Hechos 10:34 - El Nuevo Testamento en matsés

³⁴ Aden Codnedion: Chuiban, cac Petedon naden chuibampanëdash: Matses utsi nec, quenquio icquin Nuquin Papan iuedtequid matses utsi utsiec iquec, quequin nëbi abimbo tantiembi.

Hechos 10:34 ပူးပေါင်းရင်းမြစ်များ

Mateo 22:16

Adshumbic: Icsambuen chuimetan, quequin chuiquid tapa Edodesbëd icquidobëta padiseobobëd icquido nidmiac icsambuen chuimenuec chochoshon chuituidpondash: Bëdambuen chuiquid mibi neque. En ubi chui. Tantianu. Muesambo icquin Nuquin Papan chiacpadec bëdambuec tabadte mimbi abimbo chuipoc. Matses dacuëdënenquio icquin Nuquin Papan Chiaidquio mimbi chuipoc.

Mateo 5:2

Adshobien Esusën Nuquin Papan matses bëdambuen ismete chuibanquin bedampanëdash.

Ducas 20:21

Adec nidshun: Esus icsambuen chuimetan, caido abentsëcshun: Mimbi tantiamequin chuibanaid bëdambo iquec, quequin tantiembi. Aid chuiquid tapa neque. Abimbo chienquio iquembi, quenquio icquin abitedi Nuquin Papan Chiaid abimbo chuibanquin Nuquin Papa tantiabente mimbi chiec.

Hechos 10:33

Aden chiac: Petedo bedtan, quequin umbi namiaido nidmiombi. Adoac bëdambocquid yec cacuidanenquio yec badedquio mibi choac. Adec mibi choacsho isash bëdambo iquebi. Nuquin Papan isnubi nëbi ambi tantiamiacpaden mimbi chuibansho tantiec ubitedi tabadnu, quepanëdash Codnedio Petedo chiec.

Hechos 15:9

Matses utsibo nec, quenquio icquin aidotsen Esus tantiamequin bëdambuen tantiamequiopondash.

Hechos 8:35

Adoaquien Uedipen: Matses abitedi icsaid bedshunash abided cuidadec uënësaid Esus Nuquin Papa yacno puduedmianquid nec, quequin chuiquin Isayasën dada uampid nec, quequin Etiopia yacnouësh choquid tantiamequin chuipanëdash.

Doma 2:11

Abi tantiesabo icsho: Nëid umbi tantiaid nec. Nëid umbi tantiacmaid nec, quenquio icquin Nuquin Papan abitedimbo cumapenen cuidendac.

Doma 3:29

¿Isadaidbouidtsëquida Nuquin Papan: Cun matses nec, quequin bëdambuen ispatsiash? Padenquio. Matses abitedishun Esus tantiasho Nuquin Papan bëdambuen isendac.

Cadasia 2:6

Adquid icnuc Esus tantiaquidon chuiquid tapa caidon Esus tantiaquidën natequid utsi chienquio iccondashi. Aid chuiquid tapabo icsho dacuëdënenquio iccondambi. ¿Chuiquid tapa nec, queshunda Nuquin Papan aido bëdambuen ispec?

Epeso 6:9

Mibitedi iuaquido icquin min iuabo chushcainquiocquin bëdambuen isquin namebanta. Min iuabobëtan mimbi: Cun Icbo caid: Abuc iqueque. Aid tantiata. Aidi matses abitedi tantiaquidquio neque.

Codosas 3:11

Adquid icmiac Esuquidistu tantiaquid utsibotedi Nuquin Papan bëdambuen tantiaquiec. Nëid isadaidbo nec. Nëid isadaidpembo nec. Nëid shui dëbid dëtemequid nec. Nëid shui dëbid dëtemesa nec. Nëid matses utsin dada uaid isec onquequin dadpen tantiaquido nec. Nëid matses utsin dada uaid isec onquequin daëdpactsëc tantiaquido nec. Nëid iua nec. Nëid iuapenquio nec, quenquio icquin aidtedishun Esuquidistu tantiasho Nuquin Papan bëdambuen isendac. Adecbidi abitedishun Icbombo abentsëcquiobi Esuquidistu nec. Aidi abi tantiaquidotedibëd icquidquio nec.

Codosas 3:25

Padnuen chieshëmënquid icquin icsambuen naquid icsho Nuquin Papan cuidendac. Aidon naid issun abimbo tantiaquid icquin: Nëid cuidenquio iquembi, quenquio icquin Nuquin Papan cuidendac.

Santiaco 2:1

Cun utsibo, mibitedi Nuquin Icbo Esuquidistu bëdamboshëcquid tantiaquido mibi nec. Adquido yec: Nëid umbi bëdambuen isaid nec. Nëid umbi icsambuen isaid nec, quec chieshëmënec icsambuec tabadenda.

Santiaco 2:4

Aden mimbi tantiaiduidi bëdambuen isec tabadenda. Nëid bëdambocquid nec. Nëid icsambocquid nec, quec chieshëmënec icsambuen tantiec tabadenda.

Santiaco 2:9

Aden chiampid icnuc: Nëid bëdambocquid nec. Nëid icsambocquid nec, quec chieshëmënec tabadquin Nuquin Papan Chiampid niaquec mibi icsaindac.

Petedo 1 1:17

Mibitedishun Papa quequin chianniaid Nuquin Papa matsesën naidtedi tantiaquid icquin: Nëid bëdambocquid nec. Nëid icsambocquid nec, quequin ambi naid abitedi chuibanquin matses cuidquidquio nec. Adquid icsho uënësabi yec nidaidën tabadquin: Mibi bëdamboshëcquid nec, Papa, quequin Nuquin Papa ënenquio icquin tantiata.