Epeso 1:5 - El Nuevo Testamento en matsés

⁵ abi bunacpadombuen Nuquin Papan Esuquidistu uidtsëqui tantiaquido icsho ambi chiampicpadombuen nuquitedi: Cun bacuëbo icmendambi, abi quiampicpadombuen nëbi adobanec.

Epeso 1:5 ပူးပေါင်းရင်းမြစ်များ

Mateo 1:25

Aden buanshun Osen chudabi Madian aton bacuë tishpanëdash. Tishacsho Esus cuëmpanëdash.

Mateo 11:26

Aden mibi bunacpadombuen mimbi bëdambuen naic. Adquid yec mibi bëdamboshë iquec, Papa, quequin chuipondash Esusën.

Ducas 10:21

Aden chuibanashic Nuquin Papan Mayan Bëdan tantiamiacpadec cuishonquec Esus nadpanëdash: Mibi bëdamboshë iquec, Papa. Mibi abuc icquidtedishun Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi cumapenen tantiaquid nebi, quequidombi tantienquio iquec. Bacuën daëdpactsëc tantiacbimbuen tantiaquid icshobi mimbi utsibo tantiamiabi yaid tantiamioc. Aden mibi bunacpadombuen naic mibi bëdamboshë iquec, Papa, quepanëdash Esus.

Ducas 11:32

Padnuen Nuquin Papan Chiaid Onasën chuibanac shubu dadpen icquid Ninibe yacnocquido badedi icsainquio yec ënëdquin Nuquin Papa tantiabempampic. Nuquin Papan Chiaid chuibanquid yec Onas bëdambo icpampic. Ubien aid udictsëcquid yec nadatiamboquidquio nec. Adquid icquin chuibanquin dadpen ismiaqui mimbi ubi tantienquio iquec. Aden ubi tantienquio icquido icsho Nuquin Papan abitedimbo cuidte uëshëmbi Ninibe yacnocquidon: Icsambocquido neque. Cuid, mibitedi caindac, quepanëdash Esus.

Ducas 12:32

Mibitedi cun obecabimbuecquido nec. Adquido yec daëdpactsëc icshobi Nuquin Papan ambi namiacno tabadmete buneque. Dacuëdenda, caimbi.

Uanën dada uaid 1:12

Adquid icnubien utsibon: Nuquin Papan Madombo nec, quequin aid tantiabenquid icsho Nuquin Papan: Cun mado nec. Cun champi nec, capanëdash.

Uanën dada uaid 11:52

Aden Caipasën chuinëdaid tantiaquin umbitsen chuinu. Tantia. ¿Isadaidbouidtsëqui cuidmenquio icnuecta Esus abided cuidadec uënëstiondash? Padenquio. Matses utsibontsen abi tantiaquido yansho Nuquin Papan: Cun mado nec. Cun champi nec, caido icsho abëdi tabadmenuec Esus abided cuidadec uënëspondash, quequin tantiembi.

Uanën dada uaid 20:17

Aden abi chuiquin dayunshobien Esusën: Ubi dayunenda. Umbi chuibocpadec Cun Pa yacno nidabi iccobique. Ubëd icbued umbi cun utsi cabuedo umbi chuibuedquio chiec nid. Mibitedishun Nuquin Papa cabued Cun Pabidi nec. Adquid icnuc aid yacno nidendabi, quiosh, quequin chuita, quepanëdash Esus.

Hechos 13:48

Adsho tantiash isadaidpembo: Nuquin Papan Chiaid bëdamboshë iquec, quec cuishonquecuededpanëdash. Adshobien Nuquin Papan: Ubëdi ënëdenquio yec tabadmendambi, quequin ambi tantiamiactedi Esus tantiaquid yampanëdash.

