Epeso 1:7 - El Nuevo Testamento en matsés

⁷ Matses bëdambuen iste bunquidquio icquin Nuquin Papan namiac Esuquidistu aton intac chididiquec uënësaidën nuquitedi icsambuen naid bedshunquin nuqui icsambuen naid tantienquiocnoc Nuquin Papa bëshunmendac.

Epeso 1:7 ပူးပေါင်းရင်းမြစ်များ

Mateo 20:28

Adecbidi Matsesën Tishaid icsho mabi matsesën nashunnu, quecpenquio chondabi. Adenquio icquin matses nashunquin Nuquin Papa icsambuen naquidobi cuidmenquio icnuec ubided cuidadec uënësendabi, quequin Esusën ubitedi chuipondash.

Mateo 26:28

Aid actequid acshobien Esusën: Nëid cun intacbimbuecquid acquin: Ubi cuidmenquiocnoen Esusded Nuquin Papan cuidmiac aton intac siquebudpambuec uënësposh. Adsho issun Esus tantiaquid icsho Nuquin Papan aid matses icsaid tantienquio yec bëshunquin cuidenquio iquendac, quequin tantiata, quepondash Esus.

Mateo 6:12

Ubi chieshënquidon naid tantienquio yec ubi bëshunacpadecbidi umbi icsambuen nabued tantienquio yec bëshunta, Papa.

Madcos 14:24

Aid actequid acshobien: Nëid cun intacbimbuecquid nec. Aid acquin: Ubi cuidmenquio icnuen Nuquin Papan abided cuidmiac aton intac siquebudpambuec uënëspanëdash. Adec uënësaid tantiaquid icsho Nuquin Papan ubi cuidenquio iquec, quequin nëid acquin ubi tantiata.

Ducas 1:77

Adquid icquin nuquin matses chiec: Mibi cuidenquio yec mimbi icsambuen naid tantienquio yec bëshunshun bëdambuen isquin Nuquin Papan mibi abëdi tabadmendac, quequin chuibanquid mibi iquendac, mado.

Ducas 24:47

Nadembidi chiampid iquec: Nuquin Papa tantiabenquin mimbi icsambuen naid ënsho isash: Icsambocquid nec, quequin tantienquio yec mimbi icsambuen naid Nuquin Papa bëshunendac, quequin Edusaden yacnoshomba ubi tantiaquidon ubi chuibanendac. Aden chuibanshumbic nidaid utsi utsiec yacno nidshun adombuembidi chuibanuaindac.

Uanën dada uaid 20:23

Adquid icnuc mimbi: Nuquin Papa mimbi icsambuen naid tantienquio yec bëshunac, cacpadequi Nuquin Papa aidën icsambuen naid tantienquio yec bëshunendac. Utsi chuiquin mimbi: Nuquin Papa mimbi icsambuen naid tantienquio yec bëshunenquio iquec, cacpadequi Nuquin Papa aidën icsambuen naid bëshunenquio iquendac, quepondash Esus.

Hechos 10:43

Adembidi Nuquin Papan oncamiaidon Esus tantiaquin: Nuquin Papan Chomiaid Quidistu Mesias iquendac, quequin chuiquin dada uapampic. Aden chiampid icnuc aid tantiashouidtsëqui ambi icsambuen naid tantienquio yec Nuquin Papa bëshunendac, quequin chiampid iquec, quepanëdash Petedo Codnedion shubun iccuededquido tantiamequin chiec.

Hechos 2:38

Adoaquien Petedon: Mimbi icsambuen naid ënshun: Esus cun Icbombo nec, quequin abimbo tantiaquin acten mentometa: Ma umbi icsambuen naid tantienquio yec Nuquin Papa bëshunnu, queshun. Adoacsho aton Mayan Bëda mibi menendac.

