Epeso 1:21 - El Nuevo Testamento en matsés

²¹ Aden tsadunquin Nuquin Papan podobitsi icsabo cumapenen tantiaquin matses nabanmequidobëtan podobitsi icsabon icbo Mayan Icsa Satanasën Icbombo icmepanëdash. Adembidi nëbi icquidobëtan iuecash icquidon Icbombo Esuquidistu mimbi icmeuapanëdash.

Epeso 1:21 ပူးပေါင်းရင်းမြစ်များ

Mateo 12:32

Ubi Matsesën Tishaid icshobi chieshënquin icsambuen chuishunquidëmbi ënsho isash aidën icsambuen naid tantienquio yec Nuquin Papa bëshunendac. Padnuen Aton Mayan Bëdan namesho issumbi: Icsambo iquec, quequin icsambuen tantiaquin chuishunsho issun aidën icsambuen naid tantiec Nuquin Papa bëshuntiapimbo iquendac. Nëbi bëshunenquio icashic adecbidi iuecash bëshuntiapimbo iquendac, quequin Esusën chuipondash.

Hechos 4:12

Abi yacno iuedanquid aid abentsëqui icnuc utsi nibëdec. Nuquin Papa yacno tabadte bunec aid tantiaquid icta, quepanëdash Petedo Uambëd.

Epeso 2:2

Adquid icquin Nuquin Papa tantiesabon nacpadombuen mimbi icsambuen nabampondac. Adombuembidi podobitsi icsabon chuiquid tapa Mayan Icsa Satanas bunacpadombuen nabampondac. Aidëmbi Nuquin Papan Chiaid niacmequin icsambuen nate matses bunmec.

Epeso 3:10

Adembidi nëbi chuibenniac matses dadpen Esuquidistu tantiaquido yanacsho issun Nuquin Papabëd icquidobëtan abuc icquid Mayan Icsa Satanasën iuabo abitedishun naden tantiendac: Nuquin Papan abitedi tantiaquidquio icquin Esuquidistu tantiaquid dadpen yanmiac, quequin tantiendac.

Epeso 6:12

Matses isadacpadquidpenquiobëd cuesnanacbimbuecquido nuquitedi nec. Mayan Icsa Satanasën iuabo isadesabëd cuesnanacbimbuen nuquitedi naic. Aidtedi abuc tabadec. Aidotedi nidaidënshun nadatiambocquin nabanquidquio yec: Abitedishun chuiquid tapa nebi, quequin icsambuen namequin iuanu, quequid aido nendac.

Codosas 2:10

Aidëmbi abitedishun Icbombo icquin Nuquin Papan chiacpaden abi tantiaquido bëdambuen namec. Nuquin Papabëd icquido aton chuiquidobëd yec ambi namiaidobëd Mayan Icsa Satanas yec quec aidtedishun Icbombo Esuquidistu nec.

Codosas 2:15

Adec uënësacsho uincuenmequin Nuquin Papan Mayan Icsa Satanas aton iuabobëta dëniacmequin Esuquidistu abitedishun Icbombo icmepanëdash. Adoac cuesnanquin dëniacquin bedash bëyucquio nidmiacbimbuen Esuquidistun Nuquin Papa ismepanëdash.

Ebedeo 1:4

Adec Esus tsadtuidnuc ambi uaido Nuquin Papabëd icquido Esuspadquid nadatiamboshëcquid ictiapimbo iquec. Aidon Icbombo Esus nec. Nuquin Papan: Cun Mado mibi nec, caid icquin Esusën Nuquin Papabëd icquido namec.

Ebedeo 2:5

Tantia. Chuinu. Abi yacnoshon Nuquin Papan abëd icquido chuiquin: Nidaid chuca uaidën tabadec Cun Mado tantiaquidon chuiquid icta, cambo iquec.

Ebedeo 4:14

Esus Nuquin Papan Madombo yec nëish iua cuessunneshun pichicaquidon chuiquid tapambobimbuecquin Nuquin Papa matses bëdambuen ismequid nec. Adquid yec abuc nidshun Nuquin Papa chiec: Ubi tantiaquido matses bëdambuen ista, quequin chiannec. Aden chiannequid nec, queshun chieshtoenquio icquin Esus tantiaquionona.

Petedo 1 3:22

Aidi uincuenash abuc nidash Nuquin Papan dayun abiucquio tsadtuidpanëdash. Adash abitedishun Icbombo yampanëdash. Nuquin Papabëd icquidon chuiquid tapabëtan Mayan Icsa Satanasbëtan aton iua podobitsi icsabon chuiquid tapa icquin ambi chiacpadombuen abitedi namendac. Adquido icbuedombi abitedishun Icbombo icsho aidën chiacpadombuen naindac.