Hechos 10:30 - El Nuevo Testamento en matsés

³⁰ Adoaquien Codnedio: Ënden 3tedec ushash cun matses mibi yacno nidmiabi yec cun shubu nuntan Nuquin Papa chiec onquec tsadobi. Adnubien uëshë budec 3 yannuc dada dashcute bëchamauanquiecquid dasiuidquid ubi yacno choec isadcuenash onquec:

Hechos 10:30 ပူးပေါင်းရင်းမြစ်များ

Mateo 28:3

Nuquin Papabëd icquid abu bed bedquiacbimbuec bëchamauanquiec isadpanëdash. Aton dashcute ushumboshë icpanëdash.

Madcos 16:6

Adsho issumbien: Dacuëdenda. Esus Nasaded yacnocquid cueste napotiaidën dectanquin uënës uabued mibitedishun nibënaid uincuenanec nidosh. Nëmbobi nanac uebuedi nibëdeque. Is.

Ducas 24:4

Aden isash natiaquiec tabadnubien dada daëd dashcute ushumboshëcquid dasiuidash chënquec bëchamauanquiec tabadsho ispanëdash.

Hechos 1:10

Adec Esusbëd chobuedo abuc isec tabadnubien dada daëd dashcute ushumboshëcquid dasiuidquid isadcuenec choash tabadec:

Hechos 10:22

Adoaquien: Codnedio cuëmëdquidën chomiaid nebi. Aidi sondado dadpenshun chuiquid yec bëdambocquidquio nec. Adquid icquin Nuquin Papan chiacpaden nabansho issun isadaidbon bëdambuen isaidquio nec. Aidi Nuquin Papabëd icquidën naden chuipaccosh: Simon Petedo bedtan, cata. Bedtanac choshon chuibansho tantiata, quequin Nuquin Papabëd icquidën chuiposhi, quequin Codnedion ubitedi chuiuaposhi, quepanëdash Codnedion chomiaido Petedo chiec.

Hechos 10:29

mimbi: Bedtan, caido nidshun chiac: Mibëd capuesa nebi, quenquio yec chobi. Adecbidi nëmbo choash isadaidpembon shubu nec. Nëmbo puduedtiapimbo iquebi, quenquio yec puduedobi. Nëbi: Tantianu. Chui. ¿Atotsi canuen ubi chomio? quepanëdash Petedo Codnedio chiec.

Hechos 10:3

Adquid yec uëshë utsin uëshë budtsambi 3 yannuc ushquin isacbimbuen Nuquin Papabëd icquidquio abi yacno puduedsho Codnedion ispanëdash. Adec choshon: Codnedio, capanëdash.

Hechos 10:31

Codnedio, abi chiec onquiannesho Nuquin Papan mibi tantiashunosh. Adembidi atona nibëdquido mimbi meniannesho aidëmbi bëshunenquio icquin tantiec.

Hechos 3:1

Adnubien uëshë budec 3 yannuc aton matses isadaidbon nadedniacpadec Petedobëd Uan Nuquin Papa tabadte shubu dapa yacno Nuquin Papa chiec nidpanëdash.