Hechos 10:31 - El Nuevo Testamento en matsés

³¹ Codnedio, abi chiec onquiannesho Nuquin Papan mibi tantiashunosh. Adembidi atona nibëdquido mimbi meniannesho aidëmbi bëshunenquio icquin tantiec.

Hechos 10:31 ပူးပေါင်းရင်းမြစ်များ

Ducas 1:13

Adsho isash Nuquin Papabëd icquidquio nadpanëdash: Dacuëdenda, Sacadias. Bacuë bunquin mimbi chiannebued Nuquin Papan tantioshe. Min chido Isabedën min mado tishendac. Tishacsho Uan cuënta.

Hechos 10:30

Adoaquien Codnedio: Ënden 3tedec ushash cun matses mibi yacno nidmiabi yec cun shubu nuntan Nuquin Papa chiec onquec tsadobi. Adnubien uëshë budec 3 yannuc dada dashcute bëchamauanquiecquid dasiuidquid ubi yacno choec isadcuenash onquec:

Hechos 10:32

Simon cashumbic Petedo cuënaid Ope yacnocquidbëd tabadquid ma bedtannu, queshun mimbi namiaido nidmeta. Aidi Simon cuëmëdquid utsi nëish iua bitsi uashun chodcashun nacnenquidën shubun tabadec. Aidën shubu acte dapa mad cuëman iquec, quequin Nuquin Papabëd icquidën chuiposhi.

Hechos 10:4

Adsho tantiash cumapenec dacuëdquin Nuquin Papabëd icquid bëisec: ¿Atotsi ubi chuinuec ne, Icbo? capanëdash Codnedion. Adoaquien: Abi chiec mibi onquedednesho Nuquin Papan tantiosh. Adembidi atona nibëdquido tantiaquin menedednequid icsho Nuquin Papan bëdambuen isaid mibi neque. Tantia. Chuinu.

Pidipos 4:18

Utsi utsien bedshumbenneshun mimbi bëmiaid Epapadoditon bëacsho bedondambi. Aidtedi bedash bëdambo iquebi. Nuquin Papa bëdambo iquec, camenuen nuadte bëda bëdambo nuadnuc pichicacbimbuen mimbi bëmiaccondac.

Ebedeo 6:10

Abi tantiaquid icquin utsibo tantiaquin mibitedishun nashundennesho issun Nuquin Papan ambi tantiacpadombuen naquid icquin mimbi nabanaidtedi bëshunenquio icquin tantiendac.

Esusën Uan ismiaid 5:8

Aden bedshunsho istanequien dadanobi ëshëcquidobëd tsësiobo 24ted icquido Obecabimbuecquid ismec dannëshën tinquebudcuededposh. Aidon icbo icbuen tintincate sananquimbi utsiucshun maspanëmpin sandoaid bëdambo nuadnuc tauite sanamposh. Umbi tintincamequin Nuquin Papa cuishoncamiacbimbuec Nuquin Papa tantiaquido cuëdënaid iquec, quequin aden tintincate sananquin ismeposhi. Adembidi nëshunquio pichicac nëid pushudquid Nuquin Papa yacno nidacbimbuec: Abi tantiaquidon chianniaid iquec, quequin bëdambo nuadnuc pichicate sananquin ismeposhi.