Doma 8:23

Adembidi nuquitedi natiamiac natiec tabadquid icshobi: Nëid Cun Mayambëd tabadquid nec, queshun Nuquin Papan bëdambuen isquin: Cun madobëd cun champi nec, queshun ambi tantiaid uëshën Nuquin Papan ubi uënëstiapimbo icquid icmendac, quequin tantiaquin natiamiaqui chieshtoenquio icquin nuquin dada chuca uate nuqui cainec.

Codinto 1 1:1

Pabado nebi. Nuquin Papa bunacpadombuen Esuquidistun: Ubi chuibennequid icta, quequin tantiamiaidquio nebi. Esus tantiaquid icsho nuqui cun utsi caid Sostenes ubëd iquec.

Codinto 1 1:21

Aden tantiesa icquin cumapenen tantiaquidon ambi tantiaiduidi chiaid tantiash: Nuquin Papa cumapenen tantiaquid nec, quetiapimbo matses iquec. Adecbidi: Esusën naidquio chuibanac tantiadenquio icnuc ambembi chiec nec, quepec. Adquidon tantiatiapimbo icnubi ubipadquidon Esuquidistu chuibanac abi tantiaquid yansho Nuquin Papan bëdambuen isaido yec abi yacno puduedtequido nendac.

Codinto 2 6:18

Mibitedishun Papa caid nendabi. Adquid icquin: Mibitedi umbi: Cun mado nec. Cun champi nec, caido iquendac, quec Nuquin Papa nadatiambocquid, quequin chuiquin dada uapampic.

Cadasia 3:26

Aden Esuquidistu tantiaquido yec mibitedi Nuquin Papan bacuëbo nec.

Epeso 1:11

Nuquin Papa ambi tantiampicpadombuen naquidquio nec. Ëndenquimbo abitedi uabi yequi Nuquin Papa nadpampic: Umbi tantiaidtedishun Esuquidistu tantiaquid icsho: Ubëdi tabadmenuen: Cun matses nec, caindambi, quepampic.

Epeso 1:9

Aden Nuquin Papan ambi matses tantiamenquio icpampidi nëbi nuqui tantiamec. Abi bunacpadombuen abi matses bëdambuen ismequid Esuquidistu nuqui tantiamiac.

Pidipos 2:13

Nuquin Papan: Ma bëdambuec tabadnu, quequin ambi tantiacpaden bëdambuec tabadte bunmequin mibitedi bëdambuen namendac.

Codosas 1:19

Adoac Nuquin Papapadquidquiobidi yec nadatiamboshëcquid nec.

Tesadonica 2 1:11

Aidobëtambi Esus isembi, quequin mibitedi tantiaquin Nuquin Papa ënenquio icquin naden chiannembi: Mimbi Esus tantiamiaido neque. Bëdambuec tabadmeta, Papa. Aido: Esus tantiec mimbi chiacpadombuen natiadquio iquebi, quequin mibi chuisho ambi chiacpadombuen nameta. Nadatiambocquin naquidquio mibi neque. Adota, Papa.

Ebedeo 2:4

Aden chuibanaid abimbo iquec, camequin Nuquin Papan matsesën natiapimbo ictequid ismiantequid ismequimbi nadatiambocquin nabanquin nënquido bëdanmequin tantiamepanëdash. Adoshombic aton Mayan Bëda abi tantiaquido menequin abi bunacpaden ubitedi namepondash.

Uan 1 3:1

Tantia. Chuinu. Abi tantiaquido icsho nuqui tantiaquioquin Nuquin Papan: Cun bacuëbo nec, caidombo nuqui nendac. Adoaido icquin: Adquid nebi, quequin nuqui tantiec. Adquid icsho Nuquin Papa tantiesabon nuqui tantienquio iquendac.

Esusën Uan ismiaid 21:7

Mayan Icsa Satanasën: Icsambuen namenu, caqui chieshtoenquio icquin ubi tantiaquido icsho Aton Icbo icquin: Cun mado nec. Cun champi nec, queshun bëdamboshë yacno ënëdenquio yec ubëdi tabadmendambi.