Hechos 10:38 - El Nuevo Testamento en matsés

³⁸ Ma abëd tabadnu, queshun Nuquin Papan aton Mayan Bëda meniac nadatiambocquin Esusën nabampondash. Shubu daëdpactsëcquid Nasaded yacnouësh caniquid yec capuquin bëdambuen nabanquin Mayan Icsa Satanasën mëyanaido icsho Esusën bëdanmebampondash. Aden Nuquin Papabëd icquin aidën nabanaid chuisho mimbi tantiapanëdac.

Hechos 10:38 ပူးပေါင်းရင်းမြစ်များ

Mateo 12:15

Adnubien Esus: Ubi cuessunnemete bunec, quequin tantianec auëshquiobi puduanec nidpondash. Nidsho issumbien matses dadpenshun tsibanampondash. Adshumbic aidon bëbëaid daicsaidobëta nënquidotedi bëdanmebampondash.

Mateo 12:28

Nuquin Papan Mayanën nadatiambocquin namiac podobitsi icsa dapuduenmequid iquec ¿ambi Chomiaidquio Nuquin Papan namiacno matses tabadmequid mibitedi yacno ënden choabida ictic? quepondash Esus.

Mateo 9:19

Adoac Esus aidbëd nidsho isash abëd icquido nidpondash.

Mateo 9:35

Aden onquesa bëdanmianec nidash shubu daëdpactsëcquidbëd shubu dadpen icquid yacno yacnombuec capucuennequin Nuquin Papan Chiaid chuibante shubun puduedcuennequin: Nuquin Papan namiacno tabadte iquec, quequin Chiaid Bëda chuibennepondash. Adshumbic ambocquido daicsaidobëta nënquidotedi bëbëacsho bëdanmebampondash.

Madcos 6:6

Aden bëdanmetanec: ¿Atotsi quiash umbi chuibansho tantiate bunenquio mibi icpe? quepanëdash Esus. Adashic auëshquiobi puduanec nidanneshun uanno nidenquio yec anoentsëqui shubu daëdpactsëc icquid utsi utsiec yacno capucuennequin Nuquin Papan Chiaid Bëda Esusën chuibennepanëdash.

Ducas 3:22

oshpodcobimbuecquid budec Nuquin Papan Mayan Bëda Esusbëd icnuec budsho ispanëdash. Adnubien abucuësh nadec onquiampanëdash: Mibiuidtsëqui cun Madombo icsho umbi bëdambuen isquin tantiaidquio mibi nec, quepanëdash Esus caic.

Ducas 4:18

Nuquin Icbon Mayanën namiaidquio nebi. Aidëmbi: Nuquin Papana nec, caidquio nebi. Aidën: Atona nibëdquido Chiaid Bëda chuibanta, caidquio nebi. Quënën tsadunaido ambi icsambuen naid ënmenuen chuibanta, caidquio nebi. Bëshuaid bëdanmeta, caidquiobidi nebi. Aidëmbidi: Mayan Icsa Satanasën iuaid icsho Nuquin Papan iua icmenu, quequin chuibanta, caidquio nebi.

Ducas 9:42

Aden bëec anoentsëqui chosho podobitsi icsan bëcunniac madompi uëdëquianec uebudpanëdash. Adosho issun Esusën: Aidën dadan iquenquio yec dapuduenec cuenta, capanëdash podobitsi icsa chuiquin. Aden chiac dapuduennuc madompi bëdanacsho aton papa Esusën menepanëdash.

Ducas 9:56

Matsesën Tishaid icquin matses cuessunnenquio icquin Nuquin Papa yacno tabadmenuec chondabi, quiash shubu daëdpactsëcquid utsi yacno abëd icquidobëd nidpanëdash.

Uanën dada uaid 10:32

Adsho isashien: Sianenda. Cun Pan nadatiambocquin namiacpadombuen mibitedi dadpen nabanquin ismebanombi. Aden umbi naid ¿mitsicquid abentsëc icsambo icsho issun ubi sesenu, caquin naic? quepondash Esus.

Uanën dada uaid 16:32

Aden ubi tantiaquidombo iquequi ubi chieshënquin bedsho istanec ubi nianec abimaisi mibitedi niquendac. Aden mimbi ubi niannubi Cun Pan ubi nianenquio iquendac.

Uanën dada uaid 3:2

Aidi inchëshën Esusbëd onquenuec chopanëdash. Adec choshon: Nuquin Papan namiaid icquimbien bëdambuen chuibanquin naic, quequin mibi tantiombi. Mimbi nadatiambocquin nabansho issun: Nuquin Papan namiaidënuidtsëquien aden nabantsiash, mibi caombi, quepanëdash Nicodemo.

Uanën dada uaid 3:34

Nuquin Papan Chomiaidquio icquin Aidën Chiaidquio chuibanec. Nuquin Papan aton Mayan abëd tabadmiaid icquin nadatiambocquin nabanquin abimbo chuibanec.

Uanën dada uaid 6:27

Peteuidtsëqui tantiaquin pete bednuen naquidquio mibi nec. Aidquio chodquetequid neque. Chodquetiapimbo icquid tantiaquin bëdambuen nata. Aden nash Nuquin Papabëd ënëdenquio yec tabadtequid mibi yantsiandac. Nuquin Papan: Umbi chomiaidquio yec Matsesën Tishaid neque. Ismenu, quequin Aidën namiacpadombuen mibi ismequin nadatiambocquin nabanombi, quepondash Esus.

Hechos 10:37

Nidaid cuëshë Cadidea yacnoshon Uan acten mentoquidën mentoac Esusën nabanquin tauapanëdash. Nidaid cuëshë Udea yacnoshon adembidi aidën nabanaid chuisho mibitedishun tantiapanëdac.

Hechos 2:22

Adembidi Nuquin Papan Chomiaid chuinu. Tantiata, isadaidbo. Nasaded caid yacnouësh caniquid Esus Nuquin Papan Chomiaid icquin nadatiambocquin nabanquin dadpen ismebansho mimbi isondac.

Ebedeo 1:9

Ubipadquid iquec bëdambuec tabadte bunquidquio mibi nec. Adquid yec icsambuec tabadte bunesambobidi mibi nec, Mado. Adquid yec ubi yacpadquidquio Icbo Abentsëcquiobi mibi nec. Mibëd icquido adquid nibëdec. Mibi abentsëqui adquidquio iquec. Mibëd icquido bëdiactsëc cuishonquenubi umbien mibi cumapenen cuishoncamendac.

Petedo 1 5:8

Mibi icsate bunacpadec icsainquio icquin isucunacbimbuen Esusquio tantiata. Aid tantiaquido icsho Mayan Icsa Satanasën mibi icsamete bunquin bëdin nëish penuen nibëmbenniacbimbuen ambi icsambuen nametequid ënenquio icquin nibëmbenneque.

Uan 1 2:20

Esuquidistu icsaisambo yec Nuquin Papan madombo nec. Adquid icquin: Nëid cuna nec, quequin aton Mayan meniac abimbo chiaid tantiaquido mibitedi nendac.

Uan 1 3:8

Padnuen ënenquiocquin icsambuen nabanquido Mayan Icsa Satanasën namiaido nec. Ënden Nuquin Papan abitedi uabi icnubi Mayan Icsa Satanasën tauaquin icsambuen nampid yequi abi icsambuen namequid nec. Aidën namiaido matses icsho isash Nuquin Papan iuabo icmequin Mayan Icsa Satanas bedshunnuec Nuquin Papan Madombo Esus chopanëdash.