Ebedeo 6:2 - El Nuevo Testamento en matsés

² Adembidi Esus tantiabenacsho acten mentometa, quequin chiaid chuiquinc. Adembidi Esus tantiaquid nec, queshun ma Nuquin Papan aton Mayan Bëda menenu, quequin mëdanten mamishaid icta, quequin chiaid chuiquinc. Adembidi abi tantiaquid uënësacsho uincuenmete iquendac, quequin chiaid chuiquinc. Adembidi abi tantiesa icsho ënenquio icquin cuidtequid iquendac, quequin chiaid chuiquinc caidtedi mibi chuibampanëdash.

Ebedeo 6:2 ပူးပေါင်းရင်းမြစ်များ

Mateo 28:19

Nidaid utsi utsiec yacno nidshun ubi tantiaquido icmenuen matses abitedi Umbi Chiaid chuibenneta. Adoac ubi tantiabensho acten mentoquin: Nëid Esus tantiabenshun Nuquin Papatsen tantiaquid nec. Nëidbëd Aton Mayan Bëda tabadec, quequin utsibo ismequin acten mentobanta.

Mateo 3:14

Adshobien Uanën: Padi. Nuquin Papan Chomiaid icquin mimbi ubi nac bëdambo ictsiash. ¿Atotsi queshun ubi aden chie? queshobien:

Madcos 16:16

Aden chuisho tantiaquid: Ubi cuidenquio icnuen Esusded Nuquin Papan cuidpanëdash. Adoaid tantiaquin: Umbi icsambuen naid ënnu, quequin ismequin acten mentomequid icsho Nuquin Papan abi yacno puduedmendac. Ubi tantiesain Nuquin Papan abi yacno puduedmenquio icquin cuidendac.

Madcos 7:4

Pete ambi piucquid menequin bedacnouësh choash adecbidi penush aton tsusedpabon chiampicpadquiec mëpamëdannequid isadaidbo nec. Isadaidbo tsusedpabon: Naden nata, quequin ambi tantiacpaden chiampid utsi utsiec dadpen iquec. Ambi chiampicpadombuen dëshotetsen ampantanquin dapanquidquiobidi nec. Adembidi tëchubëta matsu ampantanquin dapanuaquidbidi neuaic. Ushtetsen dapanuaquid.

Madcos 7:8

Aden tsusedpabon chuinëdacpadombuen nabanquin Nuquin Papan Chiaid niacquido mibitedi nec, quepanëdash Esus.

Ducas 11:38

Adec tsadsho isash abi iuedquid padiseobo yec: Cun tsusedpabon chiampicpadec penush mëpamëdenquien Esus icpec, quequin ambibi tantiec abi iuedquid tsadpanëdash.

Ducas 12:50

Adecbidi: Ubi uënës uanun mëyantequidquio iquendac, quequin uënësquiocquin tantiec: Ëndembi uënës uamepatecnëdani, quec tabadebi.

Ducas 14:14

Adquidon mibi cuidquin pemetiapimbo iquec. Adquido pemiash: Bëdambo iquebi, mibi quendac. Adquid abi tantiaquido uënësaido uincuenmete uëshëmbi Nuquin Papan abi yacno puduedmequin mibi bëdambo icmendac, quepanëdash Esus.

Ducas 3:16

Adsho tantiashun Uanën naden chuipanëdash: Mibi acten mentoquiduidtsëqui nebi. Ubi adquid icnubi cun tsiuec ubi udictsëcqiocquid utsi choshon nadatiambocquin nabanquin chuibanendac. Adquid icsho ubi icsaquid icquin aidën tapucudte chicnuec dacuëdquin chictiapimbo iquebi. Aidëmbi cute nëdënquequidbimbuecquid ismequin aton Mayan Bëda abi tantiaquido menendac.

Uanën dada uaid 1:33

Adsho isash tantienquio yec: ¿Tsutsi nepec? queshobi Nuquin Papan: Acten mentoanquid icta, ubi cabuedën: Cun Mayan oshpodcobimbuec budec tsadtobuedën abi tantiaquidobëd cun Mayan tabadmendac, Nuquin Papan cabuedshenda nepec, quiobi Esus caic.

Uanën dada uaid 5:29

Adec uincuenacsho ubi tantiaquido ubëdi tabadmequimbi ubi tantiesabo icsho icsambuen naquido cuidacno nidmendambi.

