Epeso 2:10 - El Nuevo Testamento en matsés

¹⁰ Nuquin Papan uaido nuqui nec. Adoshon Aidënquiobi nuquitedi Esus tantiaquido icmiac. Aden chucauaido yec bëdambuec tabadquin utsibo tantiaquin nashunquid nuquitedi nec. Nuquin Papa ëndenquimbo: Ma utsibo nashunnu. Esuquidistu tantiaquido icmendambi, quepampic.

Epeso 2:10 ပူးပေါင်းရင်းမြစ်များ

Mateo 5:16

Adacbimbuec ubi tantiesabobëd tabadquin: Ma Nuquin Papa abuc tabadquid tantianu, quequin aido ismec Nuquin Papan chiacpaden nabanec bëdambuec tabadta. Nuquin Papa bëdambo iquec, ma utsibotsen quenu, quiash adta, quequin Esusën chuipanëdash.

Uanën dada uaid 3:21

Nuquin Papan chiacpadec tabadquidombien ubi chieshënenquio iquendac. Adquidon Nuquin Papan namiacpadec bëdambuec tabadquin ismiac: Ma utsibon umbi bëdambuen naid tantiapanu, quiash ubi tantiate bunendac, quepanëdash Esus.

Hechos 9:31

Aden Saudo nidmian Esus tantiaquido nidaid Udea yacnocquido yec nidaid Cadidea caid yacnocquido yec nidaid Samadia caid yacnocquido yec quec dacuëdenquio yec tabadpanëdash. Adec tabadec: Nuquin Papan Chiaid tantiabennu, quesho Nuquin Papan Mayan Bëdan tantiamiac bëdambuec tabadpanëdash. Adec tabadquin Esus chuibansho tantiash tantiesa icbuedi Esus tantiaquid dadpenquio yampanëdash.

Hechos 9:36

Adnubien Dida caid udictsëc shubu dadpen icquid Ope caid yacnocquid Esus tantiaquid chido Tabita cuënshumbic quidiecon onqueten Dodcas cain cuënaid icpanëdash. Aidëmbi atona nibëdquido nashundednequimbi pete nibëdquido menedednepanëdash.

Doma 8:1

Nëbi Esuquidistubëd abentsëc yacbimbuec tabadquid icsho Nuquin Papan nuqui cuidenquio iquendac.

Doma 8:29

Ëndenquimboshë Nuquin Papa aido tantiec nadpampic: Nëido Cun Madobimbuecquid icmeshun aidon buchi bëyucquidbimbuecquid Cun Madombo icmendambi. Adshumbic aidën utsibobimbuecquid tsiuec dadpenquio icmendambi.

Codinto 1 3:9

Nuquin Papa nashunquid icquin Esuquidistu chuibennequid Apodobëd nebi. Adquid icnubi umbi tied dëdshun nitsinaidbimbuecquido mibitedi nec. Adecbidi Nuquin Papana umbi shubu uaidbimbuecquidbidi mibitedi neuaic.

Codinto 2 5:17

Adquid icnuc Esuquidistubëd abentsëc yacbimbuec tabadquid yanash matses utsibimbuec chucambo yanec. Ënden Esus tantiesabon tantiacpaden ambibi tantiaquin icsambuen nabuedi Esuquidistun tantiamiac aid tantiaquid yanash bëdambuec tabadcuenec.

Codinto 2 5:5

Ubipadquid icmequin uënësesa icmendambi, quequin tantiaquin Nuquin Papan aton Mayan meniaido nuqui nec.

Codinto 2 9:8

Utsibo atona menete bunquioquin ambi tantiacted menesho issun Nuquin Papan atona uesadmenquio icquin uditsëc icmeshunendac: Ma utsi utsien nashunquin menebannu, queshun.

Cadasia 6:15

Shui dëbid dëtemiaidobëta shui dëbid dëtemiacmaido Nuquin Papan bëdambuen istiapimbo iquec. Abi tantiasho Esusën chuca uaidien Nuquin Papan bëdambuen isendac.

Epeso 1:1

Pabado nebi. Nuquin Papa bunacpadombuen Esuquidistun: Ubi chuibenneta, caidquio nebi. Adquid icquin Nuquin Papa tantiaquido icsho: Mibitedi tantiembi, quequin chuiquin dada uaic nebi. Epeso yacnocquido Esus tantiaquido yec mibitedi Esuquidistubëd abentsëc yacbimbuec tabadquido nec.

