Hechos 1:11 - El Nuevo Testamento en matsés

¹¹ Nidaid Cadidea yacnouësh choquido ¿atotsi quiash abuc isec tabadec ne? Abuc indosho mimbi isbued Esus abu ushun choec budsho mimbi padpiden isuaindac, quepanëdash abuc isbededec tabadquido chiec.

Hechos 1:11 ပူးပေါင်းရင်းမြစ်များ

Mateo 16:27

Matsesën Tishaid yec Nuquin Papa yacnouësh cun Pabëd icquidobëd bëchamauanquiec choshon Nuquin Papan abitedishun Icbo icmiaid icquin matses cuidte chiendambi. Nuquin Papa tantiec bëdambuec tabadquid icsho aidbëd tabadmequimbi Nuquin Papa tantienquio yec icsambuen naic tabadquido icsho natiamequin cuidendambi.

Mateo 16:28

Aden chiashic Esus: Abimbo chuinu. Tantiata. Nëmbo tabadquid ubi tantiaquid utsi utsiec uënësabi yec nidaidën abi tabadquin Matsesën Tishaid yec abitedishun Icbombo icmiacsho isendac, quepondash Esus.

Mateo 24:30

Adnubien Matsesën Tishaid yec ubi chotequid icnuc abuc ismiantequid icsho isbededendac. Adsho isash nidaidën tabadquido matses abitedimbo dacuëdec natiaquiec shubiquiendac. Adnubini Matsesën Tishaid iquequi abitedishun Icbo yec nadatiambo icquin nabanquidquio yec bëchamauanquiec abu ushu yacno ubi chosho isbededendac.

Mateo 25:31

Adshumbic Esusën padpiden abi chote chuiuapondash: Matsesën Tishaid yec abi yacnouësh abëd icquidobëd choec: Abitedishun Icbombueni nec, quiash bëchamauampambuec choequi cun tsadte dapa bëdamboshëcquidën tsadtoquin abitedimbo ismendambi.

Madcos 13:26

Adnubini Matsesën Tishaid yec ubi dasiuidaid bëchamauanquiec uëshë chënquiacbimbuec nadatiambocquin nabanquidquio yec abu ushu yacno chosho matses abitedishunquio ubi isbededendac.

Madcos 14:70

Adoaquien Petedo muaquimbi chiec: ¿Esusbëd icquidtabi nedi? queuapanëdash. Adnubien iuecpactsëctanec: Nidaid Cadidea yacnocquid yec aidbëd icquidien mibi nec, quepanëdash ambobi tabadquido Petedo caic.

Madcos 16:19

Aden chuibanquin ënshobi abuc indoac Nuquin Papan dayun abiucquio Esus tsadtuidpanëdash.

Ducas 21:27

Adnubini Matsesën Tishaid yec ubi dasiuidaid bëchamauanquiec uëshë chënquiacbimbuec uëshëmbo iquec nadatiambocquin nabanquidquio yec abu ushun ubi chosho matses abitedishunquio isbededendac.

Ducas 24:5

Aid isash dacuëdcuededequi dannëshën tinquebudec nidaidën bëccuësquebudcuededpanëdash. Adsho isash dada daëd: ¿Atotsi quequin uënësaido chococacno chococac uincuenaid nibëne?

Uanën dada uaid 14:3

Adquid iquec, quiash ubia nidshun: Ubi tantiaquido nëmbo tabadmetiad, quequin Cun Pa chiendambi. Adashic ubi yacno ubëdi tabadmenuen mibitedi bednuec chouaindabi.

Hechos 1:2

Aden Esus abuc indoaid yacno cuëscaquin chuiquin dada uaondambi. Abuc nidnun Esusën: Ubi chuibenneta, quequin abëd icquido chuiquin Nuquin Papan Mayan Bëdan tantiamiacpadombuen dadpen chuibampanëdash.

Hechos 1:22

Uanën Esus acten mentosho isash niamëdenquio yec Esusbëd capucuenneshun Esus indosho isquidquio icsho: Esus chuibenneta, quequin nuquitedishun abentsëc chuinuna. Adoac Esusën: Ubi chuibenneta, caidobëtan Esus uincuenaid chuibantiad, quepanëdash Petedo ambo iccuededquido chiec.

Hechos 1:9

Aden ambi: Ubi chuibenneta, caido ënquin chuishobi Esus abuc indopanëdash. Aden indosho isec aido tabadnubi abu ushun Esus bëtinsho padpiden istiapimbo icpanëdash.

Hechos 13:31

Uincuenmiac isadcuenash iuec capusho nidaid Cadidea yacnouësh Edusaden yacno abëd chochobuedo aidotedi abibi ismiannepanëdash. Aden ismianniac nëbi aidombi abi Esuquidistu chuibanquin matses tantiamec, quepanëdash Pabado.

Hechos 2:7

¡Padtec! Dacuëdampambo iquec. Ubipadquiequien onquepec. ¿Onquequidotedi nidaid cuëshë Cadidea yacnocquidopenquioda nedic?

Hechos 3:12

Adec tabadsho issun Petedon naden chuibampanëdash: Cun matses isadaidbo ¿Atotsi quiash: Padtec, quequin ubi daëdi mibitedishun bëise? ¿Ubi daëdshun nacta nëid capupadic? ¿Ubi bëdambocquid icquindambi nadatiambocquin nadio?

Hechos 3:21

Nuquin Papan abitedi bëdambo icmete uëshë choabicnuc ambi chiampicpadequi nëbi Esus abuc aton Papabëd tabadec. Adec tabadte chuiquin Nuquin Papan oncamiaidon utsin utsinquien dada uapampic.

Tesadonica 1 1:10

Adshumbic: Nuquin Papa yacnouësh aton mado Esus nidaidën padpidec chosho istiadquio iquebi. Ubi cuidmenquio icnuec abided cuidadec uënësacsho Nuquin Papan uincuenmiaid Esus choec, queshun aidquio tantiabenac caosh, quequin mibitedishun naid chioshi.

Tesadonica 1 4:16

Padenquio icnubien Nuquin Papan namiac Nuquin Papabëd icquidon chuiquid abi yacnouësh choec nuambo cuëdtuidsho tantiendac. Adnubien Nuquin Papan chiacpadombuen abëd icquid utsin nua shoncaindac. Aden shoncanubi Esus abucuësh budnubi Esus tantiec uënësaidotedi abia uincuenendac.

Ebedeo 9:28

Adecbidi matsesën icsambuen naidtedi bedshunash abided cuidadec Esus abentsequi uënëspanëdash. Adashic aidquiobidi padpidembuec nidaidën chouaindac. Matsesën icsambuen naidtedi bedshunash padpidec uënësnu, quenquio yec abi cainquidotedi abi yacno tabadmenuen bedec chouaindac.

Esusën Uan ismiaid 1:7

Esuquidistu abu ushu yacno choendac. Adec chosho matses abitedishunquio isendac. Aden cun matsesën ambi mëyanquin uënës uameshun ambi podo ansebuedquio Esus chosho isendac. Padtemboshë, ashibi cuidpec, quetanec abi cuidte tantiec dacuëdec natiaquiec shubiendac. Esus tantiesabo utsibotsen adecbidi abi cuidte tantiec natiaquiec sedenquec shubiquiendac. Adtequidquio iquendac. Amen.