Epeso 6:9 - El Nuevo Testamento en matsés

⁹ Mibitedi iuaquido icquin min iuabo chushcainquiocquin bëdambuen isquin namebanta. Min iuabobëtan mimbi: Cun Icbo caid: Abuc iqueque. Aid tantiata. Aidi matses abitedi tantiaquidquio neque.

Epeso 6:9 ပူးပေါင်းရင်းမြစ်များ

Mateo 22:10

ambi istuidaidtedi chuibennetanac matses dadpenquio pec chochoposh. Icsambo icquidobëdi bëdambocquido chochoash chuiquid tapan shubun puduedash pec tabadte quënë dapan tsucus tsucustsëcquio yec tabadcuededposh.

Mateo 22:8

Adometanquimbic chuiquid tapan: Abi pete codocaid dadpen iqueque. Pec nidta, cac chochoenquio iccoshe.

Mateo 24:48

Adquid icnubi adombuen naisa icbo utsin namiaid icpec. Aton icbo baded choenquio icsho issun

Mateo 24:51

Adec choshon ambi chiacpadombuen nainquio icsho istuidshun: Icsambo iquec, queshun cumapenquien cuidendac. Adombuembidi Nuquin Papan icsambuen naquido cuidendac. Bëdambo icquid danmianquido cuidacno matses mëyadtequid yacno nidmendac. Adoac natiaquiec shëta chëquëdëshquec shubiquiendac, quequin Esusën chuipondash.

Mateo 7:12

Nuquin Papa tantiaquido icquin utsibo tantiaquin bëdambuen nashunta. Utsibo caic: Aidon ubi nashumpashun, quequin mimbibi otacquio tantiacpadombuembidi utsibotsen nashunta. Aden Nuquin Papan Ambi Chiaid Moises dada uamiampidbëta ambi oncamiaidon dada uaquin chiampicpadombuen mimbi natsiaque. Aden utsibo nashunta, quequin Esusën chuipanëdash.

Ducas 6:31

Adembidi: Utsibon: Ubi nashumpashun, quequin mimbi tantiacpadombuen utsibo tantiaquin nashunta.

Uanën dada uaid 13:13

Cun chuiquidquio nec, mimbi ubi capec. Adembidi: Cun Icbo mibi nec, mibitedishun ubi capec. Bëdambuen mimbi chiec. Adquid nebique.

Hechos 10:34

Aden Codnedion: Chuiban, cac Petedon naden chuibampanëdash: Matses utsi nec, quenquio icquin Nuquin Papan iuedtequid matses utsi utsiec iquec, quequin nëbi abimbo tantiembi.

Doma 2:11

Abi tantiesabo icsho: Nëid umbi tantiaid nec. Nëid umbi tantiacmaid nec, quenquio icquin Nuquin Papan abitedimbo cumapenen cuidendac.

Codinto 1 1:2

Aidbëtambi Codinto yacnoquid Nuquin Papan bëdambuen tantiamiac Esus tantiaquido icsho mibitedi tantiembi, quequin chiec nebi. Esuquidistunuidtsëqui bëdamboshëcquid icmequin tantiamiac Nuquin Papa tantiaquido mibitedi nec. Adoaido icquin utsi utsiec yacnoshon Esus tantiaquid utsibobëtan Nuquin Icbo Esuquidistu chiannequid nuquitedi nec. Aidi Nuquin Icbo yec aidon Icbobidi nec.

Codinto 1 7:22

Iua Esus tantiaquid yanec nëbi iuapenquio yanshun Nuquin Icbo tantiaquin nashumbanquid iquendac. Adecbidi iuaidpenquio Esus tantiaquid yanec nëbi Esuquidistun iua icquin aidën namiaidquio iquendac.

Codosas 3:25

Padnuen chieshëmënquid icquin icsambuen naquid icsho Nuquin Papan cuidendac. Aidon naid issun abimbo tantiaquid icquin: Nëid cuidenquio iquembi, quenquio icquin Nuquin Papan cuidendac.

Codosas 4:1

Iuaquidon, mimbi iuaido ambi nabanaid tantiaquin bëdambuen menebanta. Adembidi: Abuc Cun Icbombo iquec, quequin tantiaquin mimbi iuaido bëdambuen ista.

Santiaco 2:13

Utsibo uënësquiocquin tantiesa matses icsho Nuquin Papan: Aido tantiac uënësquio iquec, quenquio icquin cuidendac. Aden cuidshumbic utsibo uënësquio icquin tantiaquido icsho Nuquin Papan ambi abitedi cuidte uëshën aido cuidenquio iquendac.

Santiaco 2:8

Nuquin Papan: Naden nata, quequin chiampid tantiaquin nabanquid yec mibitedi bëdambo iquendac. Ambi chuiquin dada uamiampid nad iquec: Min dada mibibi datantiadacbimbuen utsibo tantiaquiota, quequin chuipampic.

Santiaco 5:4

Adembidi min tiedën caniquid bedquin chonoadquido icsho mimbi dayun uaid piucquid menenquio icac aido shubiec tabadquin: Piucquid menianenquio iquec mibi icsambo iquec, quec cuëdcuededquin chuisho Nuquin Icbo Nadatiambocquidën abitedimbo tantiec.