Epeso 2:17 - El Nuevo Testamento en matsés

¹⁷ Ambi Nuquin Papa bëdambuen ismete Chiaid Bëda matses abitedi chuibennenuec Esuquidistu chopanëdash. Mibitedi Nuquin Papa tantiesabo yec uannombo icpondac. Padnuen ubitedi Nuquin Papa tantiaquido yec aton dayuntsëqui tabadacbimbuec icpondac. Adquido abitedi chuibannuec chopanëdash.

Epeso 2:17 ပူးပေါင်းရင်းမြစ်များ

Mateo 10:13

Adoac ambocquidon mibi bëdambuen isso Nuquin Papan bëdambo icmendac. Aidon mibi bëdambuen isenquiocshobic Nuquin Papan bëdambo icmenquio ictsiandac.

Ducas 15:8

Aden chuiboshombic utsitsen chiec Esus nadpanëdash: Aton piucquid tsasicquid 10ted icbuedi abentsëc paëdacsho issun tabote taboshon bescaquin chidon: Istuidnu, quequin ¿nibënenquioda icpec?

Ducas 2:14

Nuquin Papa abucquio tabadquid yec bëdamboshë iquec. Nuquin Papan bëdambuen isaido matses ma bëdambuec tabadpanuna, quec cuëdëmpanëdash.

Hechos 10:36

Isadaidbon tsiuecquidoba tantiamenuen Nuquin Papan Esus chomepanëdash. Esuquidistunuidtsëqui Abitedishun Icbombo icquin Nuquin Papa matses bëdambuen ismec, quequin tantiembi.

Hechos 2:39

Adembidi abi tantiasho issun mibitedibëta min bacuëbo menendac. Adembidi nidaidtedi yacnocquid Nuquin Icbo Nuquin Papa bunacpaden Esus tantiasho issun aton Mayan Bëdambocquid meneuaindac ambi chiampicpaden, quepanëdash Petedo.

Doma 10:14

¿Mitsipaden tantiesa icquin Nuquin Papa chiannepatsiash? ¿Mitsipaden Nuquin Papabëta Esus chuisho tantiabi icquin matsesën Esusbëta Nuquin Papa tantiabempatsiash? ¿Mitsi paden Nuquin Papan naidbëta Esusën naid chuibanabi yac matsesën tantiabempec?

Doma 5:1

Nuquin Icbo Esuquidistu uidtsëqui tantiasho Nuquin Papan nuqui bëdambuen isquin cuidenquio iquendac isaisabimbuecnuc. Adoaid yec nuqui bëdambuec tabadendac.

Codinto 2 5:20

Esuquidistun: Umbi naid chuibenneta, caido ubitedi nebi. Adquido icquin umbi chuibannubi Nuquin Papan: Aidon chiaid tantiata, caido icquin abi tantiaquid yanshun: Umbi icsambuen naid bedshunash Esuquidistu abided cuidadpanëdash, quequin Nuquin Papabëd tabadte bunquin mimbi icsambuen naid ënshun Esuquidistu tantiaquiota.

Epeso 4:21

Esuquidistun naid chuibansho mimbi tantiapanëdac. Aid tantiaquid nebi, quesho tantiashun Esuquidistu chuibanquidon abimbo tantiamequin chuibampanëdash. Aidën chiacpadec ma bëdambuec tabadnu, quequin mibi Esus chuipanëdash.