Epeso 5:21 - El Nuevo Testamento en matsés

²¹ Esuquidistu tantiaquido yec utsibobëd tantiananec nashunnanta.

Epeso 5:21 ပူးပေါင်းရင်းမြစ်များ

Codinto 1 16:16

Aidon chiacpaden nabanec mibitedi tabadta. Adembidi aidon nabanacpadembidi Esus tantiaquid utsibo tantiaquin nashumbanec tabadta.

Codinto 2 5:11

Adec Nuquin Icbo dacuëdampambocquid icsho ma aidën chiacpadec tabadquin ma tantianu, queshun matses tantiamequin chuibante bunebi. Adosho umbi naidtedi Nuquin Papan tantiec. Adembidi ma mimbitsen umbi naid tantiapanu, quec tsadebi.

Codinto 2 7:1

Tantia, cun utsibo. Umbi tantiaido icsho mibi chuinu. Nuquin Papan: Naden naindambi, quequin chuiquin dada uamiampid isash nadnuna. Nuqui icsambuen naidbëtabi nuqui icsambuen tantiaid ënnuna. Icsamane, queshun Nuquin Papa dacuëdampambocquid icsho aid tantiaquin aidën chiacpadombuen nabanec bëdambuec tabadtembo tantianuna.

Cadasia 5:13

Cun utsibo, mibitedi Nuquin Papan Esus tantiamiaido nec. Adquido yanash: Ubi icsate bunaid nanu, quenda. Adec tabadenquio yec utsibobëd tantiananec nashunnanta.

Epeso 5:22

Cun Icbo Esuquidistun chiacpadombuen naquid nebi, queshun aton chido icquin min bënën chiacpadombuen nabanta.

Epeso 5:24

Esuquidistun chiacpadombuen nabanquido abi tantiaquido nec. Adombuembidi aton bënën chiacpaden nabanquid aton chido neuaic.

Pidipos 2:3

Utsibon mibi chieshënquin nacpaden nainda. Ubiuidtsëqui bëdamboshë iquebique. Cunauidtsëqui nanu, quec mibiuidtsëqui tantiadec tabadenda. Adec tabadenquio yec: Ubi bëdapabi icnuc utsibo bëdamboshëcquido neque. Nashunnu, quec bëdambuec tabadta.

Timoteo 1 2:11

Esus tantiaquido iccuededacnacnoshon dadan Nuquin Papan Chiaid chuibansho tantiaquid chidon. Aidën chiacpadombuen natiapimbo iquebi, quequin tantienquio yec bëdambuen tantiec otacquio tabadquid chido.

Timoteo 1 3:4

Adquidën aton chidobëta aton bacuëbo chieshmenquiocquin bëdambuen namequid nendac.

Ebedeo 13:17

Mibi Esus chuibanquidon chiacpaden nabanta. Nuquin Papan: Chieshtoenquio icquin ubi tantiaquido bëdambuen isquin dayun uata, caid nec. Aidi: Esus tantiaquido naden namiombi, quequin Nuquin Papa chuiquid nec. Ubi chuibanquid nec, queshun ambi chiacpadombuen mibitedishun nabansho isash aid cuishonquec. Aden ambi chiacpadombuen nainquiocsho isash uënësquio ictsiash. Adnuc mibitedi bëdambo ictiapimbo ictsiac.

Petedo 1 2:13

Esus tantiaquid icquin: Cun Icbo Esus icsambuen chuishunnushe, queshun matsesën chuiquidtedishun chiacpadombuen nata. Aden nuquin matses iuaquido Doma yacnocquidon chuiquid tapanquio empedadod caidën chiacpadombuen nata.

Petedo 1 2:17

Matses abitedi bëdambuen ista. Mibëtan Esus tantiaquido tantiaquiota. Nuquin Papa bëdamboshë iquec, quequin aid tantiec bëdambuec tabadta. Nuquin matses iuaquid chuiquid tapambo empededod caid bëdambuen isquin aidën chiacpadombuen nabanta.

Petedo 1 5:5

Tantia, caniabo. Mibitsen chuinu. Min chuiquid tapa Esus tantiaquido chuibanquid neque. Aidën chiaid niaquenquio icquin nabanta. Ubi nashunta, quec chuinanec nashunnanta. Umbi tantiacpadembi naimbi, quenquio icquin utsin chiacpadombuentsen nabanta. Adquid Nuquin Papan chuiquin naden dada uamiampid iquec: Utsibo tantienquio icquin aton nauidtsëqui nasho: Icsambo iquec, caindambi. Utsimbien atonauidtsëqui tantienquio icquin utsibotsen tantiaquin nashunsho Nuquin Papan: Aid bëdambuen isquin nashunendambi, quequin chuiquin dada uamepampic.