Ebedeo 9:28 - El Nuevo Testamento en matsés

²⁸ Adecbidi matsesën icsambuen naidtedi bedshunash abided cuidadec Esus abentsequi uënëspanëdash. Adashic aidquiobidi padpidembuec nidaidën chouaindac. Matsesën icsambuen naidtedi bedshunash padpidec uënësnu, quenquio yec abi cainquidotedi abi yacno tabadmenuen bedec chouaindac.

Ebedeo 9:28 ပူးပေါင်းရင်းမြစ်များ

Mateo 20:28

Adecbidi Matsesën Tishaid icsho mabi matsesën nashunnu, quecpenquio chondabi. Adenquio icquin matses nashunquin Nuquin Papa icsambuen naquidobi cuidmenquio icnuec ubided cuidadec uënësendabi, quequin Esusën ubitedi chuipondash.

Mateo 25:31

Adshumbic Esusën padpiden abi chote chuiuapondash: Matsesën Tishaid yec abi yacnouësh abëd icquidobëd choec: Abitedishun Icbombueni nec, quiash bëchamauampambuec choequi cun tsadte dapa bëdamboshëcquidën tsadtoquin abitedimbo ismendambi.

Mateo 26:28

Aid actequid acshobien Esusën: Nëid cun intacbimbuecquid acquin: Ubi cuidmenquiocnoen Esusded Nuquin Papan cuidmiac aton intac siquebudpambuec uënësposh. Adsho issun Esus tantiaquid icsho Nuquin Papan aid matses icsaid tantienquio yec bëshunquin cuidenquio iquendac, quequin tantiata, quepondash Esus.

Uanën dada uaid 14:3

Adquid iquec, quiash ubia nidshun: Ubi tantiaquido nëmbo tabadmetiad, quequin Cun Pa chiendambi. Adashic ubi yacno ubëdi tabadmenuen mibitedi bednuec chouaindabi.

Hechos 1:11

Nidaid Cadidea yacnouësh choquido ¿atotsi quiash abuc isec tabadec ne? Abuc indosho mimbi isbued Esus abu ushun choec budsho mimbi padpiden isuaindac, quepanëdash abuc isbededec tabadquido chiec.

Doma 3:25

Nuquin Papan namiac Esuquidistu intac mëyanec uënësaid Esus tantiasho Nuquin Papan nuqui icsambuen naondaidtedi tantienquio yec bëshunquin nuquitedi bëdambuen isquin cuidenquio iquendac.

Doma 5:15

Adanëmba Ambi Chiaid niacsho cuidquin aidba uënëstequid icmeshun aton tsiuecquido matses uënëstequidouidquio Nuquin Papan icmepampic. Padnuen Nuquin Papa matses bëdambuen ismequidquio abentsëc icnuc utsi adquid ictiapimbo iquec. Nuquin Papan: Piucquid ubi mene, quenquio icquin Esusuidtsëqui tantiameshun nuquitedi bëdambuen isec. Esuquidistun naid bëdamboshë icnuc Adanën naid icsamboshë icpampic.

Doma 6:10

Icsambuen naquido cuidmenquio icnuec Esuquidistu abentsequi abided cuidadec uënëspanëdash, padpidec uënëstiapimbo icnuec. Adbuedi nëbi Nuquin Papa bëdambo icmec aidbëd tabadec.

Doma 8:23

Adembidi nuquitedi natiamiac natiec tabadquid icshobi: Nëid Cun Mayambëd tabadquid nec, queshun Nuquin Papan bëdambuen isquin: Cun madobëd cun champi nec, queshun ambi tantiaid uëshën Nuquin Papan ubi uënëstiapimbo icquid icmendac, quequin tantiaquin natiamiaqui chieshtoenquio icquin nuquin dada chuca uate nuqui cainec.

Doma 8:3

Moises dada uamiampidën chiacpadec matses bëdambuec tabadtiapimbo yec uidëmpentsëcquio icsho issun Nuquin Papan aton Mado matses uidëmpentsëcquiocquid yacbimbuecquid chomepanëdash. Adshumbic Nuquin Papan icsambuen naquido cuidenquio icnuen aton Madoded cuidmequin uënës uamepanëdash.

