Epeso 1:3 - El Nuevo Testamento en matsés

³ Nuquin Icbo Esuquidistun Papa Nuquin Papa bëdamboshëcquid nec. Adquid icquin Esus tantiaquid icsho abëd abuc bëdambuec tabadacpadquidquio nuquitedi icmiac, quequin: Nuquin Papa bëdambocquid nec, canuna.

Epeso 1:3 ပူးပေါင်းရင်းမြစ်များ

Ducas 2:28

Aden bësho issun Simeonën bedshun icucquin: Mibi bëdambo iquec, Papa, quequin Nuquin Papa naden chuipanëdash:

Uanën dada uaid 14:20

Ubi uincuenaid uëshëmbi mimbi naden tantiendac: Aton Papabëd abentsëc yacbimbuec tabadec, quequin ubi mimbi tantiendac. Adembidi: Esusbëd abentsëc yacbimbuec tabadebi, quequin mibitedishun tantiendac.

Uanën dada uaid 17:21

Mibëd ubi tëshnanenquio yacpadecbidi nuquibëd tëshnanenquio icquid aido icmeta, Papa. Adoac tantiananec abentsëc yacbimbuec tabadsho issun nuqui tantiesabon: Abimbuen cachitec. Nuquin Papan Chomiaidquien Esus nepanëdash, quequin tantiendac, Papa.

Uanën dada uaid 20:17

Aden abi chuiquin dayunshobien Esusën: Ubi dayunenda. Umbi chuibocpadec Cun Pa yacno nidabi iccobique. Ubëd icbued umbi cun utsi cabuedo umbi chuibuedquio chiec nid. Mibitedishun Nuquin Papa cabued Cun Pabidi nec. Adquid icnuc aid yacno nidendabi, quiosh, quequin chuita, quepanëdash Esus.

Doma 12:5

Adecbidi nuquitedi dadpenquio icquid iquequi Esuquidistun dada yacbimbuec abi tantiaquidtedi iquec. Adash abentsëc yacbimbuec utsibobëd tsidadash tabadec dada abentsëcbimbuec iquec.

Doma 15:6

Mimbi adoac aidtedishun: Nuquin Papa, Nuquin Icbo Esuquidistun Papa mibi nec. Mibi bëdamboshë iquec, quequin mibi chuibededtsiash, quequin Nuquin Papa chiannembi.

Codinto 1 1:30

Adquid icnuc Nuquin Papanuidtsëqui tantiamiac mibitedi Esuquidistubëd abentsëc yacbimbuec tabadquido nec. Adembidi aidëmbi nuquitedi bëdambuenshë tantiaquid icmequin abimbo chuiquid icmec. Adoshon icsambuen naisabimbuecnuc Esusën Nuquin Papa nuqui bëdambuen ismec. Adoaid yec Esuquidistubëd bëdambocquid icsho cuidenquio ictequid Nuquin Papa yacno tabadtequido nuqui nendac. Esus abided cuidadaid icnuc Nuquin Papan nuqui cuidenquio iquendac,

Codinto 1 12:12

Matsesën dadan icquid uidënuaid dadpen icnubi dada abentsëcquiobi iquec. Adquiobidi Esus tantiaquido dadpen icnubi ambi tantiaid abentsëcquiobi Esuquidistu iquec.

Codinto 2 1:3

Nuquin Papa Nuquin Icbo Esuquidistun Papa bëdambocquid nec. Aidi nuquitedi tantiaquidquio icquin nuqui natiamiac natiambo icsho issun uënësquio icquin bëdambo icmianquidquio nec. Adenuidi Nuquin Papan naindac.

Codinto 2 11:31

Nuquin Papa Nuquin Icbo Esuquidistun Papan nabanaid ënenquio icquin chuitequidquio nec. Aidëmbi: Muesambo Pabado nec, quequin tantiec.

Codinto 2 5:17

Adquid icnuc Esuquidistubëd abentsëc yacbimbuec tabadquid yanash matses utsibimbuec chucambo yanec. Ënden Esus tantiesabon tantiacpaden ambibi tantiaquin icsambuen nabuedi Esuquidistun tantiamiac aid tantiaquid yanash bëdambuec tabadcuenec.

Codinto 2 5:21

Ambi cuidtiadquidi nuqui icnubi Esuquidistu icsambuen naisa icshobi Nuquin Papan abided cuidmepanëdash: Cun Mado tantiaquidotedi icsambuen naisabimbuecnuc bëdambuen isembi, queshun.

