Epeso 6:23 - El Nuevo Testamento en matsés

²³ Nuquin Papabëtan Nuquin Icbo Esuquidistun ma mibitedi bëdambuec tabadmequin Esus tantiaquido utsibobëd tantiananquidquio icmequin abi tantiaquidquio icmepanuna.

Epeso 6:23 ပူးပေါင်းရင်းမြစ်များ

Uanën dada uaid 14:27

Cun Pa yacno nidshun Cun Mayan mibëdi tabadmequin dacuëdenquio yec bëdambuec tabadquid mibi icmendambi. Ubi tantiesabombien mibi adquid icmetiapimbo iquendac. Umbi aden nate chuisho tantiash dacuëdec tabadenda.

Doma 15:33

Aden mibitedi tantiaquin nuqui bëdambo icmequid ma Nuquin Papa mibitedbëd icpanuna. Amen.

Codinto 1 1:3

Nuquin Papabëtan Nuquin Icbo Esuquidistun ma bëdambuen isquin bëdambuec tabadmepanu, quequin mibitedi tantiaquin Nuquin Papa chiannembi.

Codinto 2 13:11

Nëbi ënquimbi dada uaimbique. Tantia, cun utsibo. Bëdambuec cuishonquec tabadquid icnu, quec Nuquin Papan chiacpadec tabadta. Utsibobëd tantiananec bëdambuec tabadtedneta. Bëdambuec tabadnuna, cananta. Adec tabadsho isash mibitedi bëdambuec tabadmequid yec mibi tantiaquidquio Nuquin Papa mibëd iquendac.

Cadasia 5:6

Esuquidistunuidtsëqui shui dëbid dëtemiaidobëtambi dëtemiacmaidontsen abi tantiasho bëdambuen isec. Adoac aid tantiaquido yec utsibobëd tantiananquid nuquitedi nendac.

Cadasia 6:16

Umbi aden chuisho tantiash: Abimbo mimbi caic, quiash bëdambuec tabadsho Nuquin Papan: Cun matsesquio nec, caindac. Aido Nuquin Papan bëdambuen isquin cuidenquio iquendac. Isadaidbobëta isadaidpembo adotsiash.

Epeso 6:24

Ënenquio icquin Nuquin Icbo Esuquidistu tantiaquid abitedi Nuquin Papan bëdambuen isquin ma chieshtoenquiocquid icmepanuna, quequin tantiembi. Aidted chuiquin dada uaombi.

Tesadonica 1 5:8

Padnuen nuquitedi Esus tantiec bëdambuec tabadquido nec. Adquid icquin nuqui icsambuen nate bunaid nainquio icnuna. Sondado: Shocosh tsasimbo icquid shictonquenu. Sicsenushe, quiacbimbuec icnuna. Mayan Icsa Satanasën Esus tantiamenquio icnushe. Esus tantiaquioquin matsestsen tantiaquionona. Adecbidi sondado: Masenushe. Shocosh tsasimbo icquid mauete mauenu, quiacbimbuecbidi icnuna. Mayan Icsa Satanasën icsambuen tantiamequin chieshtomenushe. Esus tantiasho cuidenquio icquin Nuquin Papan abi yacno ubi tabadmendac, quequin tantiec bëdambuec tabadnuna.

Tesadonica 2 1:3

Tantia. Cun utsibo, Nuquin Papa bëdamboshë iquec, quequin chiannequid icquin mibitedi tantiaquin Nuquin Papa chiannembi naden. Esus bëdiactsëc tantiactsëcbuedombi Tesadonica yacnocquidon nëbi Esus tantiabededquiosh, quequin chioshi, Papa. Adecbidi bëdiactsëc tantianambuedi nëbi cumapenec utsibobëd tantiananquiosh, quequin chioshi. Aden aido bëdambo icmec mibi bëdamboshë iquec, Papa, quequin mibitedi tantiaquin chiannembi.

Tesadonica 2 3:16

Mibitedi tantiaquin Nuquin Papa naden chiannembi: Bëdambo icmianquidquio icquin Cun Icbonquio ma aido bëdambuec tabadquid icmepanuna, Papa. Aidobëd ma Esus tëshnanenquio icpanuna, Papa, quequin tantiaquin Nuquin Papa chiannembi.

Timoteo 1 1:14

Aden icsambuen naquid icshobini cuidenquio icquin Nuquin Icbo Esusën ubi tantiaquidquio icquin tantiamiac: Abi tantiasho ubi bëdambuen istsiash, queshun Esusquio tantiabenondambi. Adshun matsestsen tantiaquiembi.

Timoteo 1 1:3

Tantia. Mibi chuinu, mado. Nidaid cuëshë utsi Masedonia caid yacno nidquin umbi chiondacpadquiec Epeso yacno icta. Mibi yacnocquidon: Nuquin Papan Chiaidquio chuinu, quebuedombi aid abimbo chienquio icsho tantiashun naden chuita: Nuquin Papan Chiaid chuiquimbi muaquin ambembi chiaid utsibëta natsusuaquin chuibanenda, cata.

Timoteo 1 5:8

Aton shubun icquidotsen Esus tantiaquidon nashunquid. Abëd icquido nashunenquio icquin Nuquin Papan chiacpadombuen nainquio icquid nec. Esus tantiesabon icsambuen nanubi Esus tantiaquid icquimbi aton matses nashunenquio icquid yec icsambuenshë naquid nec.

Petedo 1 5:14

Esus tantiaquido nebi, quiash: Mibi tantiembi, cananta. Nuquin Papan mibitedi Esuquidistu tantiaquido icsho ma bëdambuec tabadmepanu, quequin mibi tantiaquin Nuquin Papa chiannembi. Aidted chuiquin dada uaombi.

Uan 3 1:14

Nëbi mibi yacno nidshun mibi bëisquioquimbi dadpen chuibanendambi.

Esusën Uan ismiaid 1:4

Nidaid cuëshë utsi Asia caid yacno tabadquin Esus tantiec iccuededquidon iste dada uaic nebi. 7tedi shubu dadpen icquid yacno yacnombuec Esus tantiec iccuededquido icsho mibi tantiembi, quequin chuiquin dada uaic nebi. Ambi chiampicpadombuen Nuquin Papan bëdambuen isquin mibi bëdambo icmendac. Nidaid uabi iquequi ëndenquimboshë icpampidi nëbi abi icquid yec nibëdantiapimbo icquid Nuquin Papa nec. Nëbi adquid iquequi choendac. Adembidi aton Mayan 7tedshun aton tsadte dapan tsadsho abi bëisec tabadquidën ma mibitedi bëdambo icmepanuna, quequin tantiembi.