Epeso 6:17 - El Nuevo Testamento en matsés

¹⁷ Shocosh mauete tsasimbocquid mauiacsho masetiapimbo yacbimbuen Esus tantiaquid icsho Nuquin Papan cuidenquio icquin abi yacno tabadmendac, quequin tantiaquid icsho Mayan Icsa Satanasën mibitedi chieshtometiapimbo iquendac. Shocosh siante cuënumbo yacbimbuecquid Nuquin Papan Chiaid nec. Nuquin Papan Mayan Bëdan tantiamiac Nuquin Papan Chiaidquio chuinuc Mayan Icsa Satanas cuenendac.

Epeso 6:17 ပူးပေါင်းရင်းမြစ်များ

Mateo 4:4

Adoaquien Esusën: Nuquin Papan naden chuiquin dada uamiampid iquec: Peteuidi pec matses bëdambuec tabadtiapimbo ictsiash. Nuquin Papa tantiaquin aidën chiacpaden naiquien bëdambuec tabadtsiash, quequin chuipanëdash.

Mateo 4:7

Adoaquien Esusën: Adembidi Nuquin Papan chuiquin dada uamiampid nad iquec: Icsambuen tantiaquimbi Min Icbo Nuquin Papa caquin: ¿Abimboda caoshe? Tannu, quequin cuidmenda, quequin chiampid iqueque. Padi, capanëdash Esusën Mayan Icsa Satanas chuiquin.

Epeso 5:26

Adec abided cuidadec uënëssun: Ubi tantiaquido bëdamboshëcquid icmenu, queshun ambi Chiaid tantiamequin abi tantiaquido acten mentoadmendac.

Tesadonica 1 5:8

Padnuen nuquitedi Esus tantiec bëdambuec tabadquido nec. Adquid icquin nuqui icsambuen nate bunaid nainquio icnuna. Sondado: Shocosh tsasimbo icquid shictonquenu. Sicsenushe, quiacbimbuec icnuna. Mayan Icsa Satanasën Esus tantiamenquio icnushe. Esus tantiaquioquin matsestsen tantiaquionona. Adecbidi sondado: Masenushe. Shocosh tsasimbo icquid mauete mauenu, quiacbimbuecbidi icnuna. Mayan Icsa Satanasën icsambuen tantiamequin chieshtomenushe. Esus tantiasho cuidenquio icquin Nuquin Papan abi yacno ubi tabadmendac, quequin tantiec bëdambuec tabadnuna.

Ebedeo 4:12

Nuquin Papan Chiaid nadatiambocquid yec abimbo tantiamianquid nec. Aden Nuquin Papan ambi tantiacpadombuen namendac. Chështe aucbidaëdi cuënumbo icquidën nami ëquëducquio sënquin isacbimbuen ambi icsambuen naidtedi matses tantiamendac. Adembidi Nuquin Papan chiaid issun Ambi: Icsambuen nanu, quequin tantiaidbëta ambi: Bëdambuen nanu, quequin tantiaidtedi tantiamendac.

Ebedeo 6:5

Adoaidën Nuquin Papan Chiaid bëdambuen tantiashun Nuquin Papan namiaido icquin nadatiambocquin nabanaid issun: Nuquin Papa yacno Esusbëd tabadte iquec, quequin tantiabempondash.

Esusën Uan ismiaid 1:16

Aton mëdante abiucshun uispa 7ted sanamposh. Chështe aucbidaëdi cuënumbo icquid ana shëcuënuësh cueshqueposh. Aton bëtantete badiadën uëshë chënquec bëchamauanquiacbimbuec isadposh.

Esusën Uan ismiaid 12:11

Nëbi umbi isac Mayan Icsa Satanasën Esus tantiaquido chieshtometiapimbo iquec. Obecabimbuecquid yec abided cuidadec uënësaidën intaquën chieshtotiapimbocquid icmendac. Cuessunnenu, caqui: Esusën iuambo nebi, queshun uënëste dacuëdënenquio icquin abi chuibanendac.

Esusën Uan ismiaid 19:15

Bëyuc nidquidën ana shëcuënuëshquio chështe cuënumbo icquid cueshqueposh. Adquid icquin nidaid utsi utsiec yacno tabadquido icsaquido icsho uesquin seshun secaindac. Adembidi matses chuiquid tapan shocosh cueste sananquin namesho utsibon dëniacquin: Umbiquien namenu, catiapimbo iquendac. Nuquin Papa nadatiambocquid icquin icsaquido nëishënquioshon shancuimbiecquid uba caid nua ënë icnuc tishtishacbimbuen cuidquin nua intac icnuc seshun secaindac.

Esusën Uan ismiaid 2:16

Aidon chiaid tantienda. Umbi chiaid mimbi niac niactsiaque. Mimbi icsambuen naid ënshun padpiden Nuquin Papa tantiata. Mibi cuëdëncuededacno aido chomenda. Umbi chuibued niacbidansho issun mibi yacno choshon chështe cun ana shëcuën cuënumbo icquid cueshquebuedën cuesacbimbuen mibi aidobëta cuidtsiambique. Mimbi icsambuen naid ënta.