Hechos 20:28

Nëbi nidebique. Ubi nidan chieshtoenquio icquin Esus tantiec bëdambuec tabadta. Adembidi mimbi chuibanaido Esus tantiaquido chuiquin: Chieshtoenda. Esus tantiec bëdambuec tabadta, cadednequin bëdambuen chuibanta. Nuquin Papan Mayan Bëdan aido chuibanquid mibitedi icmioshe. Adota. Aido Nuquin Papa yacno tabadmenuec Esuquidistu abided cuidadec intac mëyanec uënëspanëdash.

Hechos 3:19

Nëbi mimbi icsambuen naid ënshun Nuquin Papa tantiata. Ma mimbi icsambuen naidtedi tantienquio yec bëshumpanu.

Doma 2:4

Ambi uaido matses abitedishun icsambuen nasho isash uënësquio icquin aido bëdambuen iste bunquin icsambuen naquidobi Nuquin Papan baded cuidenquio iquec. Icsambuen nabuedi nëbi Nuquin Papa tantiate bunec: Ambi chiacpadec bëdambuec tabadte bunebi, quequin ma ambi icsambuen naid ënshun ubi tantiabennu, queshun Nuquin Papan matses baded cuidenquio iquec. Adquid icshobi Nuquin Papa tantiate bunenquio mibi iquec.

Doma 3:24

Adquid bëdambuen istiapimbo icbuedëmbi Nuquin Papan: Ubi piucquid mene, quenquio icquin nëbi nuquitedi icsambuen naid bedshunec abided cuidadaid Esuquidistu tantiasho bëdambuen isec icsambuen naisabimbuecnuc.

Doma 3:25

Nuquin Papan namiac Esuquidistu intac mëyanec uënësaid Esus tantiasho Nuquin Papan nuqui icsambuen naondaidtedi tantienquio yec bëshunquin nuquitedi bëdambuen isquin cuidenquio iquendac.

Doma 9:23

Nuquin Papan matses bëdambuen iste bunquin icsaisambo yec bëdamboshëcquid icquin nuqui tantiamete bunec. Nuquin Papa nuqui tantiec uënësquiocquid icquin ambi ëndenquimbo nacnenampicno bëdamboshë yacno tabadmendac.

Codinto 1 1:30

Adquid icnuc Nuquin Papanuidtsëqui tantiamiac mibitedi Esuquidistubëd abentsëc yacbimbuec tabadquido nec. Adembidi aidëmbi nuquitedi bëdambuenshë tantiaquid icmequin abimbo chuiquid icmec. Adoshon icsambuen naisabimbuecnuc Esusën Nuquin Papa nuqui bëdambuen ismec. Adoaid yec Esuquidistubëd bëdambocquid icsho cuidenquio ictequid Nuquin Papa yacno tabadtequido nuqui nendac. Esus abided cuidadaid icnuc Nuquin Papan nuqui cuidenquio iquendac,

Codinto 2 8:9

Nuquin Icbo Esuquidistu abuc tabadec abitedishun Icbombo icbuedi nuquitsen abuc abëdi tabadmenuec matsesash nidaidën tabadnuc atona nibëdpanëdash, quequin mibitedishun tantiec.

Epeso 1:14

Aden aton Mayan meniaid icquin: Abëdi tabadmequin nuquitedi bëdamboshëcquido icmendac, quequin nuqui tantiec. Adoshon icsambuen namete nibëdacno abëd tabadmequin Nuquin Papan ambi cun matses caido icsho nuquitedi aton Mayan menendac. Aden tantiec: Nuquin Papa nadatiambocquid yec bëdamboshëcquid nec, quequin aid tantiec ma abitedi cuëdëmpanuna.

Epeso 1:18

Nadembidi mibitedi tantiaquin Nuquin Papa chiannembi. Mimbi bëdambuen tantiamiac: Ma mibëd tabadte bunquin cainquidombo ma icpanuna. Adash: Nuquin Papa tantiaquido utsibobëd bëdamboshë yacno tabadendabi, quequin ma tantiapanuna, quequin chiannembi.

