Hechos 10:1 - El Nuevo Testamento en matsés

¹ Adnubien shubu dadpen icquid Sesadea caid yacno Codnedio cuëmëdquid isadaidpembo nidaid Itadia caid yacnouësh choash ambo tabadpanëdash. Aidi Doma yacnocquid sondado dadpen 400tedshun chuiquid sentudion caid nepanëdash.

Hechos 10:1 ပူးပေါင်းရင်းမြစ်များ

Mateo 27:27

Adoaquien Pidaton sondadon abi tabadtedniaid yacno Esus buanshun: Isec cho, cac aton sondado utsibo dadpen chochoash Esus datsidadpanëdash.

Mateo 27:54

Nidaid uëdëquec ishcudnuc dacuëdampambo icsho isashien Esus isec tabadquido sondado aton chuiquid capitambëdi dacuëdtanec: Ma nëid dada Nuquin Papan Madombobi nepayoc, quecuededpanëdash.

Madcos 15:16

Adoac Esus bedshun abi tabadtenniacno shubu dapa tsicatequin daquënë uacno nuntan sondadon buampanëdash. Adoshombic sondado utsibo dadpen chochomepanëdash.

Ducas 7:2

Ambo nidash Esus tabadnubien Doma yacnoquid sondadon chuiquid tapa capitan caidën iua ambi tantiaidquio nënec uënëstiadtsëcquio icpanëdash.

Uanën dada uaid 18:12

Adshobien Doma yacnocquid sondadon aton chuiquidbëtan Nuquin Papa tabadte shubu dapa isquid sondadon Esus bedpondash. Aden bedshun: Cuidmenuen chuiquid tapa yacno mibi buannu, quetanquin podo catanepondash.

Uanën dada uaid 18:3

Aden tantianec choquin Udasën matses dadpen bëpondash nëidtedi. Nëidic Doma yacnocquidon namiaido sondado. Nëidic Nuquin Papa tabadte shubu dapa isquido sondado. Aido Nuquin Papa ismequin nëish iua cuessunneshun pichicaquidon chuiquidobëtan padiseobon chomiaidobëd Udas chopondash. Aidotedi tabotebëta tabote utsi bëchi ancushshun taboaid sanannubi siante sanambededtsëcquiec chochopondash.

Hechos 10:24

Adec nidec ushcuidanec Sesadea yacno chopanëdash. Adnubien: Nëid uëshëmbien chochitec, quequin tantiashun Codnedion aton shubun icquidobëtan ambi tantiaidouidquio chochomeshun Petedon chuibansho tantianuen aton shubu nuntan iccuededquin caimpanëdash.

Hechos 21:31

Aden Pabado buanec: Cuessunnenu, quec cuëdcuededsho tantiashun sondadon chuiquid tapa chuituidac:

Hechos 21:8

Adashic badiadash puduanec podquiedën nidec shubu dadpen icquid Sesadea yacno choash Uedipe Esus tantiaquido nashunquidën shubun puduedpondabi. Esusën: Ubi chuibenneta, caidon: Niante nashunquin menequid icta, cabued utsi 6tedbëd icbued Uedipe nepondash.

Hechos 22:25

Adoac cueste nitsinacno buanshun cuestebëta abi tanesho cacuestsennubi Pabadon: ¿Doma yacnoquido icshobi umbi naid chuimiabida ubi cacuese? quepanëdash Pabado sondadon chuiquid utsi capitan chiec.

Hechos 23:23

Aden Pabadon piac nidmeshun sondadon chuiquid capitan daëd chomiash comandante nadpanëdash: Inchëshën 9 yannuc shubu dadpen icquid Sesadea yacno ma mibëdi mimbi namiaid sondado 200ted nidnu. Mitsana buannuen nacnenta, cata. Adombuembidi cabachu catsadquid 60ted icquido chuiquin: Nidnun nacnenta, quequin chuiuata. Adombuembidi shocosh sianten senu, quequin sananquid 200ted icquido chuiquin: Nidnun nacnenta, quequin chuiuata.

Hechos 23:33

Adec Pabado buanec nidequi Sesadea yacno choshon cabachu catsadquidën chuiquid comandante Cadaudio Disiasën dada uaidbëta Pabado Uedis menepanëdash.

Hechos 25:1

Uesto cobednadod yanash Sesadea yacno choash 3tedec ushanec Edusaden yacno nidpanëdash.

Hechos 25:13

Adashic daëdpactsëc ushash chuiquid tapa utsi Aquidipa cuëmëdquidbëd aton chu Bedenise cuëmëdquid Uesto isedec chopanëdash. Sesadea yacnocquido cobednadod Uesto yanosh, quequin chiac aid isec chopanëdash.

Hechos 27:1

Aden Uestobëtan Aquidipan: Nidaid Itadia caid yacno buanmenuna, queshun sondadon chuiquid capitan Udio cuëmëdquid naden chuipanëdash: Pabadobëta mëtaniaido utsitedi buanec nidta, cac buanec puduampondash. Aidi aton sondadobëta chuiquid tapambo empedadodën namiaido nec, quequin cuënaid nepondash.

Hechos 27:31

Adec aido cuennu, quesho tantiashun Pabadon: Cuennu, quequido canompin nidnuc cano dapan nidquidotedi nuqui mentoadendac, quepondash sondadobëta cano dapa nidmequid capitan chiec.

Hechos 27:43

tantiash: Pabado cuessunnenushe, queshun: Padi ¡Chën! capondash sondado chuiquid capitanën. Aden chuishumbic: Acten tantanec mëquiadquido tantanec abia nidaid yacno nidannenubi

Hechos 8:40

Adnubien Nuquin Papan Mayan Bëdan buanac Uedipe nidaid utsi Asoto caid yacnouësh isadcuempanëdash. Ambo capucuennequin shubu dadpen icquid yacno yacnombuen Chiaid Bëda Esus abided uënësaid chuibanequi shubu dadpen icquid Sesadea yacno chopanëdash.