Hechos 1:14 - El Nuevo Testamento en matsés

¹⁴ Aidtedi Esusën: Ubi chuibenneta, caido quënë nuntan tabadnubi Esusën tita Madia yec Esus tantiaquid chido utsibo yec Esusën utsibo yec quec ambobidi iccuededtennequin: Nuquin Papa chuinuna, quequin chiannepanëdash.

Hechos 1:14 ပူးပေါင်းရင်းမြစ်များ

Mateo 12:46

Aden chuishun abi Esusën matses chuibampondash. Adnubien aton titabëd aton utisbo Esus isnuec chochopanëdash. Adash umanuc tabadsho issun

Mateo 21:22

Nadatiambocquin naquidquio Nuquin Papa nec, quequin abimbo tantiaquin Abi chiannesho mimbi chiacpadombuen Nuquin Papan mibi nashuntsiash, quequin Esusën ubitedi chuipondash.

Mateo 27:55

Adnubien ambobi chidobo dadpen nidaid Cadidea yacnouësh Esusbëd choquin abi nashunquin codocashumbuedo uannoshon Esus uënësso isec tabadpanëdash.

Madcos 15:40

Adnubien ambobi uannoshon isec nëidted chidobo tabadpanëdash. Nëidic Madia Macdadena. Nëidic Madia utsi Osen tita. Aidi Ose tsibanquid Santiacon titabidi nepanëdash. Nëidic Sadome. Aidtedshun Esus ancuenquio diadsho isbededpanëdash.

Madcos 16:1

Aden isboshic chonoadtemaid uëshë inchëshbudec naimëdnuc Madia Macdadena yec Madia Santiacon tita yec Sadome yec quec nidshun aton piucquid menequin bëdambo nuadnuc: Esus danoshcatannu, quequin danoshcate bedpanëdash.

Ducas 11:13

Mibitedi icsambuen naquido icquimbi min bacuë tantiaquin bëdambocquid menequid mibi nec. Adquid icnuc Nuquin Papa icsaisambo abuc tabadquid icquin: Min Mayan Bëdamboshëcquid ubi mene, quequin abi chuisho tantiashun mibi menendac, quepanëdash Esus.

Ducas 18:1

Adshumbic Esusën: Ma ubëd icquidon chieshtoenquio icquin Nuquin Papa chiannenu, quequin tantiaquin utsi chiacbimbuen naden chuipanëdash:

Ducas 23:49

Aido nidannenubien abi tantiaquido uannoshon isec tabadpanëdash. Ambobidi nidaid Cadidea yacnouësh chosho issun Esus tsibanambued chidobon uanno tabadquin isbededpanëdash.

Ducas 23:55

Aden chococasho isec Cadidea yacnouësh Esusbëd chobuedo chidobon Ose tsibananshun Esusën dada shëcuën nauedshun nanac uesho isbededpanëdash.

Ducas 24:10

Aido nëidtedi nepanëdash. Nëidic Madia Macdadena. Utsibic Uana. Utsibic Madia utsi Uambëtan Santiacon tita. Utsibic chido utsibo. Aidtedi chochoshon Esusën: Ubi chuibenneta, caido chuituidpanëdash.

Ducas 24:33

Adtanequi abidaëdi Edusaden yacnobidi chouapanëdash. Adec choec Esusbëd icquido 11tedbëdi utsibo iccuededacno puduedsho issun:

Ducas 24:53

Adec chochoash tabadquin Nuquin Papa tabadte shubu dapa yacno badiadquidën badiadquidënquiec nidted nidtedquin Nuquin Papan naid cuëdënquin chuidednepanëdash.

Ducas 8:20

Adnubi utsin: Titabëd min utsibo chochoshon mibi isnuen umanucshun cainec, quequin Esus chuipanëdash.

Hechos 2:1

Adashic isadaidbon aton tiedën caniquid tidico caid bedbante tantiate uëshë chotsëcnubi Esus tantiaquidotedi shubu nuntan iccuededpanëdash.

Hechos 2:42

Aden Esus tantiabenshun Esusën: Ubi chuibenneta, caidon Esus chuibansho tantiec abëd icquido menenanec tabadquimbi Esus uënësaid tantiaquin actequid acshun pan cuëshë pebededtednepanëdash. Adembidi Nuquin Papa chiannepanëdash.

Hechos 2:46

Adecbidi badiadquidën badiadquidënquiec Nuquin Papa tabadte shubu dapa yacno nidash iccuededpanëdash. Adecbidi shubu utsi utsiec yacno nidash iccuededquin Esus uënës uaid tantiaquin pan cuëshcuëshshun pebededpanëdash. Adecbidi bundoshon pete pec cuishonquecuededuapanëdash.

Hechos 6:4

Aidtedi niante nashunquid icnubi ubitedishun Nuquin Papa chiannendambi. Adembidi Nuquin Papan Chiaid chuibennendambi, quepanëdash Esus chuibennequido.

Doma 12:12

Uënësacsho abi yacno Esusën ubi tabadmendac, quequin cainec cuishonqueta. Utsibon chieshënquin natiamiaqui chieshtoenquio icquin tantiata. Ënenquio icquin badedbadedquien Nuquin Papa chianneta.

Codinto 1 14:13

Adquid icnuc mibitedi utsi utsiec mibi onquiacmaid onquete utsin onquequid icquin mimbi chuibanac tantienquiocsho issun: Umbi chuibanaid tantiamequin aidën onqueten chuibanquid ubi icme, quequin Nuquin Papa chuita.

Epeso 6:18

Aton Mayanën tantiamiacpadombuen ënenquio icquin Nuquin Papa chianneta. Adec tabadquin uidënquio icquid yacbimbuen chieshtoenquio icquin Nuquin Papa tantiaquidotedi tantiaquin chianneta.

Codosas 4:2

Esuquidistu tantiaquido icquin Mayan Icsa Satanasën chieshtomenushe, queshun ënenquiocquin Nuquin Papa chianneta. Aden chianniac Nuquin Papan nasho issun: Mimbi naid bëdambo iquec, Papa, quequin Nuquin Papa chianneta.