Epeso 1:6

Aden tantianquid icquin: Ma ubi ënenquio icquin: Bëdambocquid nec, canu, queshun Nuquin Papan aton Mado ambi tantiaidquio Esuquidistu nuquitedi tantiamiac. Adoac Esus tantiaquido yec nuqui abëd tabadtequido nec.

Epeso 1:8

Adomiac Nuquin Papan nuquitedi bëdambuen isquin ambi bëdambuen tantiaid tantiamequin utsi dadpen bëdambuen tantiamendac.

Epeso 2:4

Aden cuidembi, quebuedëmbi nuqui cuidte bunenquio icquin Nuquin Papan nuquitedi tantiaquiec.

Epeso 2:7

Iuecshun utsibon Nuquin Papan aden naid icsho issun: Nuquin Papa bëdambocquid yec matses tantiaquidquio icquin Esuquidistu tantiasho bëdambuen isec, ma capanuna.

Epeso 3:16

Nuquin Papa nadatiambocquin naquidquio icsho naden mibitedi tantiaquin chiannembi: Min Mayan Esus tantiaquidobëd icmequin chieshtoenquio icquido icme.

Epeso 3:8

Nuquin Papa tantiaquido utsibo bëdambocquid icnubi aidopadquidpenquio nebi. Adquid icshobini Nuquin Papan isadaidpembo Esus chuibennequid icmepondash. Esusën matses bëdamboshë icmete matsesën: Nadquio iquec, catiapimbo ictequidbidi chuibennequid icmiondashi.

Pidipos 4:19

Adquid icsho Nuquin Papa umbi tantiaidën mitsana nibëdsho mibi icmeshunendac. Atona abitedimbo icnuc Esuquidistu uidtsëqui tantiaquid icsho aden mibi icmeshunquin bëdambo icmendac.

Codosas 1:14

Nuqui icsambuen naid Nuquin Papa bëshunmenuec aton Mado abided cuidadec uënëspanëdash.

Codosas 1:27

Aden Nuquin Papan ambi matses tantiamenquio icpampidi bëdamboshëcquid Esuquidistu Isadaidpembo tantiamebempanëdash. Adoac Esuquidistu tantiaquido yansho issun Nuquin Papan cun matses caido yec bëdamboshëcquid yacno aidbëd tabadtequid nebi, quequin tantiaquin cainec tabadendac.

Codosas 2:13

Ënden Nuquin Papan matsespenquio icquin icsambuen naic tabadec uënësacbimbuec mibitedi icpanëdac. Adquid icquin Nuquin Papan ënden: Naden nata, quequin chiaid tantienquio icquin niacquido mibitedi icpanëdac. Adquid icbuedi Esuquidistu tantiaquid yansho issun: Ubëd tabadtequid nec, queshun mimbi icsambuen naidtedi tantienquio yec bëshunquin Nuquin Papan mibitedi bëdambuen isendac.

Codosas 2:2

Ma ënenquio icquin Esuquidistu tantiaquidombo yampanu, queshun dayacquiocquin chiannec nebi. Abentsëc yacbimbuec tantiananquido ma yampanu, queshun adembidi chiannembi. Adquido yanshun ma bëdambuen tantiapanu. Adembidi: Ëndenquimbo Nuquin Papan matses tantiamenquio icpampidi Esuquidistu nec, quequin ma tantianu.

Timoteo 1 2:6

Aidi abi tantiaquid cuidmenquio icnuec abided cuidadec uënëspanëdash. Aden Nuquin Papan ambi tantiacpadënquio Esus chomepanëdash. Matses abitedi cuidenquio icquin bëdambuen iste bunquin Abëd tabadmequid Nuquin Papa nec, matses camenuen Esus uënësmepanëdash.

Tito 2:14

Nuqui cainaid nuqui icsambuen naidtedi bedshunec abided cuidadec Esus uënëspanëdash. Adec uënësaid tantiaquid yansho: Cun matses caido yec bëdambuec tabadquid nendac, quequin chiaid tantiameta, Tito.