Codinto 1 1:7

Adquido yec Nuquin Icbo Esuquidistu chouate uëshë caimbudec tabadec: Nuquin Papan tantiamiambocquid nebi, quetiapimbo mibitedi iquec.

Codinto 1 15:54

Adtequid chuiquin Nuquin Papan dada uamiampid nad iquec: Chieshëmënquid dëniacquin cuessunniacbimbuen Uënëstequid nibëdanmendac.

Tesadonica 1 1:10

Adshumbic: Nuquin Papa yacnouësh aton mado Esus nidaidën padpidec chosho istiadquio iquebi. Ubi cuidmenquio icnuec abided cuidadec uënësacsho Nuquin Papan uincuenmiaid Esus choec, queshun aidquio tantiabenac caosh, quequin mibitedishun naid chioshi.

Tesadonica 2 2:1

Tantia, cun utsibo. Mibitedi chuinu. Abi yacno tabadmenuen buannuec Nuquin Papa yacnouësh Nuquin Icbo Esus ënden choac, quesho tantiash

Timoteo 2 4:8

Adec tabadec uënësacshobini matsesën naid abitedimbo tantiaquin cuidnun chuiquid icquin Nuquin Icbobëtan Nuquin Papan: Umbi chiacpadec mibi bëdambuec tabadoque. Ubi yacno ubëdi tabadmequin chuiquidën mauete bëdamboshëcquid meniacbimbuen mibi bëdamboshë icmendambi, caindac. Abi chote uëshën choshon aden Nuquin Icbon ubi chiendac. Adembidi abi chosho iste bunquioquin abi cainquidotedi Nuquin Icbon bëdamboshë icmequin abëdi tabadmendac.

Tito 2:13

Cun Icbo Esuquidistu ubi Nuquin Papa cuidmenquiocquid bëdamboshëcquid chote uëshë chonoc cuishonquendabi, quequin caimbudec bëdambuec tabadta, quequin chuiquin tantiameuata.

Ebedeo 1:14

Padnuen abëd icquido Nuquin Papa nashunquido nec. Adembidi Nuquin Papan: Esus tantiaquido ubëd tabadtequido neque. Nashuntan, quequin chometequido nec.

Ebedeo 10:10

Adoac Nuquin Papa bunacpaden: Ma matsesën ubi uënës uanu, quiash padpidec uënësenquio icnush abentsequi abided cuidadec Nuquin Papa matses cuidmenquio icnuec Esuquidistu uënëspanëdash. Aid tantiaquido icsho issun Nuquin Papan: Cuna nec, caido yec aton iuabo nuqui nendac.

Ebedeo 12:14

Umbi aden chiaid tantiec utsibobëd chushcananenquio yec bëdambuec tabadta. Aden Nuquin Papan chiacpadombuen nanuna. Aidën chiaid niaquec tabadquin Nuquin Icbo bëisenquio nuqui ictsiandac.

Ebedeo 2:3

¿Nëbi icquido nuquitsen Nuquin Papa matses cuidmenquio icquin bëdambuen ismete chiaid chuisho tantiate bunenquiocsho cuidenquioda icpatsiash? Nuquin Papa yacno tabadmianquid nebi, quequin aton Madonquio Esusëmba chiac adombuembidi aidën chuibansho tantianëdaidontsen: Abimbo iquec, queshun ubitedi chuiuapondashi.

Ebedeo 4:15

Aden nëish iua cuessunneshun pichicaquidon chuiquid tapabimbuecquid icquin matses uidëmpentsëcquio icsho chieshtomete tantiec. Aidi matsesacsho Mayan Icsa Satanasën: Nuquin Papan Chiaid niacmenu, quequin tanaqui Esuquidistun niaquenquio icpanëdash. Adembidi nuquitsen: Nuquin Papan Chiaid niacmenu, quequin tanquin icsambuen namete bunec.

Ebedeo 5:9

Aden tantiabenash matsesën icsambuen naid bedshunash abided cuidadquid icquin matses Nuquin Papan chiacpadombuen naquido Nuquin Papa yacno ënëdenquio icnuc tabadmequid yanquiopanëdash.

