Hechos 1:15 - El Nuevo Testamento en matsés

¹⁵ Aido 120ted iccuedednubi nënantanquio nidtoshon Petedon naden chuipanëdash:

Hechos 1:15 ပူးပေါင်းရင်းမြစ်များ

Mateo 13:31

Adshumbic Nuquin Papan namiacno tabadte tantiamenuen Esusën utsi chiacbimbuen naden chuipondash: Tied icbo mostasa caid ëshëmpi aton tiedën sec nidposh.

Ducas 22:32

Aden mibitedi Mayan Icsa Satanasën iuatiadquio iquec, quequin tantiaquin Nuquin Papa naden chiombi: Simon ubëd icquidquio neque. Mayan Icsa Satanasën iua yannushe. Aidën: Nuquin Papan Chiaid niac niacmenu, casho adomenda, Papa, quequin chiombi. Adec ubëd icbuedi cuëshëdtsembosh chouashun padpidec cuëshëdenquio icquin cumapenen ubi tantiaquin ubëd icquid utsibo adombuembidi cuëshëdenquio icnuc cumapenen ubi tantiameta, capanëdash Esusën Petedo chuiquin.

Uanën dada uaid 14:12

Tantia. Mibitedi abimbo chuinu. Cun Pa yacno ubi nidan umbi nabocpadombuen ubi tantiaquidontsen nadatiambocquin udictsëc nabanendac.

Uanën dada uaid 21:23

Adec: Uënësenquio ictsiash, Esus quesho tantiash ubi caic: Esusën tantiaidquio yec Uan uënësenquio iquendac, quecuededpanëdash Esus tantiaquido. ¿Adenda Esusën chuidiondash? Ma adempenquio chiondac. Ubi Nuquin Papa yacnouësh choabi yacpadequi ma uënësenquio icnu, ubi quenuc uënësenquio ictsiash. Mimbi tantiatepenquio nec, quequimbien chuipondash.

Hechos 10:23

Adoaquien: Puduedash nëmbo ushec cho, quepanëdash Petedo. Adashic badiadanec Codnedion chomiaidobëd Petedo nidsho issun Esus tantiaquid Ope yacnocquidon utsin utsinquien tsibanampanëdash.

Hechos 11:1

Adnubien Udea yacnoshon Esus chuibennequidobëtan Esus tantiaquid utsibon naden chuisho tantiapanëdash: Isadaidpembobi Esus tantiaquido yanac caosh, quequin chuisho tantiapanëdash.

Hechos 11:12

Adec tabadnubi Nuquin Papan Mayan Bëdan chuiposhi: Aid cacuidenquio yec nidtan, quesho tantiash aidobëdi nidpobi. Adecbidi Ope yacnocquido dada 6ted Esus tantiaquidobëd nidec Codnedion shubun puduedpobi.

Hechos 11:26

Saudo istuidash Antioquia yacno aidbëdi Bednabe chopanëdash. Ambo choash seta abentsëc matanmec ambocquid Esus tantiaquidobëd iccuededquin Esusën naid chuibanquin aid daëdshun tantiamepanëdash. Aden chuiban chuibanac Esus tantiaquid dadpen yansho issun: Quidistubo nec, quequin tauaquin Antioquia yacnoshon cuëmbempanëdash.

Hechos 11:29

Adnuc: Udea yacnocquidon pete nibëdec, quesho tantiashun Antioquia yacnocquid Esus tantiaquidon: Aido nashunnuna, queshun aton piucquid menemenuen ambi tantiactedi Edusaden yacno buanmenu, quequin sambededpanëdash.

Hechos 12:17

Adshobien mëdante uic uiccaquin Petedon: Onquenquio yec tabadquin tantiata. Nuquin Icbon nabued mibi chuibannu, queshun abi quënën tsadunacnoshon Nuquin Papan abëd icquid chomequin puduenmiaid Petedon chuibampanëdash. Aden chuitanec: Umbi chuibambued Esusën utsi Santiacobëta Esus tantiaquid utsibo chuitanta, quianec puduenanec shubu utsi yacno Petedo nidpanëdash.

Hechos 14:2

Aido Esus tantiaquid yannubi isadaidbo utsibon Pabadon chuibanaid tantiatiapimbo icquin Esus tantiaquido muaquin chuiquin isadaidbopembotsen nëishmepanëdash.

Hechos 15:1

Adnubien nidaid Udea caid yacnouësh choquido Esus tantiaquid utsibo Antioquia yacno chochoash tabadquin: Nuquin Papan: Naden nata, quequin Moises chuiquin dada uamiampicpaden shui dëbid dëtemesa Nuquin Papa yacno puduedtemaid nendac, quequin chuibampanëdash.

Hechos 15:3

Adoac Antioquia yacnouësh puduanec nidec nidaid cuëshë Penisia caid yacno choash tabadquin: Ambi icsambuen tantiaquin naid ënash Isadaidpembotsen Esus tantiaquid yamposh, quequin chuipanëdash. Adsho tantiash cuishonquepanëdash Esus tantiaquido. Adtanec auëshquio nidequi nidaid Samadia caid yacno nidash tabadquin adombuembidi chiac adquiecbidi cuishonqueuapanëdash Esus tantiaquido.

Hechos 16:2

Timoteo bëdambocquid nec, quequin Disteda yacnocquid Esus tantiaquidobëtan Iconio yacnocquid Esus tantiaquidon Pabado chuipanëdash.

Hechos 16:40

Adoac puduenanec nidequi Didian shubu yacno choash puduedshun Esus tantiaquido iccuededsho issun: Esus tantiec chieshtoenquio yec bëdambuec tabadta, quequin Pabadon chuibampanëdash. Aido chuibidanec Pabadobëd Sidas nidpanëdash.