Tito 3:6

Aden abi bëdambuen ismequid Esuquidistu uidtsëqui tantiasho Nuquin Papan cudasenquio icquin aton Mayan Bëda meniaidombo nuqui nec.

Ebedeo 9:22

Cuessunniaidën intac daseccatequid nec. Nuquin Papana icsa uaid bëdambo icmenuen dadpen intaquën daseccabantequid nendac. Adecbidi cuessunniaidën intac chiuidenquiocnoc matsesën icsambuen naid tantienquio yec Nuquin Papa bëshunenquio iquendac.

Petedo 1 2:24

Esuquidistu nuqui icsaid bedshunash abided cuidadec cueste napotiaidën diadec uënëspondash. Nuquitedi icsaquido icbuedi ma icsaid ënash bëdambuec tabadnu, quiash uënëspondash. Adecbidi abi tantiaquido bëdambuen isnuec Esuquidistu mëyamëdpondash.

Petedo 1 3:18

Chieshënquin natiamiaqui Esuquidistu mëyadquiec nuqui icsaid bedshunec abided cuidadec abentsequi uënëspondash. Aidi icsaisambo iquequi icsambuen naquido tantiec mëyadbudec uënëspondash: Ma Nuquin Papa yacno tabadtequido icpanu, quiash. Adec aton dada icsabudec uënësambi aton mayan uënësesambo icnuc aton dada uincuempanëdash.

Uan 1 2:12

Tantia. Cun bacuëbobimbuecquido icsho mibitedi chuiquin dada uanu. Esuquidistu abided cuidadec uënësaid tantiaquid icsho isash mimbi icsambuen naid tantienquio yec Nuquin Papa bëshunac.

Uan 1 2:2

Matsesën icsambuen naid tantienquio yec bëshunquin ma Nuquin Papan cuidenquio icnu, quiash matses abitedishun icsambuen naid bedshunec abided cuidadec Esuquidistu uënëspondash.

Uan 1 4:10

Matses tantianquidquio nadquid nec. Nuquin Papa tantiaquid nebi, quequidpenquio nec. Nuquin Papambien nuqui tantiaquioquin: Matsesën icsambuen naidtedi tantienquio yec bëshunquin cuidenquio icnu, quequin aton Mado chomiac matsesën icsambuen naidtedi bedshunash abided cuidadec Esus uënëspondash.

Esusën Uan ismiaid 14:4

Aido nidaidën tabadec: Icsamane, queshun utsibon papa canun nacnenaid tantienquiocquido neposh. Adembidi utsibon Obecabimbuecquid tantiatiapimbo icnubi aid tantiaquidombo icnëdaid neposh. Adquid icquin Obecabimbuecquid ënenquio icquin abi nidacsho tsibanquin tantiaquidombo neposh. Adnëdaid icquin nëish iua pichicaquin ismiacbimbuen Nuquin Papabëta Obecabimbuecquid cuishoncamequioposh.

Esusën Uan ismiaid 5:9

Adashic nadec cuëdënte chucan cuëdëncuededposh: Mimbiuidtsëqui Nuquin Papan sananaid dada uaid bedshun bitaccaid chicquin isbanquin Nuquin Papan chiacpadombuen namendac. Nuquin Papan chiacpadec matses cuidmenquio icnuec mibided cuidadec intac chididiquenuc uënës uaondaid mibi nec. Nëbi icsambo icbuedombi abi icsaid bedshunquid tantiasho Nuquin Papan bëdambuen isendac nëidtedi: Nëidic matses utsibo dadpenquio. Nëidic onquete utsin utsinquiec onquequido. Nëidic shubu daëdpactsëcquido utsi utsiec yacnocquido. Nëidic nidaid utsi utsiec yacno tabadquido. Aidtedishun abi tantiasho Nuquin Papan bëdambuen isendac.