Hechos 1:16 - El Nuevo Testamento en matsés

^16-17 Tantia, cun utsibo, Udas padon naid chuibannu. Abëd icquid icquimbi Esus chieshënquido Udasën Esus bedmiondash, quequin nuquitedi tantiec. Aden Udasën nate chuiquin Nuquin Papan Mayan Bëdan tantiamiacpadombuen nuquin tsusedpa Dabidën dada uapampic.

Hechos 1:16 ပူးပေါင်းရင်းမြစ်များ

Mateo 26:14

Adnubien abëd icquid abentsëc Udas Iscadiote cuëmëdquid nëish iua cuessunneshun pichicaquidon chuiquido yacno isec nidpanëdash.

Mateo 26:47

Aden chuinubien Esusbëd icbued Udasbëd matses dadpen chochopondash. Aido utsi utsiec chështe sanambededtsëquiec chonobi utsibo cueste sanambededtsëcquiec chochopondash. Nuquin Papa ismequin nëish iua cuessunneshun pichicaquidon chuiquidobëtan cun matses tsësiobon: Bedtan, cac chochopondash.

Mateo 26:54

Nuquin Papan aden ubi cudasmiac bedtiapimbo icsho ¿Mitsi paden Nuquin Papan Chiaid chuiquin dada uamiampicpadombuen ubi aden bedpatsiash? capondash pateshunnianquid chuiquin.

Mateo 26:56

Bedenquio icbuedëmbi Nuquin Papan tantiacpadënquiobi mimbi ubi bedec. Aden ubi bedshun mëyante chuiquin Nuquin Papan oncamiaidon dada uampicpadombuembi mimbi ubi bedec, quequin chuinubini Esus abentsëqui nianec ubitedi niquepondac.

Madcos 12:36

Tantia. Chuinu. Nuquin Papan Mayan Bëdan tantiamiac Dabidëmbi naden chuipampic: Icbo Dapan cun Icbo naden chiec: Cun abiuc tsadec abitedishun Icbombo icnush nëmbo cho. Mibi chieshënquidobi dëniacmeshun: Cun Icbo nec, abitedimbo mibi camenu, quequin Dabidën chuiquin dada uapampic.

Madcos 14:43

Aden chuinubien Esusbëd 12ted icbued Udasbëd matses dadpen chochopanëdash. Aido utsi utsiec chështe sanambededtsëquiec chonobi utsibo cueste sanambededtsëcquiec chochopanëdash. Nëish iua pichicaquidon chuiquido yec Moisesën chiampid tantiamequido yec cun matsesën chuiquido tsësiobo yec quequidon: Bedtan, cac chochopanëdash.

Ducas 22:47

Aden Esusën chuinubien abëd icbuedi: Esus bedmenu, quequin matses dadpen bëec Udas bëyuc chopanëdash. Adec choquimbi abi tanchoccasho issumbien

Uanën dada uaid 10:35

Ambi chiaid chuibanquido matses caic: Ubibimbuecquid mibi nec, quequin Nuquin Papan Chiampid issun: Nuquin Papan icsambuen chiac, quequin mimbi chushcambo iquec. Nuquin Papa adoambobida ¿ubi chushcai?

Uanën dada uaid 13:18

Adashic padpidec: Mibitedi caic: Abitedimbo bëdambo iquec, quetiapimbo iquebi. Tauambuen: Nuquibi icnu. Cho, umbi caondaido cun iuabotedi tantiembi. Adquid icnubi abentsëc icsambo iquec. Aid chuiquin Nuquin Papan tantiamiac nuquin tsusedpan naden chuiquin dada uapampic: Ubëtan pequidën ubi chieshënquido ubi bedmendac, quequin chuipampic.

Uanën dada uaid 17:12

Mimbi nadatiambocquin namiac ubëd icquidobëd icquin mimbi chiaidquio bëdambuen chuibanquin chieshtomiambo iccombi. Aden bëdambuen dayun uaquin aido Mayan Icsa Satanas iuamiambo iccombi. Udas abentsëquien ubi tantiesa yanosh. Mimbi chiaid tsusedpan dada uaquin chiampicpadombuen ubi chieshënquido bedmenuec Mayan Icsa Satanasën iua Udas yanosh.

Uanën dada uaid 19:36

Nuquin Papan tantiamiac cun tsusedpan: Canite podquënenquio iquendac, quequin chuiquin dada uampicpadombuen Esus canite podquënenquio icpondash.

Hechos 1:20

Adembidi ëndenquimboshë Udas tishabicnuc chuiquin Nuquin Papan Mayan Bëdan tantiamiacpadombuen tsusedpa Dabidën cuëdënte naden dada uapampic: Ma adequi aton shubu mosadpanuna. Adecbidi aid shubun ma matses nibëdquid icpanuna, quequin chuipampic. Aden chuishumbic cuëdënte utsitsen naden Dabidën dada uapampic: Aidën nabanuidbued ma utsin nabampanuna, quequin Dabidën chuipampic, quepanëdash Petedo.

Hechos 13:15

Ambo tabadnubien Nuquin Papan Moises dada uamiampidbëta Nuquin Papan oncamiampidën dada uamiampidtsen isec onquequin chuitanquin chuiquidon: Isedquido iqueque. Aid daëdi tabadacno nidshun: Ubitedi bëdambo icmenuen ¿ada chuibante bune? En chuiban. Tantianu, quequin Bednabebëta Pabado chuipanëdash.

