Epeso 4:18 - El Nuevo Testamento en matsés

¹⁸ Adquido yec pashuacbimbuecquido nec. Adquid icquin: Nuquin Papabëd tabadte iquec, utsibo quesho tantiesa yec aid tantiate bunenquio iquec tabadec.

Epeso 4:18 ပူးပေါင်းရင်းမြစ်များ

Mateo 13:15

Umbi chiac tantiatiapimbo iquec. Min matses pamumëdacbimbuen tantiate bunenquio iquec. Bëchicqueshun isenquio yacbimbuembidi isquin tantiatiapimbo iquec. Umbi chiaid tantiaquin umbi nabansho issun padpiden ubi tantiabenuanushe. Aden tantiabenshun ambi icsambuen naid ënsho issun bëdambuen ismane, quiash Nuquin Papa chushquiaid Isayasën dada uapampic, quepondash Esus.

Madcos 3:5

Adsho isash nëishtanquin abi datsidadquido bëisbanec uënësquio yec Esus: Nuquin Papan Chiaid tantiaquin naisa yec matses tantiatiapimbo icquido nec, quequin ambibi tantiec: Uënësquio iquebi, quetanquin mëicsatsaid chuiquin: Ubi mëd, Esusën cac mëdequi aton mëdante bëdampanëdash.

Uanën dada uaid 12:40

Nuquin Papan namiac min matses pamumëdacbimbuen tantiate bunenquio iquendac. Bëchicqueshun isenquio yacbimbuen isquimbi tantiatiapimbo iquendac. Umbi chiaid tantiaquin umbi nabansho issumbi ubi padpiden tantiauatiapimbo iquendac. Aden ambi icsambuen naid ënsho bëdambuen ismane, quiash Nuquin Papa chushquiaid Isayasën chuipampic.

Hechos 17:30

Ënden matsesën ambibi nacnenshun: Papa, quequin cuënsho tantiash Nuquin Papa: Padi. Aden nainda, quenquio iccondaidi nëbi: Mimbi icsambuen tantiaid ënshun ubi tantiaquin umbi chiacpadombuen nabanta, quequin matses abitedimbo chiec.

Hechos 3:17

Cun matses isadaidbo mibitedi neque. Tantia. Chuinu. Nuquin Papan Chomiaidquio nec, quequin tantienquio icquin min chuiquidobëtan mibitedishun Esus uënës uamiondac.

Doma 1:28

Adec abi tantiate bunenquio icsho isash Nuquin Papa: Ma ambi icsambuen nate bunacpadequi icsambuec ma adequi tabadpanu, quiampampic. Adnëdambi ambi natemaidi naic tabadec.

Doma 11:25

Cun utsibo, tantia. Chuinu. Nuquin Papan ambi matses tantiamenquio icpampidi nëbi tantiamequin mibitedi chuinu. Nuquin Papan isadaidbo pacuënnëdacbimbuecnuc icmiac tantiate bunenquio iquec. Nuquin Papan tantiactedishun matses utsibomba dadpenshun Esus tantiambic isadaidbontsen dadpenshun Esus tantiabenendac.

Doma 11:7

¿Atotsimbi chiec ne? Isadaidbon ambi tantiactedishun abi tantiasho Nuquin Papan bëdambuen isec. Isadaidbo utsiboen bëdambuen istiapimbo iquec. Aido: Nuquin Papa bëdambuen ismembi, quebuedi tantienquio icsho Nuquin Papan pacuënnëdacbimbuecnuc icmepanëdash.

Doma 2:19

Adembidi pashuacbimbuec tabadquidobëta inchëshën istiapimbo icquin tantiatiapimbocquido bëdambuen tantiamequin Nuquin Papan Chiaid chuibanquidquio nebi, mibi quepec.

Codinto 1 1:21

Aden tantiesa icquin cumapenen tantiaquidon ambi tantiaiduidi chiaid tantiash: Nuquin Papa cumapenen tantiaquid nec, quetiapimbo matses iquec. Adecbidi: Esusën naidquio chuibanac tantiadenquio icnuc ambembi chiec nec, quepec. Adquidon tantiatiapimbo icnubi ubipadquidon Esuquidistu chuibanac abi tantiaquid yansho Nuquin Papan bëdambuen isaido yec abi yacno puduedtequido nendac.