Hechos 10:47

Aden menesho issun Petedon: Nuquin Papan aton Mayan Bëda meniaido yec Esus tantiaquido neque. Acten mentono, cashoda ¿utsibon: Padi, capatsiash?

Hechos 13:3

Adoaquien buna mëmunquin Nuquin Papa chiec onquequin nainshun abëd icquid utsibon mëdanten Saudobëta Bednabe mamishquin nadopanëdash: Nidaid utsi utsiec yacno nidshun Nuquin Papan chiacpaden Esus chuibennetan, capanëdash.

Hechos 16:15

Aidbëd aton shubun icquido Esus tantiaquido yansho issun acten mentobampondash. Aden abi mentoboc Didian: Esus tantiaquid nec, quequin ubi tantiaquid icsho umbi: Cun shubuno ushec cho, cac ubitedi nidash Didian shubun puduedash Pabadobëd tabadpondabi.

Hechos 16:33

Adoaquien aid inchëshëmbi Pabadobëta Sidas cuesaid chiuë acten bëpanshumpanëdash seshunniadtsembuedën. Adash aton shubun icquidobëd Esus tantiaquido yansho issun aidtedi Pabadobëtan Sidasën acten mentobampanëdash.

Hechos 17:18

Aden chuibansho tantiash utsi utsiec epicudeobo: ¿Atotsibi cuishoncamepec? quequin chuinëdacpaden tantiaquido Pabadobëd onquepanëdash. Adembidi tantiash estoicobo: Ubi bunactedi dadpen mëmunquin nainquio iquembi, quequido Pabadobëd onqueuapanëdash. Aido Pabadon chuisho tantiate bunenquio yec: Abembi onquecuennequidien nechitec, quenubi utsi utsiec: Matses utsibon papa cain cuënaido chuibanec nepanui, quepanëdash. Pabadon Chiaid Bëda chuibanquin Esus uënësash uincuenaid chuibansho tantiash adpanëdash.

Hechos 2:38

Adoaquien Petedon: Mimbi icsambuen naid ënshun: Esus cun Icbombo nec, quequin abimbo tantiaquin acten mentometa: Ma umbi icsambuen naid tantienquio yec Nuquin Papa bëshunnu, queshun. Adoacsho aton Mayan Bëda mibi menendac.

Hechos 2:41

Aden chuisho tantiash: Abimbo caic, quequin tantiaquido utsi utsiec yampanëdash. Aid uëshëmbi dadpenquioshë 3midted Esus tantiaquido yampanëdash. Adquid yansho issun acten mentobampanëdash. Adoac Esus tantiaquido utsibobëd iccuededpanëdash.

Hechos 23:6

Aden chuishumbic: Iccuededquid utsi utsiec saduseobobëd icquido icnubi utsi utsiec padiseobobëd icquido iquec, quequin tantiec: Tantia. Chuinu, cun matses. Padiseobon tishmiaid yec padiseobo nebi. Adquid icquin: Uënësash uincuentequid iquec, quequin tantiaquid icsho: Icsambocquid nec, quequin mimbi ubi chiec, quec cumapenec onquequin Pabadon iccuededquido chuipanëdash.

Hechos 24:15

Adembidi matses uënësacsho Nuquin Papan bëdambocquidobëta icsambuen naquido uincuenmendac, quequin Nuquin Papan oncamiaidon chiampicpadembidi tantiembi.

Hechos 24:21

Auëshquio nëiduidtsëqui naden chiec cumapenec cuëdobi: Uënësash uincuentequid iquec, quequin umbi chuisho tantiashun: Icsambocquid nec, quequin iccuededacnoshon chuiboshon isadaidbon mibi chuiquin naic, quepondash Pabado Uedis chiec.

Hechos 24:25

Aden chuibanquin nadembidi chuiuapanëdash: Icsambuen nainquio yec utsibobëd bëdambuec tabadta. Adembidi: Icsamane, quequin Nuquin Papan chiacpadenuidi nabanquin mibi bunaid nainquiocquin ënta. Adembidi Esus tantienquio icsho chian annëdënquequid Nuquin Papan nësecanushe, quequin Esus tantiata, quequin Pabadon chuibampanëdash. Aden chuibanac dacuëdtanec: Umbi nabante nibëdnuc padpiden mibi chuimenuen chomeuaimbique. Nidec nid, capanëdash Uedisën.