Epeso 1:4

Ëndenquimbo abitedi uabi yequi Nuquin Papa nadpampic nuquitedi caic: Nëidtedquio Esuquidistu tantiaquido icsho Umbi: Cun matses nec, caido icsho icsambuen naisabimbuecnuc bëdambuen isendambi, quequin Nuquin Papan tantiapampic. Aden nuquitedi tantiaquioquin

Epeso 2:13

Ënden Nuquin Papa tantiesa yec uannombo mibitedi tabadpondac. Adbuedi nëbi Esuquidistu aton intac chididiquec abided cuidadec uënësaid tantiaquid yec aidbëd abentsëc yacbimbuec tabadquid yanash Nuquin Papabëd tabadtequido mibitedi nendac.

Epeso 2:15

Nuquin Papan: Naden nata, quequin Moises chiampidtedi Esusën ënmiac namenquio icpanëdash. Adoshombic aidëmbidi isadaidbobëd isadaidpembo matses abentsëc yacbimbuecnuc tabadmequin chuca uacbimbuen icmepanëdash. Adoshombic Esuquidistun bëdambuen isnanmequin bëdambuen tabadmec.

Epeso 2:2

Adquid icquin Nuquin Papa tantiesabon nacpadombuen mimbi icsambuen nabampondac. Adombuembidi podobitsi icsabon chuiquid tapa Mayan Icsa Satanas bunacpadombuen nabampondac. Aidëmbi Nuquin Papan Chiaid niacmequin icsambuen nate matses bunmec.

Epeso 2:6

Nuquitedi Esuquidistubëd abentsëc yacbimbuec tabadquido nec. Nuquin Papan Esuquidistubëta uincuemiacbimbuen ambi tantiamiaido yec abuc Nuquin Papa yacno Esuquidistun dayun tsadunacbimbuecquido nuquitedi nendac.

Epeso 4:1

Nuquin Icbo Esuquidistu chuibennesho bedshun quënën tsadunaid icquin naden mibitedi chuinu. Nuquin Papan tantiamiaido yec bëdambuec tabadquid nec, quequin chiacpadquid mibi neque. Bëdambuec tabadta.

Epeso 4:24

Aden chuca uaquin bëdambuec tabadte tantiamiaido yec Nuquin Papan abibimbuecnuc uaido yec aid bunacpadec bëdambuec tabadquid icta.

Pidipos 1:6

Nuquin Papan tantiamiac mimbi Esus tantiabenondac. Aden abi tantiasho mibitedi bëdambuec tabadmec. Adoac Esuquidistu nidaidën padpidec choacnobi cuësquec bëdambuec tabadquidquio yanendac.

Pidipos 2:13

Nuquin Papan: Ma bëdambuec tabadnu, quequin ambi tantiacpaden bëdambuec tabadte bunmequin mibitedi bëdambuen namendac.

Codosas 1:10

Aden Nuquin Papan abi bunacpaden nate mibi tantiamiac mibitedi utsibobëd nashunnanec bëdambuec tabadendac. Adshun: Nadquio Nuquin Papa iquec, quequin bëdiactsëc tantiabuedi canidoacbimbuen bëdambuen tantiaquidquio yanendac. Adsho isash: Bëdambo iquebi, quendac Nuquin Icbo Esus.

Codosas 3:10

Adoacsho dashcute chuca dasiuinacbimbuen chuca uaido mibitedi nec. Mibi uaquidquio Nuquin Papabimbuec yanquin aid mimbi bëdambuen tantiaquiendac.

Tesadonica 2 2:17

Adquid icsho naden chiannembi: Aido chieshtomenquio icquin Esus tantiamequin bëdambuec tabadquid icme. Adembidi bëdambuec chuinanquid icmequin nashunnanquid icmeta, Papa, quequin Nuquin Papa chiannembi mibitedi tantiaquin.

Timoteo 1 2:10

Mabi bëdapactsëcquio iquec, quequin isnu, quequin tantienquio yec: Nuquin Papa tantiaquidquio nebi, quec utsibo nashumbanec bëdambuec tabadta.

Timoteo 1 5:10

Matses nashunquidquio nec, utsibon cadenned. Aton bacuë bëdambuen caniuadenned. Isedanquido aton shubu yacno chosho bëdambuen isquin nashundenned. Esus tantiaquido tantiaquin acten tapandenned. Matses daicsabudaidbëta nënquido natiamiaido nashundenned. Adec bëdambuec tabadtenned icsho issun: Ma Esus tantiaquidon nashunnu, cata.

