Epeso 3:3 - El Nuevo Testamento en matsés

³ Nuquin Papan ënden ambi matses tantiamenquio icpampidi tantiamiac daëdpactsëc dada uaquin mibitedi chiondambi.

Epeso 3:3 ပူးပေါင်းရင်းမြစ်များ

Hechos 22:17

Aidën chiacpaden namianec Edusaden yacnobidi niduash Nuquin Papa tabadte shubu dapa yacno nidec daquënë uaidën puduedash Nuquin Papa chiec tsadquin ushquin isacbimbuen ispondambi.

Hechos 22:21

Adshobini Nuquin Icbon: Nidec nid. Isadaidpembo yacno ënapen mibi nidmembique. Nidta, capondashi, quepanëdash Pabado ambi nabanaid iccuededquido chiec.

Hechos 23:9

Aden ambi tantiacpaden chuibanec cumapenec saduseobobëd padiseobo natiambo cuëdcuededpanëdash. Adec onquec cuëdcuedednubi Nuquin Papan Chiampid tantiamequid padiseobo: Nëid dadan icsambuen naid nibëdec. ¿Mitsipadquidëmbien chuichitash? Mayanëmbien chuichitash. Aidën padenquiocnoc Nuquin Papabëd icquidëmbien chuichitash. Ma Pabadon chuibued abimbo iqueyoc, quequin padiseobon saduseobo chuipanëdash.

Doma 11:25

Cun utsibo, tantia. Chuinu. Nuquin Papan ambi matses tantiamenquio icpampidi nëbi tantiamequin mibitedi chuinu. Nuquin Papan isadaidbo pacuënnëdacbimbuecnuc icmiac tantiate bunenquio iquec. Nuquin Papan tantiactedishun matses utsibomba dadpenshun Esus tantiambic isadaidbontsen dadpenshun Esus tantiabenendac.

Doma 16:25

Nuquin Papa Bëdamboshë iquec, canuna. Umbi Esuquidistu chuibanac tantiabensho Nuquin Papan mibitedi chieshtoenquio icmiac umbi chuibambued Esus tantiec tabadta. Nuquin Papa ëndenquimboshë abitedi uabi yec: Iuecshun naindambi, quequin ambi matses tantiamenquio icpampidi mibi Esus tantiamiac.

Codinto 2 12:1

¿Bëdamboshëcquid nebi, umbi cacta mimbi ubi bëdambuen ispatsia? Padenquio mimbi ictsiac. Aden chienquio icquin Nuquin Papan ubi ismiondaidbëta ambi tantiamiondaid chuinu. Tantia.

Cadasia 1:12

Matsesën: Naden chuita, quequin chiambobi Esuquidistunuidtsëqui tantiamiac Ambi chiaidquio chuibenniombi.

Epeso 1:17

Nuquin Papa Nuquin Icbo Esuquidistun Papa bëdamboshëcquid icsho naden chiannembi. Mimbi aido Min Mayan meniaidën ma bëdambuen tantiamepanuna. Aden tantiamiaido icquin: Nadquio Nuquin Papa iquec, quequin ma abimbo tantiapanu, quequin mibitedi tantiaquin Nuquin Papa chiannembi.

Epeso 3:4

Aden umbi dada uaondaid isec onquequin: Esuquidistu chuiquin Nuquin Papan matses tantiamenquio icpampidi tantiamiac nëbi Pabadon tantiec, quequin mimbi tantiec.

Epeso 3:6

Ambi matses tantiamenquio icpampid nad iquec: Esusën naid ambi Chiaid Bëda chuibansho Nuquin Papan matses utsi utsien Esus tantiaquido icmec. Adoac aidobëd isadaidbo dada abentsëc yacbimbuec tabadsho issun ambi chiampicpadombuen bëdambuen isquin uënësacsho abëdi tabadmendac.

Epeso 3:9

Ëndenquimboshë abitedi uaquidquio icquin Nuquin Papan ambi matses tantiamenquio icpampidi chuiquin: Aid tantiamequin chuibanta, caidquio nebi.

Epeso 6:19

Ubitsen tantiaquin Nuquin Papa chianneta. Dacuëdmenquio icquin mimbi tantiamiacpadombuen chuibanquidquio icme, quequin chuita. Adoac ambi oncamiacpadombuen ambi matses tantiamenquio icpampidi nëbi Nuquin Papan tantiamec, quequin tantiabicquido Esus chuibanendambi.

Codosas 2:2

Ma ënenquio icquin Esuquidistu tantiaquidombo yampanu, queshun dayacquiocquin chiannec nebi. Abentsëc yacbimbuec tantiananquido ma yampanu, queshun adembidi chiannembi. Adquido yanshun ma bëdambuen tantiapanu. Adembidi: Ëndenquimbo Nuquin Papan matses tantiamenquio icpampidi Esuquidistu nec, quequin ma tantianu.

Codosas 4:3

Adembidi ubitedi tantiaquin Nuquin Papa chianneta. Ënden mimbi matses tantiamenquiocnëdaidi Esuquidistu chuibanquin ma utsibo tantiamequin bëdambuen chuibennenu, quequin Nuquin Papa chianneta. Aden chuibennesho bedshun quënën tsadunaid nebi.

Ebedeo 13:22

Cun utsibo, mibitedi bëdambuen tantiamenuen daëdpactsëc umbi chuiquin dada uabued chieshtoenquio icquin tantiadoneta.

Petedo 1 5:12

Umbi daëdpactsëc chuiquin Sidbano dada uamebued mibi yacno buanmembi: Ma mibitedishun isnu, queshun. Aidi chieshtoenquio icquin Esus tantiaquidquio icsho umbi cun utsi caid nec. Ma nëid isash: Ubitedi tantiaquidquio icquin Nuquin Papan ubitedi bëdambuen isquin bëdambo icmec, quequin ma tantianu, quequin abimbo mibitedi chuibanondambique. Chieshtoenquio icquin Nuquin Papa tantiec tabadta.

Petedo 2 3:15

Naden mibitedishun tantiata: Ubitedi tantiaquid icquin Nuquin Icbon abi yacno tabadmenuen badedquio ubitedi cuidenquio iquec, quequin tantiec tabadta. Adembidi mibitedi chuiquin nuquin buchi Pabadon Nuquin Papan cumapenen tantiamiac chuiquin dada uapaccondash.