Hechos 13:38

Aidi icsaisa yequi matses icsaid bedshunash abided cuidadec uënëspanëdash, quequin tantiata, quequin chuibanec nebi. Nëbi aid tantiaquidouidtsëqui icsaisabimbuecnuc Nuquin Papan bëdambuen isec. Adquid cuidenquio iquendac. Ënden Nuquin Papan: Naden nata, quequin Moises dada uamiampidtedi matsesën natiapimbo iquec. Aden natiapimbocsho icsaisabimbuecnuc Nuquin Papan bëdambuen istiapimbo ictsiash.

Hechos 15:13

Aid daëdshun chuibanquin nainan Esusën utsi Santiaco Esus tantiaquidon chuiquid tapambo yec nadpanëdash: Umbitsen chuinu. Tantia, cun utsibo.

Hechos 15:7

Adec iuec onquec tabadash Petedo nidtoec nadpanëdash: Cun utsibo, tantia. Chuinu. Ënden Nuquin Papan naden chuipondashi. Isadaidpembo Esuquidistu tantiaquid icmete bunebique. Aidotsen Esusën naid Chiaid Bëda chuibenneta, quequin chuipondashi. Adoac umbi naondaid chuibansho mibitedishun tantiondac.

Hechos 2:23

Aidi Nuquin Papan ëndenquimboshë tantiampicpaden bedmeshun mëyanmequin: Uënës uata, cac Nuquin Papa tantiesabo matses icsambocquidën cueste napotiaidën dectanquin uënës uapondash.

Hechos 2:37

Aden Petedon chuisho tantiash iccuededquido ambi icsambuen naid tantiec uënësquio yec: Esus tantianu, quequin ¿atotsimbi nape? quepanëdash Petedobëta Esusën: Ubi chuibenneta, caido utsibo chiec.

Hechos 22:1

Tantia. Cun utsibobëta papatedi icsho, mibi chuinu. Icsambuen nambo iccombi, quequin mibitedi chiembique. Isadaidbon chuiquidobëtan isadaidbo utsibon ubi onquesho tantiata.

Hechos 23:1

Adoaquien isadaidbon chuiquid tapabo iccuededsho isquin naden Pabadon chuipanëdash: Cun utsibo, umbi naid chuibannu. Tantiata. Nuquin Papan isquin tantianubi ambi: Naden nata, quequin chiaid nabanquidquio nebi, quepanëdash.

Hechos 23:6

Aden chuishumbic: Iccuededquid utsi utsiec saduseobobëd icquido icnubi utsi utsiec padiseobobëd icquido iquec, quequin tantiec: Tantia. Chuinu, cun matses. Padiseobon tishmiaid yec padiseobo nebi. Adquid icquin: Uënësash uincuentequid iquec, quequin tantiaquid icsho: Icsambocquid nec, quequin mimbi ubi chiec, quec cumapenec onquequin Pabadon iccuededquido chuipanëdash.

Hechos 28:17

Adec Doma yacno choash daëdec ushec tabadshun: Isadaidbon chuiquido chuinu. Chome, capondambi. Adoac chomiacsho issun Pabadon naden chuipondash: Tantia. Chuinu, cun matsesën chuiquido. Nuquin matses icsambuen chuishunambo iccombi. Adembidi nuquin tsusedpabon: Naden nata, quequin chiaid niacambo iccombi. Aden nainquio icshobi Edusaden yacnoshon nuquin matsesën bedshun Doma yacnoquidon chuiquid menequin buanmiondashi.

Hechos 28:25

Aden tantiashun abentsëcshun tantiacbimbuen tantiatiapimbo yec cumapenec cuëdcuededec: Nidnu, quesho tantiashien Pabado nadpondash: Nuquin Papan Mayan Bëdan Isayas dada uamequin nuquin tsusedpabo mibi padquido naden chuipampic:

Hechos 7:2

caquien Estebanën naden chuibampanëdash: Chuinu. Tantia, cun matsesado. Tsusedpa Abadauan nidaid Adan caid yacno tabadec nidnush nidaid Mesopotamia caid yacno tabadsho Nuquin Papan abitedishun Icbo icquin abibi Abadauan ismepampic.

Petedo 1 1:11

Esuquidistu choabi icnuc Aidën Mayanën tantiamiac aidon naden chuipampic: Nidaidën choacsho matsesën chieshënquin natiamequin uënës uaindac. Aden uënës uacsho uincuenmiac bëdamboshëcquid yec abitedishun Icbombo icuaindac, quequin Esusën nate chuipampic. Aden chuiquin: ¿Tedtsi yash chopec? ¿Mitsiuëshquio chopec? quequin tantiate bunquiopampic.

Petedo 2 1:21

Ambembi chiec onquenquio icquin Nuquin Papan oncamiaidon chuibampampic. Nuquin Papan Mayan Bëdan tantiamiac abimbo aidon chuipampic.

Petedo 2 2:21

Ënden Esus chuibanac aido: Aid tantiembi, quebuedombi aid tantienquio yanec icsamboshë yansho issun: Esus tantiembi, quenquio icpatecnëdan, caimbi.