Cadasia 3:9

Abi tantiaquidquio icsho ambi Abadauan bëdambuen isampicpadombuembidi nëbi ambi Chomiaid tantiaquido icsho Nuquin Papan bëdambuen isquin bëdambo icmendac.

Epeso 1:10

Aden ambi tantiampicpaden Nuquin Papan abuc icquidobëta nidaidën icquido abitedi tsidadmeshun aidon Icbo Chuiquid Tapa abentsëcquiobi Esuquidistu icmendac.

Epeso 1:17

Nuquin Papa Nuquin Icbo Esuquidistun Papa bëdamboshëcquid icsho naden chiannembi. Mimbi aido Min Mayan meniaidën ma bëdambuen tantiamepanuna. Aden tantiamiaido icquin: Nadquio Nuquin Papa iquec, quequin ma abimbo tantiapanu, quequin mibitedi tantiaquin Nuquin Papa chiannembi.

Epeso 1:20

Esuquidistu uënësacsho uincuenmeshun abi yacno abuc indoshon min dayun abiucquio mimbi tsadumpanëdac.

Epeso 2:6

Nuquitedi Esuquidistubëd abentsëc yacbimbuec tabadquido nec. Nuquin Papan Esuquidistubëta uincuemiacbimbuen ambi tantiamiaido yec abuc Nuquin Papa yacno Esuquidistun dayun tsadunacbimbuecquido nuquitedi nendac.

Epeso 3:10

Adembidi nëbi chuibenniac matses dadpen Esuquidistu tantiaquido yanacsho issun Nuquin Papabëd icquidobëtan abuc icquid Mayan Icsa Satanasën iuabo abitedishun naden tantiendac: Nuquin Papan abitedi tantiaquidquio icquin Esuquidistu tantiaquid dadpen yanmiac, quequin tantiendac.

Epeso 6:12

Matses isadacpadquidpenquiobëd cuesnanacbimbuecquido nuquitedi nec. Mayan Icsa Satanasën iuabo isadesabëd cuesnanacbimbuen nuquitedi naic. Aidtedi abuc tabadec. Aidotedi nidaidënshun nadatiambocquin nabanquidquio yec: Abitedishun chuiquid tapa nebi, quequin icsambuen namequin iuanu, quequid aido nendac.

Pidipos 2:11

Ma abitedishunquio: Esuquidistu Nuquin Icbombo nec, quequin tantiaquin: Nuquin Papatsen bëdamboshë iquec, ma canu, quequin adopanëdash.

Ebedeo 8:5

Nidaidën icquid Nuquin Papa tabadte shubun puduedshun nëish iua cuessunneshun pichicaquid Nuquin Papa matses bëdambuen ismequidën nacnempec. Nuquin Papa yacnombo abi tabadte shubumbo abia icquidquio nec. Nidaidën icquid aidbimbuecquid nec. Adquid nec, quequin naden chiaid nuqui tantiec. Ëndenquimbo Nuquin Papan abi abuc tabadtembo tantiaquin Moises naden chuipampic: Umbi macuësh tapa yacnoshon mibi ismeboedbimbuecquid ubi tabadte shubu uata, quequin chuipampic.

Ebedeo 9:23

Aden nidaidën icquid Nuquin Papa tabadte shubumpibëta ëquëduc tabëcaidtedi Nuquin Papa yacno tabëcaidbimbuecnuc nacnenaid nec. Aden nidaidën icquid nëish iua cuessunniaid intaquën Nuquin Papa tabadte shububëta ëquëduc tabëcaidtedi intaquën daseccabantequid nendac. Nuquin Papa yacnombo icquid nëish iua intaquën daseccatiapimbo iquec. Padnuen Esuquidistu Nuquin Papa yacno matses puduedmenuec icsambuen naisambo yequi abided cuidadec aton intac chiuidec uënëspanëdash.

Petedo 1 1:3

Nuquin Papa, Nuquin Icbo Esuquidistun Papa, bëdamboshë iquec, canuna naden tantiaquin: Icsambuen naquido cuidte bunenquio icquin uincuenmequin chuca nuqui icmenuen Nuquin Papan abided cuidadec uënësaid Esus nuqui tantiamiondash. Adoac nuqui naden tantiec: Esuquidistu uënësacsho chococac uincuenash padpidec uënëstiapimbo iquendac. Adembidi Esus tantiec uënësacsho uincuenmeshun Nuquin Papan abi yacno nuqui tabadmendac padpidec uënëstiapimbo icnuc.