Ebedeo 6:9 - El Nuevo Testamento en matsés

⁹ Tantia, cun utsibo. Umbi tantiaid icsho mibitedi chuinu. Nuquin Papan cuidenquio ictequido mibi nec, quequin tantiembi. Esuquidistu tantiaquido yec Nuquin Papabëd tabadtequido mibitedi nendac.

Ebedeo 6:9 ပူးပေါင်းရင်းမြစ်များ

Madcos 16:16

Aden chuisho tantiaquid: Ubi cuidenquio icnuen Esusded Nuquin Papan cuidpanëdash. Adoaid tantiaquin: Umbi icsambuen naid ënnu, quequin ismequin acten mentomequid icsho Nuquin Papan abi yacno puduedmendac. Ubi tantiesain Nuquin Papan abi yacno puduedmenquio icquin cuidendac.

Hechos 11:18

Aden Petedon nainquin chuibanac bëdambuen tantiash chushquec ënëdash isadaidbo shui dëbid dëtemequido: Isadaidpembon Esus tantiaquin ambi icsambuen naid ënsho issun Nuquin Papan aidotsen ënëdenquio yec abi yacno tabadtequid icmiac, quepanëdash Nuquin Papan naid chiec.

Hechos 20:21

Nuquin Papa tantiabenquin mimbi icsambuen nabanaid ënshun Nuquin Icbo Esuquidistu tantiaquid icta, quequin isadaidbobëta isadaidpembo chuibanondambi.

Codinto 1 10:14

Tantia, cun utsibo, umbi aden chuibued tantiashun ambi papa canun nacnenaid tantiec tabadacno nidenda.

Codinto 2 12:19

Cun utsibo, Pabado chedo icsambuen naquin ampesa nec, mibi ¿camenuendambi dada uaquin chuibampo? Padenquio. Nuquin Papan isnubi mibëtan Esuquidistu tantiaquid icquin mibi aid tantiaquidombo icmenuen chuibanombi.

Codinto 2 7:1

Tantia, cun utsibo. Umbi tantiaido icsho mibi chuinu. Nuquin Papan: Naden naindambi, quequin chuiquin dada uamiampid isash nadnuna. Nuqui icsambuen naidbëtabi nuqui icsambuen tantiaid ënnuna. Icsamane, queshun Nuquin Papa dacuëdampambocquid icsho aid tantiaquin aidën chiacpadombuen nabanec bëdambuec tabadtembo tantianuna.

Codinto 2 7:10

Uënësquio icmiac: Nuquin Papan Chiaid niaccombi, queshun Esus tantiasho bëdambuen isquin Nuquin Papan ënëdtiapimbocnoc abëdi mibi tabadmendac. Padnuen abi tantiesabo uënësquio icmiac uënësquio icbudequi uënësendac.

Cadasia 5:6

Esuquidistunuidtsëqui shui dëbid dëtemiaidobëtambi dëtemiacmaidontsen abi tantiasho bëdambuen isec. Adoac aid tantiaquido yec utsibobëd tantiananquid nuquitedi nendac.

Ebedeo 10:34

Adecbidi mibitedi Esuquidistu tantiaquid utsi quënën tsadunaid icsho isash uënësquio icquin aid tantiaquin mimbi nashumpondac. Adecbidi mibi chieshënquidën mitsana bedacsho isash cuishonquepanëdac. Nuquin Papan abi yacnoshon cuna bëdamboshëcquid nibëdantiapimbo icquid bedtequid iquec, quequin tantiec: Bëdambo iquebi, quec mibi cuishonquepanëdac.

Ebedeo 10:39

Padnuen nuquitedi chieshtoenquio icquin Esus tantiaquido nec. Utsiboen aid tantiaquid icbuedi chieshtoquid icsho Nuquin Papan cuidtequido yanec. Adoshombic Esus tantiaquido chieshtoenquio icsho Nuquin Papan nuquitedi bëdambuen isquin abi yacnombo tabadmendac.

Ebedeo 2:3

¿Nëbi icquido nuquitsen Nuquin Papa matses cuidmenquio icquin bëdambuen ismete chiaid chuisho tantiate bunenquiocsho cuidenquioda icpatsiash? Nuquin Papa yacno tabadmianquid nebi, quequin aton Madonquio Esusëmba chiac adombuembidi aidën chuibansho tantianëdaidontsen: Abimbo iquec, queshun ubitedi chuiuapondashi.

Ebedeo 5:9

Aden tantiabenash matsesën icsambuen naid bedshunash abided cuidadquid icquin matses Nuquin Papan chiacpadombuen naquido Nuquin Papa yacno ënëdenquio icnuc tabadmequid yanquiopanëdash.

Ebedeo 6:10

Abi tantiaquid icquin utsibo tantiaquin mibitedishun nashundennesho issun Nuquin Papan ambi tantiacpadombuen naquid icquin mimbi nabanaidtedi bëshunenquio icquin tantiendac.

Petedo 1 2:11

Tantia, cun utsibo, umbi tantiaido icsho mibitedi chuinu. Nëid nidaidën iuec tabadtiapimbo icquido mibi nec. Adquid icnuc Esus tantiesabo abi icsate bunacpadec icsainda. Aden naic cuidadtequid yanmane, quiash bëdambuec tabadta.

Petedo 2 3:1

Tantia cun utsibo. Umbi tantiaido icsho mibi chuinu. Adombuembidi mibitedi chuiquin padpiden dada uanu. Bëdambuen tantiaquid icquin tantiaquiec bëdambuec tabadta, quequin mibitedi chuiquin daëden dada uaic nebi.

Uan 1 2:7

Tantia, cun utsibo. Umbi tantiaido icsho mibi chuinu. Nuquin Papan: Naden nata, quequin chiaid chuca chienquio icquin mimbi ënden bedanquin chuibansho tantiondaidbidi mibitedi chuiquin dada uaic nebi.

Udas 1:3

Tantia, cun utsibo, umbi tantiaido icsho mibitedi chuinu. Abëd tabadmenuen nuqui cuidmenquio icnuec Esus abided cuidadec uënësaid tantiateuidi bunsho mibitedi dadpen chuiquin dadauate bunobi. Adbuedi utsi chuiquin dada uanu. Nëbi mibi yacnoshon ambenquiobi muaquin chuisho tantiashun: Mua. Esusën chiaidpenquio mimbi chiec. Aid tantiatiapimbo iquebi, quequin aidon chiaid tantienda. Nuquin Papan Chiaidquio chuibanac aid tantiondaido mibi neque. Utsi tantienda.