Ebedeo 7:27

Adonën tsiuecquidon Nuquin Papa matses bëdambuen ismenuen nëish iua cuessunneshun pichicaquidon chuiquid tapan nacpadombuen Esusën nainquio icpanëdash. Adonën tsiuecquidombien badiadquidën badiadquidënquien nëish iua cuessunneshun pichicadennepanëdash. Ambi icsambuen naidba Nuquin Papa bëshunmenuen pichicashumbic aton matsesën icsambuen naidtsen bëshunmenuen pichicauapanëdash. Padnuen Esuquidistu matsesën icsambuen naidtedi bedshunash abided cuidadec abentsecquiobi uënëspanëdash padpidec uënësenquio icnuec.

Ebedeo 9:25

Ambo puduedash: Matsesën icsambuen naid bedshunash ubided cuidadec uënësted uënëstedebi, quenquio yec tabadec. Nidaidën icquid matses bëdambuen ismenuen nëish iua cuessunneshun pichicaquidon chuiquid tapa abitedishun setan setanquien Nuquin Papa tabadte shubun puduedquin quënë bëdamboshëcquidën aton intacpenquio nëish iuan intacquio bedshun daseccadennepec: Ma Nuquin Papan ubitedi bëdambuen isnu, queshun.

Petedo 1 2:24

Esuquidistu nuqui icsaid bedshunash abided cuidadec cueste napotiaidën diadec uënëspondash. Nuquitedi icsaquido icbuedi ma icsaid ënash bëdambuec tabadnu, quiash uënëspondash. Adecbidi abi tantiaquido bëdambuen isnuec Esuquidistu mëyamëdpondash.

Petedo 1 3:18

Chieshënquin natiamiaqui Esuquidistu mëyadquiec nuqui icsaid bedshunec abided cuidadec abentsequi uënëspondash. Aidi icsaisambo iquequi icsambuen naquido tantiec mëyadbudec uënëspondash: Ma Nuquin Papa yacno tabadtequido icpanu, quiash. Adec aton dada icsabudec uënësambi aton mayan uënësesambo icnuc aton dada uincuempanëdash.

Petedo 2 3:12

Adombuen abitedimbo nibëdquionoc nëdëncaindac, queshun bëdambuec tabadquin utsibo tantiamequin ambi naid chuibanec mibitedi bëdambuec tabadta. Esus choan Nuquin Papan cuidquin ambi uaid abubëta nidaid nibëdanmequimbi aidën icquidtedi pichicaquin nibëdanmendac.

Uan 1 3:2

Cun utsibo, Nuquin Papan: Cun bacuëbo nec, quequin tantiaidombo nuquitedi nec. Adquid icshobi Nuquin Papan nëbi: Nadquid icmendambi, quesho tantiabi nuqui iquec. Naden nuqui tantiec: Esuquidistu nidaidën padpidec chouasho isash: Adquidshenda caposh, quequin nuqui isquin tantiendac. Aden isash aidpadquid nuqui yanendac.

Uan 1 3:5

Adquid icnuc Esuquidistu matsesash nuqui icsambuen nabanaidtedi bedshunec abided cuidadec uënëspanëdash, quequin mibitedishun tantiec. Adembidi icsambuen naisambo Esuquidistu nec, quequin mibitedishun tantiauaic.

Udas 1:21

Ënenquio icquin Nuquin Papan ubi tantiec, quequin tantiaquiota. Abi chote uëshën Nuquin Icbo Esuquidistu chosho isnuen aid cainec tabadnuna. Aidëmbi nuquitedi cuidte bunenquio icquin abi tantiameshun ënëdenquio icnuc abëdi tabadmendac.

Esusën Uan ismiaid 1:7

Esuquidistu abu ushu yacno choendac. Adec chosho matses abitedishunquio isendac. Aden cun matsesën ambi mëyanquin uënës uameshun ambi podo ansebuedquio Esus chosho isendac. Padtemboshë, ashibi cuidpec, quetanec abi cuidte tantiec dacuëdec natiaquiec shubiendac. Esus tantiesabo utsibotsen adecbidi abi cuidte tantiec natiaquiec sedenquec shubiquiendac. Adtequidquio iquendac. Amen.