Ebedeo 6:12 - El Nuevo Testamento en matsés

¹² Aden umbi chiacpaden nabanquido yec chieshuidequi tabadenda. Adec tabadenquio icquin Nuquin Papan Chiaid tantiata. Nuquin Papan: Ubëd mibi tabadendac, quequin chiampid tantiash utsibo: Abimbo caic, queshun abi tantiasho Nuquin Papan ambi chiampicpadombuen abëdi tabadmendac. Aidon nabanquin tantiacpadombuen chieshtoenquio icquin Nuquin Papa tantiata.

Ebedeo 6:12 ပူးပေါင်းရင်းမြစ်များ

Mateo 22:32

Naden dada uapampic: Abadauan yec Acobo yec Isac yec quec icquidon Papa nebi, quepampic Nuquin Papa. Adquid icnuc uënësaidon Papa caidpenquio yec abi icquidon Papa caid Nuquin Papa nec, quepondash Esus.

Mateo 25:26

icbon: Cun iua icsambocquid yec chieshquidquio mibi nec. Umbi chiacpadombuen nambo mimbi iquec. Ubi caic: Ancanquidquio icquin ubi chushcanushe, queshun

Ducas 16:22

Uëshë utsimbi atona nibëdquid Dasado uënësso issun Nuquin Papabëd icquidon abuc buanshun aton tsusedpa Abadauanën dayunquio tsadumposh. Adoambic atona dadpen icquidtsen uënësacsho chococaposh.

Ducas 8:15

Pete ëshë utsi nidaid bëdambo yacno paëdaidbimbuecquid nad iquec. Nuquin Papan Chiaid chuibansho tantiaquioshon ambi tantiabued bëshunenquio icquin tantiadonec bëdambuec tabadquin utsi tantiamequin chuibanquidquio nendac. Adquid natiamiantequid chonoc chieshtoenquio icquin utsibo ënenquio icquin chuibanendac. Adquidën chuibanac ubi tantiaquid dadpenquio yanendac, quepanëdash Esus abëd icquido chiec.

Doma 12:11

Nuquin Papan chiacpadombuen naic chieshtoenquio icquin nata. Chieshquid iquenda. Nuquin Icbo tantiaquin aid nashunec chieshtoenquio yec bëdambuec tabadta.

Doma 2:7

Abi tantiec bëdambuec tabadsho issun mabi Nuquin Papan: Mibi bëdambo iquec, canu, quiash abëd tabadte bunec ambi chiacpadec bëdambuec tabadquid uënësacsho Nuquin Papan ënëdenquiocnoc abëdi tabadmendac.

Doma 4:12

Adecbidi Abadauan shui dëbid dëtemiaidon papabimbuecquid nec. Abadauanën Nuquin Papa tantiabennëdacpadombuembidi tantiaquido aido nec. Abadauanën shui dëbid dëtemiambo icquimbi Nuquin Papa tantiabempampic.

Tesadonica 1 1:3

Aidon Esus tantiaquin mimbi chiacpadombuen matses tantiaquin nashumbanondash, Papa, quequin Nuquin Papa chiannembi. Abi yacno abi tantiaquido buannuec Nuquin Icbo Esuquidistu padpidec choec, quesho utsibon chieshënaqui chieshtoenquio icquin Esusën naid abi chuibanondash, quequin ubëd icquidobëtan ënenquio icquin mibitedi tantiembi.

Tesadonica 2 1:4

Mibi adec bëdambuec tabadaid tantiaquin Esus tantiaquido utsibo chuibenniombi. Dadpenshun chieshënaqui chieshtoenquio icquin aidon abi Esus tantiec, quequin utsi utsiec yacno mibi Esus tantiec tabadaid chuibenniombi.

Ebedeo 1:14

Padnuen abëd icquido Nuquin Papa nashunquido nec. Adembidi Nuquin Papan: Esus tantiaquido ubëd tabadtequido neque. Nashuntan, quequin chometequido nec.

Ebedeo 10:36

Utsin mëyanquin natiamiaqui Nuquin Papan Chiaid chieshtoenquio icquin tantiadedneta. Adec tabadquin abi bunacpadombuen nabanacsho ambi chiampicpadombuen Nuquin Papan abi yacno mibitedi tabadmendac.

Ebedeo 11:33

Adembidi Nuquin Papa tantiaquidquio icquin isadaidbo utsin utsinquien matses utsibon nidaid bedquin dëniacquin cuessun secapampic. Adembidi utsin utsinquien Nuquin Papan chiacpadombuen bëdambuec tabadmebampampic. Utsin utsinquien Nuquin Papan: Naden mibi menendambi, quequin chiampid bedpampic. Aden naquid icsho utsi bedshun: Bëdi dapa pemenu, quequin bëdi tabadacno buanshun nebudpampic. Adosho issumbi piantiapimbocnoc Nuquin Papan quiuëccac bëdin penquio icpampic.

Ebedeo 12:1

Aden Nuquin Papa tantiaquidombo yec uënësampidën dacuenadec tabadquin isacbimbuec nuqui tabadec. Aidon nampid tantiaquin Nuquin Papa tantiate bunquioquin: Cun dashcute iuëmbocquid chictanec cumapenec titinquetannu, quiacbimbuen nuqui icsambuen nabanaid ënnuna. Adembidi dayacquiocquin Nuquin Papan chiacpaden nabanec tabadnuna.

Ebedeo 13:7

Adembidi Nuquin Papan Chiaid mibi tantiamenu, quequin mibi chuibanquidon chiaid bëshunenda. Aido Esus tantiaquiec bëdambuec tabadpanëdash. Aidon tantianëdacpadombuen tantiec bëdambuec tabaduata.

Ebedeo 5:11

Aden Esus Nuquin Papa bëdambuen ismequid nec, quequin tantiamete dadpen chuitiadquio icquimbi daëdpactsëc chiaqui badedquio mibitedishun tantienquio icsho issun abitedi chienquio iquembi.

Ebedeo 6:15

Aden chuisho tantiashun chieshtoenquio icquin cainec Abadauan: Nuquin Papan ambi chiacpadombuen naindac, quequin abi tantiasho Nuquin Papan nashumpampic.

Santiaco 1:3

Mibitedi abi tantiaquido icsho Nuquin Papan: ¿Ubi tantiaquidquiobida neque? Isnu, quequin tanquin natiamiaqui mëmunec chieshtoenquiocquid yanebi, quequin mimbi tantiendac.

Petedo 2 1:10

Tantia. Cun utsibo, mibitedi chuinu. Nuquin Papan: Cun matses canu, quequin Esus tantiamiaido mibitedi nec. Aden tantiamiaido icquin cute tapun nidaid ëquëducquio nidacbimbuen aid ënenquio icquin tantiaquid yec Esus tantiesa mibi yanuainquio iquendac.

Uan 1 2:25

Adquid icsho Esuquidistun: Ubëd abuc ënëdenquio yec tabadte iquendac, quequin chiondacpadec nuqui tabadendac.

Esusën Uan ismiaid 13:10

Nuquin Papan tantiacpadembi abi tantiaquido mëyanendac. Aden Ambi tantiacpaden utsi utsien quënën tsadunendac. Utsi utsien chështe aucbidaëdi cuënumbocquidën seshun secaindac. Mibi padquid adoendac, quequin chiaid icnuc chieshtoenquio icquin Nuquin Papa tantiaquiota.