Timoteo 1 5:25

Utsimbien bëdambuen nabanquin ismiac: Bëdambo icquid nec, badedi catsiash aton matsesën. Utsimbic ismenquio icquin bëdambuen nabansho: Bëdambo icquid nec, quequin badedquio tantienquio icquimbi iuecshun chuisho adembidi tantiatsiash. Ubi adsho tantiashun: Nuquin Papan Chiaid chuibanquid icta, badedquio cainda.

Timoteo 1 6:18

Aidbidi chuiquin: Bëdambuec tabadquin utsibo nashumbanquiota. Adembidi cudasenquio icquin mitsana utsibo menianneta.

Timoteo 2 2:21

Adquid icnuc Esus tantiaquidquio icte bunebique. Nëbi muaquin chuisho tantiatiapimbo icquin Nuquin Icbon chiacpadombuen naimbi, quiash Nuquin Icbon iuambo yantsiash shocosh bëdambocquid yacbimbuec. Adsho Nuquin Icbon bëdambuen nametsiash.

Timoteo 2 3:17

Nuquin Papan: Ma umbi namiaidon umbi chiaidquio isban isbanquin Esus tantiaquin matses nashunec ma bëdambuen naic tabadnu, quequin Ambi Chiaidquio dada uamepampic.

Tito 2:14

Nuqui cainaid nuqui icsambuen naidtedi bedshunec abided cuidadec Esus uënëspanëdash. Adec uënësaid tantiaquid yansho: Cun matses caido yec bëdambuec tabadquid nendac, quequin chiaid tantiameta, Tito.

Tito 2:7

Bëdambuec tabadquin tantiamequin ismenu, quiash bëdambuec tabadta. Adembidi icsainquio yec bëdambuec tabadquin ismeta. Adembidi mamënshunmenquio icquin bëdambuen chuiquin tantiameta.

Tito 3:1

Esuquidistu tantiaquido ma bëshunenquio icnu, quequin naden chuibanta, Tito. Min nidaidën icquid min chuiquid tapan chiaid naquimbi adembidi min chuiquid utsibon chiaid chieshenquio icquin bëdambuen nabanta. Adembidi utsibo tantiaquin bëdambuen nashunta, quequin chuibanta.

Tito 3:14

Adec nashunnanec nuquitedi bëdambuec tabadquin ismiac adecbidi utsibo nashunnanec tabadec Esuquidistu tantiaquid yanendac, quequin chuibanta.

Tito 3:8

Umbi: Aden chuita, quequin chiaidtedi abimbo chiaid nec, Tito. Aid tantiaquin ënenquio icquin chuibanta. Nuquin Papa tantiaquido yec ma bëdambuen nabanec tabadnu, quequin umbi chiacpadombuen Nuquin Papa tantiaquidtedishun nac bëdambo ictsiash, queshun chuibanta.

Ebedeo 10:24

Aden tantiec abi tantiaquid utsibobëd tantiananquiec bëdambuec tabadec nashunnannuna.

Ebedeo 13:21

Aden abi tantiaquido icsho Esusën nëish iua obeca dayun uacbimbuen dayun uaquin Nuquin Papan ambi tantiacpadombuen bëdamboshëcquiduidquio icmendac. Adoac Nuquin Papa bunacpadombuen ma napanuna. Adembidi abi bunacpadombuen ma icmepanuna, queshun Esuquidistunuidtsëqui nac. Esuquidistu bëdamboshëcquidquio yec nibëdantiapimbocquid nec, quequin ënenquio icquin chiannenuna. Amen.

Petedo 1 2:12

Nuquin Papa tantiesabobëd bëdambuec tabadta. Ma aidontsen: Tantiabennu, quiash adta. Adec mibitedi bëdambuec tabadsho issun mibi chieshënquin icsambuen chuishumbuedombi Nuquin Papa tantiabenshun naden chiendac: Papa, Mimbi tantiamiaido bëdambuec tabadsho issun mibi tantiabenombi, quequin Nuquin Papan matses abitedi chuimequin cuidte uëshëmbi aden chiendac.

Uan 1 1:7

Nuquin Papan chiacpadombuen nabanquid yec Esus tantiaquid utsibobëd abentsëc yacbimbuec tabadquid nuquitedi nendac. Adquid nuqui icmenuec nuqui icsambuen naidtedi bedshunec abided cuidadec Nuquin Papan Mado Esuquidistu uënëspondash. Adec intac mëyanec uënësondaidënquio nuqui icsambuen naidtedi uqendac. Nuqui icsambuen nabued tantienquio yec bëshunendac.

Uan 1 2:6

Aden: Nuquin Papa tantiaquiec aidbëd abentsëc yacbimbuec tabadquid nebi, quequin tantiec Esuquidistu tabadondacpadquiec tabadquid nendac.