Hechos 1:7 - El Nuevo Testamento en matsés

⁷ Adoaquien Esusën: Aden nuquin matses chuiquid icmete uëshë chote tantiesa mibitedi nec. Nuquin Papanuidtsëqui ambi tantiacpadën adquid icmendac, capanëdash.

Hechos 1:7 ပူးပေါင်းရင်းမြစ်များ

Mateo 20:23

Adsho tantiashien: Ai, ubi tantiaquid yec mibi mëyadquiendac. Padnuembi umbimbo mibi chuiquid tapa icmequin mibi ubi datsadmetiapimbo iquec. Cun Pambien ambi tantiacpadombuen ubëtan chuiquid tapa icmendac, quequin Esusën chuipondash.

Mateo 24:36

Adashic abi onquec Esus: Aid uëshënquio chouaindac, quetiapimbo matses iquec. Nuquin Papabëd icquido adtiapimbo icuaic. Aton madombo iquequi ubitsen adtiapimbo iquebi. Cun Pa abentsëcshunquiobien ubi chote tantiec.

Madcos 10:40

Aden chuishumbic: Abuc nidash chuiquidquio yec cun dayunquio ëquë tsadbudcuenec nëmbo tsadec cho, quetiapimbo iquendabi. Nuquin Papambien ambi tantiaidquio aden tsadunendac. Umbi padenquio iquembi, quepanëdash Esus Uambëta Santiaco chiec.

Madcos 13:32

Ad icnuc ubi caic: Aid uëshënquio choec, quetiapimbo matses iquec. Nuquin Papabëd icquido adtiapimbo icuaic. Aton Madombo iquequi adtiapimbo iquebi. Cun Pa abentsëcshunquiobien ubi chote tantiec.

Ducas 21:24

Edusaden yacnocquido utsi utsien chështen seshun secaquin cuessunnendac. Utsi utsien bedshun nidaid utsi utsiec yacno buanshun matses utsibon iuaid iquendac. Nuquin Papa tantiesabo icquin matses utsibon Edusaden uesquin nibëdanmendac. Nuquin Papa: Aden namenu, quenuc adec tabadendac. Padi. Aidtedi namiombi, quenuc nidendac.

Hechos 17:26

Aidëmbi matses abentsëc uashumbic aidën tsiuecquido dadpen caidmepampic. Adec caidash matses utsi utsiec dadpen yanash nidaid utsi utsiec yacno tabadquido nec. Aden matses uabi icquin Nuquin Papan: Aid uëshënquio yanendac. Aido ambo tabadendac, quequin ambi tantiacpadembi napampic.

Epeso 1:10

Aden ambi tantiampicpaden Nuquin Papan abuc icquidobëta nidaidën icquido abitedi tsidadmeshun aidon Icbo Chuiquid Tapa abentsëcquiobi Esuquidistu icmendac.

Timoteo 1 6:15

Nuquin Papan tantiacpadënquio Esuquidistu nidaidën padpidec chouaindac. Abi chomequid icsaisambo yec bëdamboshë icquid nec. Aid abentsëcquiobi abitedishun Icbombo nec. Aidëmbi chuiquid utsibo abitedi namendac. Aidquio chuiquid utsin dëniactiapimbo iquendac.

Timoteo 2 3:1

Tantia, mado. Mibi chuinu. Nuquin Papan abitedi cuidte uëshë yanabi icnuc natiamiantequid dadpenquio iquendac.