Epeso 5:4 - El Nuevo Testamento en matsés

⁴ Adecbidi icsambuenuidi chiec onquenda. Matsesën natemaid chiec utsibëd abembi onquenda. Adecbidi utsi icsambuenuidi chuiquin oncaisambo icta. Adecbidi bëdambuec onquequidi utsi uain chuiquin mamënshunesambo icta. Adec onquec tabadaid bëdambocquidpenquio nec. Adenquio yec: Nuquin Papa bëdambo iquec, quequin chiannec tabadta.

Epeso 5:4 ပူးပေါင်းရင်းမြစ်များ

Madcos 7:22

Nëidic aton chidopenquio chudquido. Nëidic aton bënëpenquio chudmequido. Nëidic abi bunacpadombuen dadpenquio bedquido. Nëidic icsamboshëcquido. Nëidic utsin na isash bunquido. Nëidic utsibo muaquin chuishunquido. Nëidic abi bunaiduidi nate bunquin naquido. Nëidic utsina isash bedte bunquido. Nëidic utsi ambembi icsambuen chuishunquido. Nëidic: Ubiuidtsëqui bëdambocquid nebi, quequido. Nëidic: Aden naic icsatsiabi, quenquio icquin icsambuen naquido.

Uanën dada uaid 6:23

Adnubien shubu dadpen icquid Tibedias caid yacnocquidon cano dadpen bëbëpanëdash. Aden bëbëshun abi Esusën: Papa nëid mimbi meniaid bëdambo iquec, queshun pan pemebued anoentsëqui nando nandosho isac:

Doma 1:28

Adec abi tantiate bunenquio icsho isash Nuquin Papa: Ma ambi icsambuen nate bunacpadequi icsambuec ma adequi tabadpanu, quiampampic. Adnëdambi ambi natemaidi naic tabadec.

Codinto 2 1:11

Ubitedi nashunquin mibitedishun chiannesho tantiashun Nuquin Papan mënchicaid nebi. Aden: Cuessunnenu, quesho tantiashun mimbi Pabado mënchiccoc. Adquid yec mibi bëdamboshëcquid nec, Papa, quequin ma dadpenshun abi nashunaid chuipanuna.

Codinto 2 9:15

Aden aidon chuinubi naden Nuquin Papa nuqui chiec: Mimbi chomiaid Esuquidistu mibi ubi bëdambuen ismequid bëdamboshë iquec. Aden naquid utsi nibëdec, Papa, quequin nuqui chiannec.

Epeso 1:16

Aden tantiaquin: Mimbi namiac aidon bëdambuen naic, queshun: Nuquin Papa bëdambo iquec, quequin ënenquio icquin chiannequin bëshunenquio icquin mibitedi tantiadednembi.

Epeso 4:29

Esus tantiaquido yec icsambuen chiec onquenda. Utsibo bëdambo icmenu, quequin tantiec bëdambuen chiec onqueta: Ma Nuquin Papan aidtsen bëdambo icmepanu, quiash.

Pidipos 4:6

Adecbidi uënësquio yec natiec tabadenda. Adenquio icquin mimbi tantiaidtedi Nuquin Papa chuita. Aden chiec: Mibi bëdamboshë iquec, Papa, quequin chianneta.

Codosas 3:8

Adquid iccondaidi nëbi aden nainquiocquin ënash bëdambuec tabadta. Cumapenec nëishbuedi ënëdta. Adecbidi utsi chieshëmbuedi ënëdta. Adecbidi icsambuec tabadbuedi ënëdta. Adecbidi utsi icsambuen chuishumbuedi ënëdta. Adecbidi icsambuen tantiaquin chiec onquebuedi ënëdta.

Tesadonica 1 3:9

Aden tantiash dayacquio yanshun cuishonquequin Nuquin Papa naden chiannembi: Tesadonica yacnocquido bëdambo iccosh, quesho tantiash cuishonquebi. Mimbiuidtsëqui namiac chieshtoenquio iquec. Aden namec mibi bëdamboshë iquec.

Tesadonica 1 5:18

Nadec tabadquin: Nuquin Papa bëdambo iquec, cata. Bëdambuec tabadquin nac bëdambo ictsiash. Daicsabudshumbi adembidi nac bëdambo ictsiash. Paëmbo icnubi adembidi. Mitsana icnuc adembidi. Mitsana nibëdnubi adembidi. Utsibon chieshënaqui adembidi: Mibi bëdamboshë iquec, Papa, cac bëdambo ictsiash. Aden Nuquin Papan: Ma Esus tantiaquidon adono, quequin tantiacpadembi mibitedishun chiannendac.

Pidemon 1:8

Esuquidistun: Ubi chuibenneta, cashun Esus tantiaquido namequidtsen icta, caid nebi. Adoaid icquin aidën chiacpadombuen utsi tantiaquin nashunta, quequin mibi chuite bunquimbi aden chiambo iccombi.

Ebedeo 13:15

Nuquin Papan namiac Esuquidistu abided cuidadec uënëspanëdash, quequin aid tantiaquin: Nëish iua cuessunneshun pichicanu, quenquio icquin: Mibi bëdamboshë iquec, Papa, quequin ënenquio icquin Nuquin Papa chiannenuna.

Petedo 2 2:18

Adec muaquido bëdambuec onquiacbimbuec ambembi chiec onquec. Utsin chiaid tantienquio icquin ambi tantiaiduidi naden chiec: Mibi bunacpaden mimbitsen: Nata, cac Esus tantiactsëcquin Nuquin Papan Chiaid naquin ambi icsambuen naid ënuidbuedi padpidembuec icsaindac. Aton chidopenquio isec chudte bunquin ambi icsambuen naid ënte bunenquio iquec. Chido dada utsi chudmete bunquid chudmequin icsambuen namec. Adquidotedi Nuquin Papan cuidtequidombo nec.

Petedo 2 2:7

Sodoma yacnocquid abentsëc Dod caid pichiquenquio icnuc Nuquin Papan cuenmepampic. Nuquin Papan chiacpadombuen naquid yec: Nuquin Papan Chiaid niacniaquec nëmbo icquido icsambuen naic tabadec, quequin tantiec uënësquio yec tsadtednequid icsho cuenmiaid yec pichiquiambo icpampic.

Udas 1:10

Padnuen muaquidon ambi tantienquio yaidi icsambuen chuishunec. Aido nëishën tantienquio yacbimbuec tabadquin ambi tantiaiduidi naic tabadec. Aden nabanec tabadquin ambibi Nuquin Papa cuidmendac.

Udas 1:13

Aido acte dapa cumapenec bocquec tëccuasquequidën cuëmano nushanuaquin icsa uacbimbuen icsambuen naquido nec. Aido uispa chënquebuedi bënnudacbimbuen bëdambuen tantiamenquiocquido nec. Adec muasho cuidquin Nuquin Papan puduentiapimbo yec inchëshquimboshë yacno nidmendac.