Hechos 17:10

Adshumbic: Mibi bednushe, queshun aid inchëshëmbi Tesadonica yacnocquid Esus tantiaquidon Pabadobëta Sidas shubu dadpen icquid Bedea yacno nidmepanëdash. Aden nidmiac ambo tabadec Nuquin Papan Chiaid chuibante shubu yacno Pabadobëd Sidas puduedpanëdash.

Hechos 17:14

Adsho tantiashumbien Bedea yacnocquid Esus tantiaquidon acte dapa mad caid cuëman badedquio Pabado nidmepanëdash. Adnubi Sidasbëd Timoteo nidenquio yec Bedea yacnobi tëshëdpanëdash.

Hechos 17:6

Adec puduedshun isac Pabadobëd Sidas nibëdsho issun chieshëmënquidon Asombëta Esus tantiaquid utsibo bedshun aton chuiquid tapabo yacno buampanëdash. Aden buanash cumapenec cuëdcuededec: Nidaid utsi utsiec yacno capucuennequin icsambuen tantiamequin chuitemaid chuibanquido nëmbo choaccosh.

Hechos 18:18

Adashien Pabado nidaid cuëshë Codinto yacno iuec tabadash Esus tantiaquido nianec nidaid cuëshë Sidia caid yacno nidec Pabado puduampanëdash. Aidbëdi Aquidabëd aton chido Pisida Codinto yacnouësh nidec Codinto nidaid cuëshën icquid shubu dadpen icquid Senquedeas yacno chopanëdash. Ambo tabadquin: Nuquin Papa tantiaquioquin aidtedec ushquin nainombi, queshun utsibo ismenu, quequin Pabadon aton manëdaid nibëdquiecnuc matasmepanëdash. Adashic auëshquio cano dapa antabëdtoanec nidpanëdash.

Hechos 18:27

Adoac iuec tabadquin Epeso yacno chuibanashic: Nidaid Acaya caid yacno nidnu, quesho tantiashun Epeso yacnocquid Esus tantiaquidon naden dada uashun Apodo menepanëdash: Nëid dada uaid buanquid Apodo cuëmëdquid Esus tantiaquid nec. Umbi bëdambuen isaid neque. Iuedta, quequin dada uashun menepanëdash. Aden meniac puduanec nidec nidaid Acaya caid yacno nidash puduedshun Esus tantiaquido bëdambuen tantiamenuen chuibampanëdash.

Hechos 21:17

Adec Edusaden yacno choacsho Esus tantiaquidon: Bëdambo iquec, quiash cuishonquequin Pabadobëta ubitedi iuedpondash.

Hechos 21:20

Aden chuisho tantiash: Nuquin Papan namiaid bëdambo iquec, quetanquin naden Pabado chuipondash: Nëmbo Esus tantiaquid isadaidbo dadpenquio iquec. Aido Nuquin Papan Moises dada uamiampid: Naden nata, quequin chiaid naban, quequin chuiquido nec.

Hechos 21:7

Adec Tido yacnouësh nidequi shubu dadpen icquid Todemaida yacno Pabadobëd choquin ambobi acte dapa mad caidën nidquin cuëscapondambi. Ambo choquin Esus tantiaquido istuidash aidobëd abentsec ushec tabadpondabi.

Hechos 22:5

Umbi aden tsadunmebanondaid nëish iua cuessunneshun pichicaquidon chuiquid tapabëtan nuquin chuiquid utsi tsësiobon isondashun tantiec. Shubu dadpen icquid Damasco yacno nidshun Esus tantiaquid bedmeshun Edusaden yacno cuidmenuen bëmenu, quesho tantiashun Edusaden yacnocquidon chuiquidon: Ai, adotan, quequin dada uaid meniac bedondambi Damasco yacnocquid isadaidbon chuiquido ismenuen.

Hechos 28:14

Ambo choacsho istuidshun ambocquid Esus tantiaquidon Pabado abëd icquidobëta: 6tedec ushec ubëd tabadec cho, cac: Ai, quesho iuedpondashi. Aidted ushec Esus tantiaquidobëd tabadash auëshquio puduanec podquiedën nidequi shubu dadpenquio icquid Doma yacno ubitedi chopondabi.

Codinto 1 15:6

Adshumbic abi tantiaquido dadpen 500ted udictsëc iccuededacno choquin: Uincuenobi, quequin Esuquidistun ismeuapanëdash. Aid uincuenacsho isnëdaido dadpen abi tabadnubi utsi utsiec uënësbudniac.

Esusën Uan ismiaid 11:13

Aid daëd abuctosho isec tabadnubi nidaid saca sacaquembuec cumapenec ishcudamposh. Adec nidaid ishcudnubi shubu dadpenquioshë chimeshadbudnposh. Adec chimeshadbudnequin matses catashquin dadpenquio 7midted uënës uabudneposh dadpen padabicnuc. Adnubien uënësabi icquido cumapenec dacuëdcuededendac. Dacuëdcuededequi: Abucquid Nuquin Papa nadatiambocquidëmbien nachitec. Aidquien tantiatiad, quecuededendac, quequin Nuquin Papabëd icquidën chuiposhi.

Esusën Uan ismiaid 3:4

Mibi yacno matses daëdpactsëc aton dashcute bëchish ucacbimbuen ambi icsambuen naid ënash icsainquio yec bëdambuec tabadquid iquec. Adquido icsho issun ubëdi tabadmequin dashcute ushumbocquid dasiuinquin icsaisa icmendambi.