Epeso 2:16 - El Nuevo Testamento en matsés

¹⁶ Aden bëdambuen isnanmiaido yec isadaidbobëd isadaidpembo chieshënnantiapimbo iquec. Esuquidistu cueste napotiaidën dectanac uënëspanëdash, quequin tantiasho Nuquin Papan bëdambuen isendac. Adoac matses abentsëc yanacbimbuec bëdambuec tabadendac.

Epeso 2:16 ပူးပေါင်းရင်းမြစ်များ

Doma 5:10

Abi chieshënquido icsho issun nuqui cuidte bunenquio icquin Nuquin Papan aton Madoded cuidmepanëdash. Aden aton Madoded cuidmiash nëish bëdanshun abi tantiaquido bëdambo icmeshun abi yacno tabadmendac. Nëbi Nuquin Papan uincuenmenëdaid icquin Esusën nuquitedi cuidmenquio iquendac.

Doma 6:6

Ënden icsambuen naquido nuquitedi iccondac. Adquid icsho Esuquidistubëta cueste napotiaidën dectanacbimbuecquido nebi, quequin nuquitedi tantiec. Aden dectanquin nuquitedi icsambuen naidbëta icsambuen tantiaidtedi nibëdanmepanëdash. Adquid yec nëbi nuquitedi icsambo icmianquidën iua ictiapimpo iquec.

Doma 8:3

Moises dada uamiampidën chiacpadec matses bëdambuec tabadtiapimbo yec uidëmpentsëcquio icsho issun Nuquin Papan aton Mado matses uidëmpentsëcquiocquid yacbimbuecquid chomepanëdash. Adshumbic Nuquin Papan icsambuen naquido cuidenquio icnuen aton Madoded cuidmequin uënës uamepanëdash.

Doma 8:7

Icsambuen nate bunquidëmbien Nuquin Papan: Naden nata, quequin chiaid nate bunenquio icquin ambi icsambuen naiduidi tantiaquin Nuquin Papa chieshënquid nec.

Codinto 1 10:17

Esuquidistubëd abentsëc yacbimbuecquido nebi, quequin tantiaquin pete cuësh cuështsëcshun menebanac abentsëcshun piacbimbuen abi tantiec iccuededquidon pebededec.

Cadasia 2:20

Esusbëd uënësacbimbuen umbi icsambuen nabanaid ënondambi. Nëbi Esusbëd cuëshëdenquio yec bëdambuec tabadebi. Ubi tantiaquiec ubi cuidmenquio icnuec Nuquin Papan Mado abided cuidadec Esuquidistu uënëspanëdash, quequin tantiashoeni Aidëmbi nëbi bëdambuec tabadquid icmec.

Epeso 2:15

Nuquin Papan: Naden nata, quequin Moises chiampidtedi Esusën ënmiac namenquio icpanëdash. Adoshombic aidëmbidi isadaidbobëd isadaidpembo matses abentsëc yacbimbuecnuc tabadmequin chuca uacbimbuen icmepanëdash. Adoshombic Esuquidistun bëdambuen isnanmequin bëdambuen tabadmec.

Epeso 3:6

Ambi matses tantiamenquio icpampid nad iquec: Esusën naid ambi Chiaid Bëda chuibansho Nuquin Papan matses utsi utsien Esus tantiaquido icmec. Adoac aidobëd isadaidbo dada abentsëc yacbimbuec tabadsho issun ambi chiampicpadombuen bëdambuen isquin uënësacsho abëdi tabadmendac.

Epeso 4:4

Esuquidistu tantiaquidtedi abentsëc yacbimbuecquid nec. Abentsëcquiobi aton Mayan iquec. Adquiecbidi Nuquin Papan tantiamiaido icquin ambi matses abi yacno tabadmete nuqui cainaid abentsëcquiobi iquec.

Codosas 2:14

Naden icsambuen naquid cuidtequid nec, quequin chuiquin dada uaid ucacbimbuen Nuquin Papan namiacpadec nuquitedi bëdambuen ismenuec abitedishun icsambuen naid bedshunash abided cuidadec cueste napotiaidën dectanac Esuquidistu uënëspanëdash.

Codosas 3:15

Adec Esus tantiaquido yec Esuquidistubëd abentsëc yacbimbuecquid yanash ma abitedi bëdambuec tabadnu, queshun Nuquin Papan: Cun matses nec, quequin ambi tantiamiaido yec bëdambuec tabadta. Adec tabadquin: Mibi tantiaquido yec bëdamboshë iquebi, Papa, quequin Nuquin Papa chianneta.