Epeso 6:5 - El Nuevo Testamento en matsés

⁵ Tantia, iuabo. Mibitedi chuinu. Nidaidënshun mibi iuaquid yec min icbo neque. Aidën chiacpadombuen nabanta. Chieshënenquio icquin bëdambuen isquin nashunta. Esuquidistu nidaidën icsho nashunacbimbuen mibi iuaquidën chiacpadombuen nabanta.

Epeso 6:5 ပူးပေါင်းရင်းမြစ်များ

Mateo 6:22

Adshumbic abi macuësh tapa poctse tsadquin utsitsen Esusën naden chuiuapanëdash: Min tantiaten bëdambuen tantiaquin Nuquin Papa tantiaquiec mitsanauidi tantienquio yec mibi bëdambuec tabadendac.

Mateo 6:24

Adshumbic naden Esusën chuipanëdash: Adecbidi chuiquid daëd icnuc aid daëdshun namiaid mibi ictiapimbo iquec. Abentsëcshun chiaiduidi tantiaquin utsin chiaid nainquiocquin mimbi aid chieshënec. Adquiobidi piucquid bedteuidi tantiaquid icquin Nuquin Papan chiacpadombuen mimbi natiapimbo iquec, quequin Esusën chuipanëdash.

Mateo 8:9

Ubibic cun chuiquid tapan namiaid icquin sondado utsibo namequid nebi. Umbi: Baded nid, cac badedi nidec. Umbi: Baded cho, cac badedquio choec. Cun iuan umbi: Nata, cac umbi chiacpadombuen naic. Mibi adquidquiobidi neque. Cun iua bëdanmeta, quepanëdash sondadon chuiquid tapa.

Hechos 2:46

Adecbidi badiadquidën badiadquidënquiec Nuquin Papa tabadte shubu dapa yacno nidash iccuededpanëdash. Adecbidi shubu utsi utsiec yacno nidash iccuededquin Esus uënës uaid tantiaquin pan cuëshcuëshshun pebededpanëdash. Adecbidi bundoshon pete pec cuishonquecuededuapanëdash.

Doma 9:3

Cun matses isadaidbo tantiec uënësquio yec tsadebi. Nuquin Papan: Min matses abitedi cuidmenquio icnuen mibiuidtsëqui Esuquidistubëd tabadmenquio icquin mëyadtequid yacno nidmequin cuidnu, capatecnëdani. Adoac: Ai, cun matses isadaidbo cuidenquio icnuen ubided cuid, quetsenondabi.

Codinto 1 2:3

Icsambocquid nebi, quiash mibitedi dacuëdampambo icsho isash uëdëquec dacuëdondabi.

Codinto 1 7:22

Iua Esus tantiaquid yanec nëbi iuapenquio yanshun Nuquin Icbo tantiaquin nashumbanquid iquendac. Adecbidi iuaidpenquio Esus tantiaquid yanec nëbi Esuquidistun iua icquin aidën namiaidquio iquendac.

Codinto 2 1:12

Ubitedi bëdambuec tabadquin ismequid nebi, quequin tantiec bëdambo iquebi. Matsesën tantiamiacpadpenquio yec utsibobëd bëdambuec tabadobi. Nuquin Papanquio tantiamiacpaden ismec utsibobëd bëdambuec tabadobi. Adquiecbidi mibitedibëd tabadobi.

Codinto 2 7:15

Aid bëdambo iquec, queshun mibitedishun Tito iuedpanëdac. Aden iuedac: Naden nata, quequin umbi chiac cacuidanenquio icquin nabanosh, quequin Titon chioshi. Aidëmbi mibi bëdiactsëc tantiabuedëmbi mibitedi tantiaquiec.

Epeso 5:22

Cun Icbo Esuquidistun chiacpadombuen naquid nebi, queshun aton chido icquin min bënën chiacpadombuen nabanta.

Epeso 6:24

Ënenquio icquin Nuquin Icbo Esuquidistu tantiaquid abitedi Nuquin Papan bëdambuen isquin ma chieshtoenquiocquid icmepanuna, quequin tantiembi. Aidted chuiquin dada uaombi.

Pidipos 2:12

Cun utsibo, umbi tantiaido mibitedi neque. Tantia. Chuinu. Ubëd tabadquin umbi chiacpadombuen mimbi nadedniondacpadombuen ubi uanno nidan adembidi bëdambuen nata. Nuquin Papa dacuëdampambo icquidën chiaid niacmane, quiash aidën chiacpadombuen naic aidbëd tabadnush bëdambuec tabadta.

Pidemon 1:16

Onesimo min iua iccondaidi Esus tantiaquid yanacsho mimbi cun utsi caidquio aidi nendac. Adquid icsho umbi tantiaidquio neque. Mimbitsen tantiaquiota. Mibi yacno nidshun Esuquidistu tantiaquid icquin mimbi chiacpadombuen chieshenquio icquin bëdambuen mibi nashunendac.