Ebedeo 7:23 - El Nuevo Testamento en matsés

²³ Matses bëdambuen ismenuen nëish iua cuessunneshun pichicaquido dadpen icpampic. Aidon uënëstequido icquin ënenquio icquin Nuquin Papa bëdambuen ismetiapimbo icpanëdash.

Ebedeo 7:23 ပူးပေါင်းရင်းမြစ်များ

Mateo 3:14

Adshobien Uanën: Padi. Nuquin Papan Chomiaid icquin mimbi ubi nac bëdambo ictsiash. ¿Atotsi queshun ubi aden chie? queshobien:

Ebedeo 7:21

Aton Madombo chuiquin Nuquin Papan dada uamiampid nad iquec: Mado, muatiapimbocquid icquin mibi abimbo chuiquin utsi uainquio iquembi. Matses ubi bëdambuen ismequid mibi nendac. Adquid yec nibëdantiapimbo ictequidquio mibi nendac, quequin chuipampic.

Ebedeo 7:22

Adquid nëbi icnubi Adombëtan aton tsiuecquidon Nuquin Papan: Naden nata, quequin Moises chiaid tantiaquin nauidpanëdash. Nëbien Nuquin Papan utsi chuca uain chiaid tantiaquin abi tantiasho Esusën Nuquin Papa matses bëdambuen ismendac. Ëndenquimbo Nuquin Papan Chiampid bëdambocquid icnubi chiaid chuca utsi bëdamboshëcquid iquec.

Ebedeo 7:24

Esusien uënësash uincuennëdaid yec padpidec uënëstiapimbocquid icquin Nuquin Papa matses bëdambuen ismequid nendac. Adquid icnuc Nuquin Papan matses bëdambuen ismequid utsi icmenquio iquendac.

Ebedeo 7:8

Nëbi nuquina 10ted 10tedquien tambanquin abentse abentsen bedbanquin sanshun meniaid bedquid nuquin matses uënëstequid nec. Nuquin Papan Chiaid isbanac: Medquisedec uënësac, quequin chiaid nibëdnuc: Abi iquec, quec tantiadec.