esus tantiaquido iccuededacnoshon umbi Esus chuibenniondacpadombuembidi mibitedi chuibanuaquin padpiden tantiamendac.

Santiaco 2:7

Adoanquidën oncaquin Nuquin Icbo Esuquidistu ¿icsambuen chuishunenquioda ictiosh?

Petedo 1 4:14

Esuquidistu tantiaquid nec, queshun chieshënquin icsambuen chuishunshobi Nuquin Papan mibi bëdambo icmendac. Adoshon Nuquin Papan aton Mayan Bëdamboshëcquid mibëd cuëshëdmenquio icquin tabadmendac.

Petedo 1 4:16

Esus tantiaquid icsho utsibon chieshënquin natiamiaqui chieshtoenda. Dacuëdec chieshtoenquio icquin: Nuquin Papa bëdamboshë iquec. Esus tantiaquid yec bëdambo iquebi, quequin tantiata.

Uan 1 2:27

Adec muaquid icnuc Nuquin Icbo Esuquidistun abi tantiasho mibi meniaid mibëd icquin aton Mayanën tantiamiac Nuquin Papan Chiaid mimbi bëdambuen tantiec. Adembidi Nuquin Papan Chiaidtedi tantiamequin abimbo tantiamec. Aden aton Mayanën tantiamiac Esusbëd abentsëc yacbimbuec tabadquid icta.

Esusën Uan ismiaid 3:18

Adquid icsho mibi chuinu. Tantia: Ubi tantiaquid icnuen bëchish nibëdquiocnoc cute nëdënquequidën dapichicac bëdamboshëcquid icsho cun shocosh piu piupactsëcquid odo caid bedta. Adosho mibi mitsana dadpenquiocquid icmendambi. Ubi tantiaquid icquin dashcute nibëdquio icbuedi bëchish nibëdquiocquid cun dashcute ushumboshë icquid dasiuidnun bedash aid dasiuidash mibi dacuëdenquio iquendac. Ubi tantiaquid icquin cun dauë bëpasquenun bed. Adshun mimbi bëdambuen isquin umbi naid tantiendac.