Codinto 1 2:8

Aden chiampid Nuquin Papan Chomiaid nec, quequin chuiquid tapabon tantienquio icpanëdash. Aidon: Nuquin Papan Chomiaid Esuquidistu nec, quequin tantiaquin: Nuquin Icbo bëdamboshëcquid nec, queshun cueste napotiaidën dectanmenquio ictsempanëdash.

Codinto 2 3:14

Nuquin Papan dada uaid Moisesën chuibanac tantiate bunesa aton matses isadaidbo icpampic. Adquiobidi pamumëdacbimbuec isadaidbo abi tabadec. Nuquin Papan Chiampid isec onquec nëbi adquiobidi abi bëdambuen ismenuen nate tantiesa nec. Padnuen Esuquidistu uidtsëqui tantiaquidën Nuquin Papa bëdambuen ismete tantiec.

Codinto 2 4:4

Ad icnuc: Nuquin Papapadquidquiobidi bëdamboshëcquid Esuquidistu nec, quequin chuibansho tantiaquido icnushe, queshun icsambuen namianquid icquin Mayan Icsa Satanasën pamunacbimbuen utsi utsien tantiamenquio iquec.

Cadasia 4:8

Ënden mibitedi Nuquin Papa tantiesa icquin utsi mimbi: Papa, quequin tantiapanëdac. Aidën iuabo yec mëtaniacbimbuec mibi icpanëdac.

Epeso 2:1

Ënden icsambuen nabanquido yec uënësacbimbuec mibitedi Nuquin Papabëd ictiapimbo icpondac.

Epeso 2:12

Adquid icnuc: Nadquid iccondabi, quequin tantiata. Ënden Esus tantiesabo yec isadaidpembo icquin: Cun matses tsusedpabo chuiquin Nuquin Papan: Umbi chiacpadombuen nasho adoendambi, quequin chuipampic, quetiapimbo mibitedi iquec. Isadaidbon aden chuipampic. Adecbidi nëid nidaidën tabadec Nuquin Papa tantiesa icquin abëd tabadte caintiapimbo mibitedi icpondac.

Codosas 1:21

Ënden Nuquin Papan: Cun matses nec, cacmaido mibitedi icpondac. Adembidi icsambuen tantiaquin nabanquido yec Nuquin Papa chieshënquido mibitedi icpondac.

Tesadonica 1 4:5

Nuquin Papa tantiesabimbuec tabadenda. Esus tantiesambien abi bunacpaden nabanec tabadquin dadan chido utsi bunquin aton chidopenquio chudendac. Adembidi chidon dada utsi bunquin aton bënëpenquio chudmendac. Aden nabanec tabadenda.

Ebedeo 5:2

Aden aton matses nashunec nëish iua cuessunneshun pichicaquidon chuiquid tapan aton matses: Icsambuen nanu, quenquiocquidëmbi icsambuen naquidbëtan icsambuen nasho isash nëishenquio icquin: Cun matsesbëdi icsambuen naquid nebi, quequin Nuquin Papa bëdambuen ismenuen nëish iua cuessunneshun pichicapanëdash.

Ebedeo 9:7

Padnuen quënë utsi bëdamboshëcquidën setan setanquiec Nuquin Papa matses bëdambuen ismenuen nëish iua cuessunneshun pichicaquidon chuiquid tapauidtsëqui puduedtednepampic. Ambo puduedquin nëish iua pichicatequid tësënquin cuessunneshun intac cushtoshon buampampic. Aid nëish iua cuessunneshun pichicaquin: Cun matsesbëtan umbi tantienquio icquin icsambuen nabued bëshunmequin Nuquin Papa bëdambuen ismete nepampic.

Santiaco 4:4

Chidon aton bënëpen chudmequidbimbuen Nuquin Papa tantiesabo yec icsambuec tabadquido mibitedi nepayoc. Adec tabadquin abi tantiesabon nacpadombuen nadennequid yec Nuquin Papa chieshënquid nec, ¿quequinda mibitedishun tantienquio icpe?

Petedo 1 1:14

Ënden Nuquin Papa tantiabenabi yec mibi bunacpaden naic mibitedi icsanëdacpadec icsainda. Nuquin Papan: Cun mado nec. Cun champi nec, caido icquin Aidën chiacpadombuen naic tabadta.

Uan 1 2:11

Abëtan Esus tantiaquid utsi chieshënquidien icsambuec tabadquid nec. Adquid yec inchëshën bëdnudshun podquied tantienquio yec capucuenniacbimbuen bëdambuen naquin tantienquio icquin icsambuen naic tabadendac.