Epeso 5:20 - El Nuevo Testamento en matsés

²⁰ Nuquin Icbo Esuquidistun namiaid icquin ambi tantiacpadombuen icmiaidtedi bëdambo iquec, quequin Nuquin Papa ënenquio icquin chianneta.

Epeso 5:20 ပူးပေါင်းရင်းမြစ်များ

Uanën dada uaid 15:16

Esusbëd icquid icnu ¿quequinda mimbembi tantiadionda? Padenquio. Umbien mibi: Cho, caondac. Utsibo tantiamequin ma nëidon ubi chuibennenu. Aden chuibanac utsibotsen ubëd tabadtequid yanendac, queshun mibi: Cho, caondambi. Aden umbi chiacpadombuen naquidën Nuquin Papa chuiquin: Min mado tantiaquid nebique. Ubi nashun, Papa, cac mimbi chiacpadombuen Nuquin Papan mibi nashunendac.

Hechos 5:41

Puduenmiac: Nuquin Papan namiacpaden Esus chuibansho mëyanac bëdambo iquebi, quec cuishonquecuededpanëdash.

Doma 1:8

Nëidba chuinu. Esuquidistu tantiaquin: Nuquin Papa bëdamboshë iquec, caimbi. Mibitedi Esus tantiec bëdambuec tabadsho issun nidaid utsi utsiec yacnocquidon mimbi naid chuisho tantiombi.

Codinto 1 1:4

Mibitedi tantiaquin ënenquio icquin Nuquin Papa naden chiannembi: Mibi bëdambocquid nec. Adquid icquin mimbi tantiamiac Esuquidistu tantiasho bëdambuen isquin bëdambo icmeta, Papa, quequin mibitedi tantiaquin chiannembi.

Codinto 1 15:24

Adnubi nëid nidaid abichobi nibëdanendac. Mayan Icsa Satanasbëta aton iuabo yec chuiquid tapabo yec nadatiambocquin namequido yec quenuc Esuquidistun abitedimbo dëniaquendac. Adshumbic Nuquin Icbo Esuquidistun aton papa Nuquin Papa chuiquin: Papa, mimbimbo abitedi nameta, caindac.

Epeso 5:4

Adecbidi icsambuenuidi chiec onquenda. Matsesën natemaid chiec utsibëd abembi onquenda. Adecbidi utsi icsambuenuidi chuiquin oncaisambo icta. Adecbidi bëdambuec onquequidi utsi uain chuiquin mamënshunesambo icta. Adec onquec tabadaid bëdambocquidpenquio nec. Adenquio yec: Nuquin Papa bëdambo iquec, quequin chiannec tabadta.

Pidipos 1:3

Adembidi mibitedi tantiadednequin: Aden aido mibi tantiamec mibi bëdamboshë iquec, Papa, quequin chiannembi.

Pidipos 4:6

Adecbidi uënësquio yec natiec tabadenda. Adenquio icquin mimbi tantiaidtedi Nuquin Papa chuita. Aden chiec: Mibi bëdamboshë iquec, Papa, quequin chianneta.

Codosas 3:17

Aden nabanec tabadquin: Cun Icbo Esus nec, quequin tantiaquin aidën chiacpadombuen nabanta. Adec tabadquin: Mimbi tantiampicpadombuen Esuquidistun tantiamiaid yec bëdambo iquebi, Papa, quequin Nuquin Papa chianneta.

Tesadonica 1 3:9

Aden tantiash dayacquio yanshun cuishonquequin Nuquin Papa naden chiannembi: Tesadonica yacnocquido bëdambo iccosh, quesho tantiash cuishonquebi. Mimbiuidtsëqui namiac chieshtoenquio iquec. Aden namec mibi bëdamboshë iquec.

Tesadonica 1 5:18

Nadec tabadquin: Nuquin Papa bëdambo iquec, cata. Bëdambuec tabadquin nac bëdambo ictsiash. Daicsabudshumbi adembidi nac bëdambo ictsiash. Paëmbo icnubi adembidi. Mitsana icnuc adembidi. Mitsana nibëdnubi adembidi. Utsibon chieshënaqui adembidi: Mibi bëdamboshë iquec, Papa, cac bëdambo ictsiash. Aden Nuquin Papan: Ma Esus tantiaquidon adono, quequin tantiacpadembi mibitedishun chiannendac.

Tesadonica 2 1:3

Tantia. Cun utsibo, Nuquin Papa bëdamboshë iquec, quequin chiannequid icquin mibitedi tantiaquin Nuquin Papa chiannembi naden. Esus bëdiactsëc tantiactsëcbuedombi Tesadonica yacnocquidon nëbi Esus tantiabededquiosh, quequin chioshi, Papa. Adecbidi bëdiactsëc tantianambuedi nëbi cumapenec utsibobëd tantiananquiosh, quequin chioshi. Aden aido bëdambo icmec mibi bëdamboshë iquec, Papa, quequin mibitedi tantiaquin chiannembi.

Tesadonica 2 2:13

Tantia, cun utsibo. Nuquin Icbon tantiaidombo icsho mibitedi naden chuinu: Ëndenquimboshë matses uabi yequi Nuquin Papa nuqui caic: Ubi yacno tabadmenuen Esus tantiameshun aido bëdambo icmendambi, quepampic. Adshumbic ambi chiampicpadombuen aton Mayanën tantiamiac Nuquin Papan Chiaidquio tantiash Esus tantiec mibi bëdambuec tabadcuenondac. Abi bëdambuec tabadosh, quesho tantiashun Nuquin Papa naden chiannembi: Aden aido bëdambuen namequid yec mibi bëdamboshë iquec, Papa, quequin chiannembi mibitedi tantiaquin.

Ebedeo 13:15

Nuquin Papan namiac Esuquidistu abided cuidadec uënëspanëdash, quequin aid tantiaquin: Nëish iua cuessunneshun pichicanu, quenquio icquin: Mibi bëdamboshë iquec, Papa, quequin ënenquio icquin Nuquin Papa chiannenuna.

Petedo 1 2:5

Aden Esus tantiaquido yec buintad tsasimbocquid yacbimbuecquido mibitedi nec. Adquid icsho Nuquin Papan aton shubun tabadtequido mibitedi icmendac. Adoac: Nuquin Papa bëdamboshë iqueque. Aidën chiacpadombuenuidi nate bunebi, queshun Esuquidistu uidtsëqui tantiec bëdambuec tabadquid mibi yanendac. Adsho isash nuadte bëda pichicasho shëdacbimbuec: Bëdambo iquec, quependac Nuquin Papa.

Petedo 1 4:11

¿Ada Nuquin Papan ambi Chiaid chuibanquid mibi icmiac? Adquid icmiaid icquin Nuquin Papan Chiaidquio chuibanta. ¿Ada Nuquin Papan mibëtan Esus tantiaquid utsibo nashunquid mibi icmiac? Adquid icmiaid icquin: Nuquin Papan tantiamiacpadombuen utsi nashunquiembi, queshun nashunta. Mimbi adosho isash ma utsibo: Abi namequid Nuquin Papa bëdamboshë iquec. Ambi tantiaid Esuquidistu bëdamboshëcquidbidi yec abitedishun Icbombo nec. Adquid yec nadatiambocquidquio nec, ma quenu, queshun ënenquio icquin tantiata. Amen.