Epeso 3:12 - El Nuevo Testamento en matsés

¹² Esuquidistunuidtsëqui abi tantiasho Nuquin Papa nuquitedi bëdambuen ismec, quequin tantiec dacuëdenquio yec Nuquin Papa dayunquio tsadacbimbuec nuquitedi iquec.

Epeso 3:12 ပူးပေါင်းရင်းမြစ်များ

Uanën dada uaid 14:6

Adoaquien Esusën: Nuquin Papa yacno nidte tantiamequidquio nebi. Nuquin Papan Chiaiduidtsëqui chiec muesambo nebi. Adquid icnuc ubiuidtsëqui tantiash Nuquin Papa yacno tabadendac.

Doma 3:22

Aden ambi chuiquin dada uamiampicpadombuen nëbi abi tantiamequid Esuquidistu uidtsëqui tantiasho Nuquin Papan matses bëdambuen isec icsambuen naisabimbuecnuc. Isadaidbobëtambi matses utsibontsen Esus tantiasho adoendac.

Doma 5:2

Abi tantiaquido icsho nuquitedi cuidmenquio icnuec abided cuidadec Esuquidistu uënëspanëdash, quequin nuquitedi tantiec. Aid tantiashouidtsëqui Nuquin Papan bëdamboshë yacno abëdi nuqui tabadmendac, quec chieshtoenquio yec nuqui cuishonquec.

Codinto 2 3:4

Nuquin Papa bunacpadombuen Esuquidistun: Ubi chuibenneta, cac umbi chuibanac Esuquidistu tantiaquid mibitedi yanac, quequin abimbo tantiembi.

Epeso 2:18

Esuquidistunuidtsëqui nac: Nëid isadaidbo nec. Nëid isadaidpembo nec, quenquio icquin aton Mayambëd abentsëc yacbimbuecnuc tabadmiaido yec Nuquin Papa yacno puduedtequido nuqui nendac.

Ebedeo 10:35

Adquid icquin chieshtoenquio icquin: Nuquin Papa yacno tabadtequid nebi, quequin ënenquio icquin mibitedishun tantiata. Aden tantiaquid icsho Nuquin Papan abi yacnombo tabadmequin bedtequid bëdamboshëcquid mibi menetequid iquendac.

Ebedeo 3:6

Padnuen Esuquidistu Nuquin Papan Madombo nec. Adquid icquin aton Papan shubun icquido namequid nec. Aden aton shubun icquido dayun uacbimbuen nuqui dayun uaindac. Adoac aidën shubun icquidbimbuecquid nebi, queshun chieshtoenquio icquin Nuquin Papan chiacpadombuen nuqui naindac. Aden naquido icsho abi yacno nuqui tabadmendac, quiash cuishonquequin abi cainquido Esusën dayun uaindac.

Petedo 1 3:18

Chieshënquin natiamiaqui Esuquidistu mëyadquiec nuqui icsaid bedshunec abided cuidadec abentsequi uënëspondash. Aidi icsaisambo iquequi icsambuen naquido tantiec mëyadbudec uënëspondash: Ma Nuquin Papa yacno tabadtequido icpanu, quiash. Adec aton dada icsabudec uënësambi aton mayan uënësesambo icnuc aton dada uincuempanëdash.

Uan 1 2:28

Nëbi cun bacuëbobimbuecquido yec Esusbëd abentsëc yacbimbuec adequi bëdambuec tabadta, quequin mibi chiec nebi. Aden: Abi tantiaquido bedec Esuquidistu padpidec chonoc dacuëdmane, queshun chieshtoenquio icquin aid tantiata.

Uan 1 3:21

Tantia, cun utsibo, umbi tantiaido icsho mibi chuinu. Icsambuen nëbi nambo iccombi, quequin abimbo tantiaquid icquin dacuëdenquio icquin Nuquin Papa nuqui chiannendac.