Epeso 5:14 - El Nuevo Testamento en matsés

¹⁴ Bëdambuec tabadquin ismedenniac icsambuen nabuedëmbi bëdambuen tantiendac. Adquid chuiquin naden dada uanëdaid iquec: Mibi usheque. Isucun. Uënësaidotedi nidtome. Adquid icsho Esuquidistun mibi bëdambuen tantiamendac, quequin chuipanëdash.

Epeso 5:14 ပူးပေါင်းရင်းမြစ်များ

Ducas 1:78

Mibi oncamequid Nuquin Papan nuqui cuidte bunenquio icquin matses tantiaquid icquin badiadnuc uëshë chënquecunacbimbuecquid nuqui cuidmenquiocquid abucshun chomendac.

Ducas 15:24

Cun mado uënësacbimbuec icbuedi nëbi ubëdi tabaduaic. Aidi bënnudacbimbuec icbuedi nëbi istuidacbimbuec choash iqueque, cac bacan bacuë bënë nuambo tsënënaid cuessunneshun codocacsho cuishonquec tabadquin pebededposh.

Uanën dada uaid 8:12

Adshumbic padpidembuen matses tantiamequin Esusën naden chuiuapondash: Nuquin Papan bëdambuen iste matses tantiamequidquio nebi. Umbi tantiamiac ubi tantiabenquido icsambuen nate bunenquio yanendac. Adash ubëd tabadtequid iquendac, quepondash Esus.

Uanën dada uaid 9:5

Aden chiashic: Matsesbëd tabadquin chëncaquin ismiacbimbuen matses Nuquin Papa bëdambuen tantiamequidquio nebi,

Hechos 13:47

Nuquin Icbon naden tantiamioshibique. Tantia. Chuinu. Nuquin Papan chuimiampid nad iquec: Isadaidpembo Umbi Chiaid chuibanquid mibi icmembi. Nidaid utsi utsiec yacno ënapenquio nidshun chuibanac ubi tantiaquid yanash ma ubi yacno puduedtequid icpanu, quequin chioshi, quepanëdash Pabado abi chieshënquid isadaidbo chiec.

Doma 6:13

Icsambuen nabanec tabadec uënësacbimbuec nuquitedi icpondac. Adquid icbuedëmbi uincuenacbimbuen Nuquin Papa tantiabenshun icsambuen naic tabadenquio icquin aid bunacpadombuen naic bëdambuec tabadnuna.

Codinto 1 15:34

Padpidembuen mimbi icsambuen tantiaid ënquin bëdambuen chiaidquio tantiaquin bëdambuen tantiauata. Mibitedi utsi utsiec Nuquin Papa tantienquio yec tabadsho: Ma dacuëdnu, quequin chiec nebi.

Codinto 2 4:6

Taëecquiobi ëndenquimboshë: Inchëshquio icbuedi uëshëmbo yanta, capampic Nuquin Papan. Adombuembidi Nuquin Papan Chiaid pamumëdacbimbuen tantienquiocbuedi Nuquin Papan tantiamiaido nebi. Esuquidistu aton Papapadquidquio bëdamboshëcquid nec, quequin tantiaquin utsibo chuibanquido nebi.

Epeso 2:1

Ënden icsambuen nabanquido yec uënësacbimbuec mibitedi Nuquin Papabëd ictiapimbo icpondac.

Epeso 2:5

Adec tantianquid icquin icsambuen naic uënësacbimbuec tabadshobi nuquitedi tantiaquioquin Esuquidistubëta uincuemiacbimbuen abëd ictequido Nuquin Papan nuquitedi icmiac. Adec tantianquid icquin Nuquin Papan nuquitedi abi yacno tabadmendac.

Codosas 3:1

Esus tantiaquid icquin naden tantiata. Nuquin Papan Esuquidistubëta uincuenmiacbimbuen chuca uaid nebi. Adquid yanshun abuc Esuquidistu Nuquin Papan dayunquio abiuc tsadquin ambi namiacno ubitsen tabadtequid nebi, quequin aidquio tantiec bëdambuec tabadta.

Tesadonica 1 5:6

Ushquin tantienquio yacbimbuen utsibon Nuquin Icbo Esus tantiatiapimbo iquec. Adec tabadenquio icnuna. Esus tantienquio yanmane, queshun nuqui icsate bunaid nainquio icnuna. Nuquin Icbo Esus chosho iste bunquin cainec bëdambuec tabadnuna.

Timoteo 2 1:10

Aden ambi bëdambuen iste tantiamiabi icshumbic nëbi Esuquidistu matsesmeshun matses tantiamiac. Adoac: Abi tantiaquid uënësacsho cuidmenquio icquin uënëstiapimbo icquid icmequin Nuquin Papa yacno abëdi Esuquidistun tabadmendac, quequin Esusën naid Nuquin Papan Chiaid Bëda nuqui tantiec.

Timoteo 2 2:26

Aden Nuquin Papan Ambi Chiaidquio tantiamiac Esus tantienquio icbuedëmbi Esus tantiabenshun abi iuaquid Mayan Icsa Satanasën icsambuen namiacpadombuen nabuedëmbi ënendac.