Epeso 1:22 - El Nuevo Testamento en matsés

^22-23 Abitedishun: Cun Icbo, caidquio Esuquidistu nec. Abi dëniactiapimbo icquid nibëdec. Adquid yec abi tantiaquidotedishun Icbombo Esuquidistu nec. Abi tantiaquidotedi atona nec. Aidotedi aton dadabimbuecquid nec. Aido namequid yec mapibimbuecquid Esus nec. Aidëmbi abi tantiaquido tantiaquin bëdambuen namebanec.

Epeso 1:22 ပူးပေါင်းရင်းမြစ်များ

Mateo 16:18

Tantia. Umbitsen mibi chuinu. Cuënotebimbuecquid nec, quequin mibi Petedo cuënondambi. Cuënote dapa utsi ictiapimbo yacbimbuec chieshtoenquio icquid iquendac, queshun mibia ubi tantiaquidon chuiquid tapambo icmendambi. Adoac mimbi chuibanaido ubi tantiaquido iquendac. Aidotedi abi chieshënquidon cuessunemequin uesquin nibëdanmetiapimbo iquendac.

Hechos 20:28

Nëbi nidebique. Ubi nidan chieshtoenquio icquin Esus tantiec bëdambuec tabadta. Adembidi mimbi chuibanaido Esus tantiaquido chuiquin: Chieshtoenda. Esus tantiec bëdambuec tabadta, cadednequin bëdambuen chuibanta. Nuquin Papan Mayan Bëdan aido chuibanquid mibitedi icmioshe. Adota. Aido Nuquin Papa yacno tabadmenuec Esuquidistu abided cuidadec intac mëyanec uënëspanëdash.

Codinto 1 11:3

Tantia. Nëidtsen chuinu: Dadan icbo Esuquidistu nec. Adecbidi aton chidon icbo aton bënë nec. Adecbidi Esuquidistun Icbo Nuquin Papa nec.

Epeso 3:21

Nuquitedi Esuquidistu tantiaquido iccuededquin: Nuquin Papa bëdamboshë iquec, canuna ënenquio icquin. Amen.

Epeso 5:23

Aton chidon chuiquid aton bënë nec. Adquiecbidi Esuquidistu abi tantiaquidtedishun chuiquidquio nec. Adembidi aido Nuquin Papa bëdambuen ismequidquio nec. Esuquidistu mapibimbuecquid icnuc abi tantiaquidtedi aton dadabimbuecquid nec.

Codosas 1:18

Adquid iquec abi tantiaquidtedishun Icbombo Esuquidistu nec. Adnubi abi tantiec iccuededquido aton dadabimbuecquid nec. Adquid yec Nuquin Papan Madombo ëndenquimboshë icpampidi matsesash uënëspanëdash. Adsho Nuquin Papan abia uincuenmeshun ambi uaidtedishun Icbo abentsëcquiobi icmepanëdash.

Codosas 1:8

Adquid yec mibi yacnouësh choshon mibitedishun naid naden chuituidpondash: Nuquin Papan Mayan Bëdan tantiamiacpadquiec Esus tantiaquidobëd tantiananquiec tabadosh, quequin Epapadasën chiondashi.

Codosas 2:10

Aidëmbi abitedishun Icbombo icquin Nuquin Papan chiacpaden abi tantiaquido bëdambuen namec. Nuquin Papabëd icquido aton chuiquidobëd yec ambi namiaidobëd Mayan Icsa Satanas yec quec aidtedishun Icbombo Esuquidistu nec.

Codosas 2:19

Aido Esusbëd abentsëc yacbimbuec tabadquidpenquio nec. Adquid icquin: Esuquidistu abi tantiaquidon Icbombo nec, quequin tantienquio iquec. Adecbidi Nuquin Papan tantiacpadquiec Esuquidistu tantiaquid dadpen yanash aton utsibobëd tantiananec nashunnanec aton Icbo padquid yanec, quequin tantiesa adquido nendac.

Timoteo 1 3:15

Esus tantiaquido iccuededquin nadoquid, quequin Pabadon chiacpadombuen nanuna, cata. Nuquin Papambo uënëstiapimbocquidtsen tantiaquido nuqui nec. Aid tantiaquido icquin Nuquin Papan Chiaid utsi uaquin chienquio icquin aid abimbo chuiquid icquin ambi chiacpadombuen naquid nuqui nendac, quequin chuita.

Ebedeo 2:8

Adquid icmeshun mimbi uaidtedishun Icbombo mimbi icmiac, Papa, quequin dada uamequin abimbo chuipampic. Aden Nuquin Papan matses abitedishun Icbombo icmendac. Adoac abitedimbo namequidquio iquendac. Nëbien abitedishun Icbo Nuquin Papan icmiabi iquec.