Hechos 10:33 - El Nuevo Testamento en matsés

³³ Aden chiac: Petedo bedtan, quequin umbi namiaido nidmiombi. Adoac bëdambocquid yec cacuidanenquio yec badedquio mibi choac. Adec mibi choacsho isash bëdambo iquebi. Nuquin Papan isnubi nëbi ambi tantiamiacpaden mimbi chuibansho tantiec ubitedi tabadnu, quepanëdash Codnedio Petedo chiec.

Hechos 10:33 ပူးပေါင်းရင်းမြစ်များ

Mateo 18:4

Aden umbi chiacpadombuen nëid bacuën nacbimbuen nasho mibi Nuquin Papan: Bëdamboshë iquec, caindac.

Mateo 19:30

Adshumbic: Utsitsen mibitedi chuinu. Nidaidënuësh chuiquid tapa icbuedi Nuquin Papa yacnouësh utsi utsiec chuiquidpenquio iquendac. Adecbidi utsi utsiec nidaidënuësh chuiquidpenquio icbuedi Nuquin Papa yacnouësh chuiquid tapa iquendac, quepondash Esus.

Madcos 10:15

Abimbo chiembique. Tantia. Nëid bacuën amë badedquio tantiacpadombuen Nuquin Papan Chiaid tantiesa yec Nuquin Papan namiacno puduedtiapimbo iquendac, quepanëdash Esus.

Hechos 10:32

Simon cashumbic Petedo cuënaid Ope yacnocquidbëd tabadquid ma bedtannu, queshun mimbi namiaido nidmeta. Aidi Simon cuëmëdquid utsi nëish iua bitsi uashun chodcashun nacnenquidën shubun tabadec. Aidën shubu acte dapa mad cuëman iquec, quequin Nuquin Papabëd icquidën chuiposhi.

Hechos 10:34

Aden Codnedion: Chuiban, cac Petedon naden chuibampanëdash: Matses utsi nec, quenquio icquin Nuquin Papan iuedtequid matses utsi utsiec iquec, quequin nëbi abimbo tantiembi.

Hechos 28:28

Aden chiampicpadquid mibitedi icnuc Nuquin Papa yacno tabadmianquid iquec, quequin isadaidpembo chuibennendac. Adoac aidon tantiabenendac, quepondash Pabado.

Codinto 1 3:18

Adec aid tabadtequid iquequi mibibi mua uadec tabadenda. Matsesën ambibi cumapenen tantiaquin chuibanaid tantiash: Tantiaquidquio nebi, quenda. Matses dadpen tantienquio icquidbimbuecquid icta. Matsesën tantiacpaden nainquiocquin abimbo tantiaquin nabanquid yec tantiaquidquio mibitedi yanendac.

Cadasia 4:14

Nënec ubi chosho isash cacunmianenquio mibitedi iccondac. Ubi Nuquin Papabëd icquidbimbuec chosho isash mibitedi cuishonquiondac. Adecbidi Esuquidistubimbuec chosho isash mibitedi adondac.

Tesadonica 1 2:13

Aden Nuquin Papan Chiaidquio umbi chuibanac: Ambembi chiaidpenquio chuibanosh. Ma Nuquin Papan Chiaidquio Pabadon chuibamboc, mibitedi quianondac. Ai, aden Nuquin Papan Chiaidquio tantiash Esus tantiaquido yanash aidquiobidi chuisho tantiash mibi bëdambo yanec. Adec mibitedi bëdambuec tabadaid tantiaquin Nuquin Papa naden chiannembi: Tesadonica yacnocquido bëdambuec tabadmequid yec mibi bëdamboshë iquec, Papa, quequin Nuquin Papa chiannembi.

Santiaco 1:19

Tantia, cun utsibo. Umbi tantiaido icsho mibitedi chuinu. Utsin chuibansho bëdambuen tantiaquid icta. Adquid icquin utsibon chuibannubi badedquio onquequin chienda. Adecbidi badedquio nëishenda.

Santiaco 1:21

Icsambuen naic tabadtequid dadpenquio icnuc mimbi icsambuen tantiacpaden naidtedi ënquiota. Aden: Ënnu, quiash: Icsambuen naombique. Mimbi chiaid tantianu. Ubi bëdambuen tantiame, queshun Nuquin Papan Chiaid chuibansho tantiata. Aden chiaid Nuquin Papabëd nuqui tabadmetembo nendac.