Hechos 26:8

Cun matses isadaidbon ¿atotsi queshun: Nuquin Papan uënësaido uincuenmendac, quequin chiaid tantienquio mibitedishun icpe?

Hechos 4:2

Naden chuisho tantiash nëishquiopanëdash: Esus uënës uacsho Nuquin Papan uincuenmiacpadembi matsestsen uënësacsho uincuenmeuaindac, quequin Petedobëtan Uanën chuibansho tantiash adec nëishcuededpanëdash.

Hechos 6:6

Aidtedi istuidshun buanec Esus chuibennequido yacno choash puduedshun ismiac aid dada 7tedi mamishquin Nuquin Papa chiec: Nëidtedi niante bëdambuen nashunmeta Papa, quequin Esus chuibennequidon chuipanëdash.

Doma 2:16

Nuquin Papan abitedimbo cuidte uëshëmbi aidën chiacpadombuen Esuquidistun matsesën otacquio tantiaidbëta ompodshon naidtedi tantiashun matses cuidendac. Aden umbi Chiaid Bëda chuibanquin chuibocpadombuen naindac.

Codinto 1 10:2

Aden potequido yec aido abitedi abu ushu ënapen icquidbëtan acte dapa mad caidën mentoacbimbuecquido Moises tsibanquido nepampic.

Codinto 1 12:13

Adecbidi isadaidbo yec matses utsibo yec utsin iuaido yec matsesën iuacmaido yec quec Esus tantiaquido iquec. Adquido icsho acten mentoaido yec abentsëc yacbimbuec nuquitedi tabadnubi Nuquin Papan Aton Mayan abentsëcquiobi nuqui meniaid nuquibëd tabadec.

Codinto 2 5:10

Matsesën nabanaidtedi chuibante uëshë chonoc Nuquin Icbon nuqui nabanaidtedi chuibanendac, quequin tantiembi. Ambi chiacpaden naquido abëdi tabadmequimbic icsambuen naquido natiamequin cuidendac.

Pidipos 3:21

Choshon aidëmbi nuquin dada icsactsëcquio icbuedi aton dada chuca uacpadombuen nuquin dada chuca uaindac. Abitedishun Icbombo yec nadatiambocquid yec abitedi namequidquio icquin aden nuquin dada chuca uaindac.

Codosas 2:12

Adembidi uënësacsho Esuquidistubëta chococacbimbuen mibitedi acten mentopanëdash. Adembidi nadatiambocquid icquin Nuquin Papan Esuquidistu uincuenmepanëdash, quequin tantiasho aidbëta uincuenmiacbimbuen acten mentotanquin mibitedi cadopanëdash.

Timoteo 2 2:18

Aidon Nuquin Papan Chiaidquio chienquio icquin muaquin chiec: Uënësabi icquin Esus tantiaquido yequi uincuenaidquio nuqui nec, quequin muaquin chuisho tantiashun utsin utsinquien Nuquin Icbon Chiaidquio tantienquio yanendac.

Ebedeo 11:35

Adembidi chidobon abi tantiaquid icquin aton matses uënësaid icsho Nuquin Papan uincuenmeshunac bedpampic. Adembidi tantiaquid utsibo: Nuquin Papa tantiesa nebi, camenu, quequin mëyanquiaqui chieshtoenquio icquin Nuquin Papa tantiec: Aid yacno nidebi, quiash uënëspampic.

Ebedeo 9:10

Adembidi: Nëid petequid nec. Nëid petemaid nec. Nëid actequid nec. Nëid actemaid nec. Nëid nabannush mëpamëdtequid nec. Nëid Nuquin Papa tabadte shubumpin puduednush dapamëdtequid nec, quequin tantiaquin nabampanëdash. Aden nabanquin bëdambuec tabadquid icmetiapimbo icpampic. Aden Nuquin Papan abi ismequin nabantequid utsi uabi icnuc matsesën nate nepanëdash.

Petedo 2 3:7

Aden ambi uampid abubëd nidaid nëbi icquid ambi tantiacpadën Nuquin Papan naindac. Ambi icsambo icquido abitedi cuidte uëshën nëdëncaquin nibëdanmenumbi nëbi dayunuaic. Adembidi matses abitedi Ambi Chiaid niac niacquido nëdëncaquin nibëdanmendac.